ഗ്യാസ്​ സിലിണ്ടറിന്​ തീപിടിച്ചത്​ പരിഭ്രാന്തി പരത്തി

ആലപ്പുഴ: . അഗ്​നിരക്ഷാസേനയെത്തി തീകെടുത്തി. ശനിയാഴ്ച രാവിലെ 11ന് മുല്ലാത്ത് വളപ്പ് സെയ്താലി മൻസിലിൽ അസറുദ്ദീ​ൻെറ വീട്ടിലെ പാചകവാതക സിലിണ്ടറിനാണ്​ തീപിടിച്ചത്. തീയണക്കാൻ വീട്ടുകാർ ശ്രമിച്ചെങ്കിലും വിജയിച്ചില്ല. പിന്നീട് അഗ്​നിരക്ഷാസേന എത്തി വെള്ളം പമ്പ്​ ചെയ്​ത്​ തീകെടുത്താൻ നടത്തിയ നീക്കവും വിജയിച്ചില്ല. തുടർന്ന്​ സേനയിലെ ജീവനക്കാരൻ കത്തി​ക്കൊണ്ടിരുന്ന സിലിണ്ടറി​നടുത്തെത്തി ​െറഗുലേറ്റർ ഓഫാക്കിയാണ്​ അപകടമൊഴിവാക്കിയത്​. വീടിന്​ പുറത്താണ്​ ഗ്യാസ്​കുറ്റി സ്ഥാപിച്ചിരുന്നത്. അഗ്​നിരക്ഷ സേനാംഗങ്ങളായ ബദറുദ്ദീൻ, രഞ്ജിത്ത് കുമാർ, ബൈജു, കെ.ആർ. അനീഷ്, ജോബിൻ വർഗീസ് എന്നിവർ രക്ഷാപ്രവർത്തനത്തിന്​ നേതൃത്വം നൽകി.