സ്റ്റാഫ് നഴ്സിനെ കടന്നുപിടിച്ച ആരോഗ്യവകുപ്പ് ഡ്രൈവറെ അറസ്റ്റ് ചെയ്തു

അമ്പലപ്പുഴ: ആശുപത്രിയിലെ സ്റ്റാഫ് നഴ്സിനെ കടന്നുപിടിച്ച ആരോഗ്യ വകുപ്പ് ഡ്രൈവറെ അറസ്റ്റ് ചെയ്തു. അമ്പലപ്പുഴ അർബൻ ഹെൽത്ത് ട്രെയിനിങ്​ സെന്‍റർ ഡ്രൈവർ ചേർത്തല വെട്ടക്കൽ മംഗലശ്ശേരി രമേശനെയാണ് (55) കഴിഞ്ഞ രാത്രി അറസ്റ്റ് ചെയ്തത്. ഇവിടുത്തെ സ്റ്റാഫ് നഴ്സ് നൽകിയ പരാതിക്ക് പിന്നാലെ ഇതുമായി ബന്ധപ്പെട്ട് മൊഴി നൽകിയതിന് ശേഷം അമ്പലപ്പുഴ പൊലീസ് രമേശനെതിരെ കേസെടുത്തിരുന്നു. സംഭവവുമായി ബന്ധപ്പെട്ട് ഡ്രൈവർ രമേശനെ മെഡിക്കൽ കോളജ് പ്രിൻസിപ്പൽ സസ്​പെൻഡ്​ ചെയ്തിരുന്നു. കഴിഞ്ഞ ദിവസം വൈകീട്ട് ഡ്യൂട്ടി ചെയ്യുന്ന സമയത്ത് മാസ്ക് വാങ്ങാനെത്തിയ രമേശൻ തന്നെ കയറിപ്പിടിച്ചെന്നാണ് ഇവർ അഡ്മിനിസ്ട്രേറ്റിവ് ഓഫിസർക്ക് നൽകിയ പരാതിയിൽ പറഞ്ഞത്. സി.സി ടി.വി ദൃശ്യങ്ങൾ പരിശോധിച്ച് ശക്തമായ നടപടി സ്വീകരിക്കണമെന്നും പരാതിയിൽ ആവശ്യപ്പെട്ടിരുന്നു. അതിനിടെ, സമാനമായ നിരവധി സംഭവങ്ങൾ മെഡിക്കൽ കോളജിലും അമ്പലപ്പുഴ ആശുപത്രിയിലും രമേശൻ നടത്തിയിട്ടുണ്ടെന്നാണ് പരാതികൾ ഉയർന്നിരിക്കുന്നത്. (ചിത്രം ...രമേശന്‍)