അച്ഛൻ മരിച്ച വേദന ഉള്ളിലൊതുക്കി മകൻ പരീക്ഷ എഴുതി

മാവേലിക്കര: അച്ഛൻ മരിച്ച വേദനയുള്ളിലൊതുക്കി മകൻ ഐ.ടി.ഐ പരീക്ഷയെഴുതി. ഉമ്പർനാട് കൊടുവശ്ശേരിൽ വടക്കതിൽ മോഹന​ൻെറ (55) മകൻ മിഥുനാണ് അച്ഛ​ൻെറ വേർപാടി​ൻെറ ദുഃഖവുമായി ശനിയാഴ്ച കല്ലുമല എം.ബി ഐ.ടി.ഐയിൽ പരീക്ഷയെഴുതിയത്. ഇല്ക്ട്രീഷൻ രണ്ടാം വർഷ വിദ്യാർഥിയായ മിഥുന് എൻജിനീയറിങ് ഡ്രോയിങിന്റെ പ്രാക്ടിക്കൽ പരീക്ഷ ആയിരുന്നു. പരീക്ഷ എഴുതുന്നില്ലെന്ന് തീരുമാനിച്ച മിഥുനെ അധ്യാപകർ സ്നേഹപൂർവം നിർബന്ധിച്ചാണ് പരീക്ഷക്കെത്തിച്ചത്. പരീക്ഷ കഴിഞ്ഞ്​ മിഥുൻ വീട്ടിലെത്തിയ ശേഷമാണ് സംസ്കാര ചടങ്ങുകൾ നടന്നത്. അർബുദ ബാധിതനായി ചികിത്സയിലായിരുന്ന മോഹനൻ വെള്ളിയാഴ്ചയാണ് മരിച്ചത്. ഫോട്ടോ: മിഥുൻ കല്ലുമല എം.ബി ഐ.ടി.ഐയിൽ ഡ്രോയിങ്ങി​ൻെറ പ്രാക്ടിക്കൽ പരീക്ഷ എഴുതുന്നു