നായ്​ക്കുട്ടിയുടെ ജഡം: സംഭവം ആസൂത്രിതമെന്ന്

പൂച്ചാക്കൽ: അരൂക്കുറ്റി സാമൂഹികാരോഗ്യ കേന്ദ്രത്തിൽ നായ്​ക്കുട്ടിയെ തല്ലിക്കൊന്ന് ഐ.പി വാർഡിനു മുന്നിൽ വെച്ചത് ആസൂത്രിതമെന്ന് തൈക്കാട്ടുശ്ശേരി ബ്ലോക്ക് പഞ്ചായത്ത് പ്രസിഡന്റ് പി.എം. പ്രമോദ്. ഏതാനും മാസമായി ആശുപത്രിയുടെ സത്​പ്രവർത്തനങ്ങൾക്കെതിരെ ചിലർ ഇല്ലാക്കഥകൾ പ്രചരിപ്പിക്കുന്നതിന്‍റെ തുടർച്ചയാണിതെന്നും ആവശ്യമെങ്കിൽ ദുരന്തനിവാരണ സേനയെ ചുമതലപ്പെടുത്തി രാത്രിയും പകലും സംരക്ഷണമൊരുക്കുമെന്നും അദ്ദേഹം പറഞ്ഞു.