വിജ്ഞാനജ്യോതി പദ്ധതി വിദ്യാഭാസ പുരോഗതിക്ക് കരുത്തേകും -മന്ത്രി സജി ചെറിയാൻ

ആലപ്പുഴ: മണ്ഡലത്തിലെ എല്ലാവിഭാഗം വിദ്യാർഥികളുടെയും സമഗ്ര വിദ്യാഭാസ പുരോഗതിക്ക് പി.പി. ചിത്തരഞ്ജൻ എം.എൽ.എയുടെ നേതൃത്വത്തിൽ നടത്തിവരുന്ന വിജ്ഞാന ജ്യോതി പദ്ധതി കരുത്തേകുമെന്ന് മന്ത്രി സജി ചെറിയാൻ. പദ്ധതിയുടെ ഭാഗമായി മാരാരിക്കുളം വടക്ക് പഞ്ചായത്തിൽ എസ്.എസ്.എൽ.സി-ഹയർ സെക്കൻഡറി പരീക്ഷകളിൽ ഉന്നത വിജയം നേടിയവരെ അനുമോദിക്കുന്ന ചടങ്ങ് ഉദ്‌ഘാടനം ചെയ്യുകയായിരുന്നു മന്ത്രി. എസ്.എൻ ട്രസ്​റ്റ്​ ജനറൽ സെക്രട്ടറി വെള്ളാപ്പള്ളി നടേശൻ മുഖ്യാതിഥിയായിരുന്നു. ജില്ല പഞ്ചായത്ത് പ്രസിഡൻറ്​ കെ.ജി. രാജേശ്വരി അധ്യക്ഷതവഹിച്ചു. പി.പി ചിത്തരഞ്ജൻ എം.എൽ.എ വിദ്യാർഥികൾക്കുള്ള അവാർഡും പ്രശംസപത്രവും വിതരണം ചെയ്​തു. കഞ്ഞിക്കുഴി ബ്ലോക്ക് പഞ്ചായത്ത് പ്രസിഡൻറ്​ വി.ജി മോഹനൻ, മാരാരിക്കുളം വടക്ക് ഗ്രാമപഞ്ചായത്ത് വൈസ് പ്രസിഡൻറ്​ സി.സി ഷിബു, പഞ്ചായത്ത് അംഗം ടി.പി. വിനോദ്, കെ.കെ. കുമാരൻ പെയിൻ ആൻഡ്​ പാലിയേറ്റിവ് കെയർ പ്രസിഡൻറ്​ എസ്.രാധാകൃഷ്​ണൻ തുടങ്ങിയവർ പങ്കെടുത്തു. പ്രാർഥനാവാരം സമാപിച്ചു മാന്നാർ: കുട്ടമ്പേരൂർ വൈ.എം.സി.എ നേതൃത്വത്തിൽ ഒരാഴ്​ചയായി നടക്കുന്ന അഖില ലോക പ്രാർഥന വാരാചാരണം സമാപിച്ചു. മാത്യൂസ് റമ്പാൻ സമാപന യോഗം ഉദഘാടനം ചെയ്​തു. പ്രസിഡൻറ്​ ജോജി ജോർജ് അധ്യക്ഷതവഹിച്ചു. പ്രഫ. പി.ജെ. ഉമ്മൻ മുഖ്യ പ്രസംഗം നടത്തി.