ഓട്ടോ സ്​റ്റാൻഡ്​ മാറ്റാൻ ഹൈകോടതി ഉത്തരവ്

പ്രതിഷേധവുമായി ഓ​ട്ടോറിക്ഷ തൊഴിലാളികൾ അരൂക്കുറ്റി: വടുതല ജങ്ഷനിലെ ഓ​ട്ടോ സ്​റ്റാൻഡ്​ മാറ്റാൻ ഹൈകോടതി ഉത്തരവ്. ജങ്ഷനിലെ പടിഞ്ഞാറ് ഭാഗത്ത് നദ്​വത്ത് നഗർ റോഡിൽ കടകൾക്ക് മുൻവശം പാർക്ക് ചെയ്​തിരുന്ന ഓട്ടോകളാണ് അവിടെനിന്ന് മാറ്റാൻ കോടതി ഉത്തരവിറക്കിയത്. പരിസരത്ത്​ കട നടത്തുന്നവർ നൽകിയ ഹരജിയുടെ അടിസ്ഥാനത്തിലാണ് നടപടി. അതിനിടെ, കോടതി ഉത്തരവിനെതിരെ പ്രതിഷേധവുമായി ഓ​ട്ടോറിക്ഷ തൊഴിലാളികൾ രംഗത്തെത്തി. ഇതി​ൻെറ ഭാഗമായി വടുതല ജങ്ഷനിൽ 'ഞങ്ങളെ ജീവിക്കാൻ അനുവദിക്കുക' എന്ന വലിയ ബോർഡ് സ്ഥാപിച്ചു. കേസിന് പോയി വിധി സമ്പാദിച്ച കടക്കാരുടെ പേരുവിവരങ്ങൾ പ്രദർശിപ്പിച്ചാണ് ഫ്ലക്​സ്​ ബോർഡ്​ ഉയർത്തിയിട്ടുള്ളത്.