ഹഷീഷ് ഓയിലുമായി രണ്ടുപേര്‍ പിടിയില്‍

അരൂര്‍: വല്ലേത്തോട് ഭാഗത്തെ തണ്ണിമത്തന്‍ ഗോഡൗണില്‍ എക്‌സൈസ് സംഘം നടത്തിയ പരിശോധനയില്‍ ആറ് ഗ്രാം ഹഷീഷ് ഓയിലുമായി രണ്ട് ജോലിക്കാര്‍ പിടിയിലായി. കൊച്ചി രാമേശ്വരം വില്ലേജില്‍ കണ്ടോത്തുപറമ്പില്‍ ഷാരോണ്‍ കൊറിയ (21), കുത്തിയതോട് വെളിയില്‍ നികര്‍ത്തില്‍ ഷാഹുല്‍(22) എന്നിവരാണ് പിടിയിലായത്. കുത്തിയതോട് റേഞ്ച്​ ഇന്‍സ്‌പെക്ടര്‍ സി.എക്‌സ്. സുനില്‍കുമാറിന്റെ നേതൃത്വത്തിലെ സംഘമാണ് പരിശോധന നടത്തിയത്. എഴുപുന്ന പാറായി കവലയില്‍നിന്ന്​ നാലുകുളങ്ങര ഭാഗത്തേക്ക് പോകുന്ന റോഡില്‍ വല്ലേത്തോട് പാലത്തിന് സമീപമാണ് തണ്ണിമത്തന്‍ ഗോഡൗണ്‍. രഹസ്യവിവരത്തിന്റെ അടിസ്ഥാനത്തില്‍ പുലര്‍ച്ച നടത്തിയ പരിശോധനയില്‍ പ്രിവന്‍റിവ് ഓഫിസര്‍മാരായ സുമേഖ്, വി.എം. ജോസഫ്, മറ്റ് ഉദ്യോഗസ്ഥരായ ഓംകാര്‍നാഥ്, ഷഫീഖ്​, സൈനു, ഷൈനി എന്നിവര്‍ പങ്കെടുത്തു. ചിത്രം - ഹഷീഷ് ഓയിലുമായി എക്‌സൈസ് പിടിയിലായ ഷാരോണ്‍ കൊറിയയും ഷാഹുലും