അനധികൃത മദ്യവിൽപന; രണ്ടുപേര്‍ പിടിയില്‍

അമ്പലപ്പുഴ: വീടുകൾ കേന്ദ്രീകരിച്ച് അനധികൃത മദ്യവിൽപന നടത്തിവന്ന രണ്ടുപേരെ അറസ്​റ്റ്​ ചെയ്തു. പുറക്കാട് പഞ്ചായത്ത് നാലാം വാർഡിൽ കരൂർ മുറിയിൽ തിരുവോണം വീട്ടിൽ വിനോദ്, പുറക്കാട് പഞ്ചായത്ത് രണ്ടാം വാർഡിൽ മഠത്തിൽ അനിൽ കുമാർ എന്നിവരെയാണ് അമ്പലപ്പുഴ സി.ഐ എസ്. വിജേഷി​ൻെറ നേതൃത്വത്തിൽ അറസ്​റ്റ്​ ചെയ്തത്. പ്രതികളുടെ പക്കൽനിന്ന്​ നൂറിലധികം കുപ്പികളിലായി 45 ലിറ്റർ ഇന്ത്യൻ നിർമിത വിദേശമദ്യം കണ്ടെത്തി. അവധി ദിവസങ്ങളിലും മറ്റും കൂടുതൽ തുകക്ക്​ വിൽക്കുന്നതിനായാണ് പ്രതികൾ മദ്യം വീട്ടിൽ സൂക്ഷിച്ചിരുന്നത്. അഡീഷനൽ എസ്.ഐ ബൈജു, സി.പി.ഒമാരായ സരോജ്, നിഖില്‍, ജോസഫ്, ദിലീഷ്, ഹരികൃഷ്ണന്‍ എന്നിവരും സി.ഐയോടൊപ്പം സംഘത്തിലുണ്ടായിരുന്നു. ( ചിത്രം.....പിടിയിലായ വിനോദ്, അനില്‍കുമാര്‍)