വാഹനം ഇടിച്ച് വൈദ്യുതി പോസ്​റ്റ്​ റോഡിൽ വീണു

ചേർത്തല: ശക്തീശ്വരം കവലയ്ക്ക് സമീപം അജ്ഞാത . കഴിഞ്ഞദിവസം രാവിലെ ആറരയോടെയാണ് സംഭവം. ലോറി ഇടിച്ചെന്നാണ് സൂചന. നിലവിൽ ഇടിച്ച വാഹനം കണ്ടെത്തിയിട്ടില്ല. ഒറ്റപ്പുന്ന കവല ഭാഗത്തേക്ക് പോയതായാണ് വിവരം. ഇടിയുടെ ആഘാതത്തിൽ വൈദ്യുതി തൂണ് ഒടിഞ്ഞ് റോഡിനു കുറുകെ വീണു. വൈദ്യുതി കമ്പികളും സ്ഥലത്ത് വീണിട്ടുണ്ട് . ഈ സമയം പെട്ടെന്ന് മറ്റു വാഹനങ്ങൾ വരാതിരുന്നതിനാൽ കൂടുതൽ അപകടം ഒഴിവായി. ഒരു മണിക്കൂറിൽപരം റോഡിൽ ഗതാഗത തടസ്സമുണ്ടായി. ചേർത്തല ട്രാഫിക് പൊലീസ് സ്ഥലത്തെത്തി ഗതാഗതം വഴിതിരിച്ചുവിട്ടു. കെ.എസ്.ഇ.ബി പ്രദേശത്തെ വൈദ്യുതി വിതരണം നിർത്തിവെച്ച് പോസ്​റ്റ്​ മാറ്റൽ നടപടി സ്വീകരിച്ചു.