Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightAlappuzhachevron_rightനേർച്ച പണംകൊണ്ട്...

നേർച്ച പണംകൊണ്ട് സൈക്കിൾ സമ്മാനിച്ചു

text_fields
bookmark_border
നേർച്ച പണംകൊണ്ട് സൈക്കിൾ സമ്മാനിച്ചു
cancel
ചെങ്ങന്നൂർ: ഭക്ഷണമുപേക്ഷിച്ച് നോമ്പുകാലത്ത്​ ഇടവകയിലെത്തിച്ച നേർച്ച തുകയുപയോഗിച്ച് വിദ്യാർഥിക്ക് സൈക്കിൾ സമ്മാനിച്ചു. സെന്‍റ്​ തോമസ് ബിലീവേഴ്സ് ഈസ്റ്റേൺ ചർച്ച് നിരണം ഇടവകയിലാണ് മാതൃകപരമായ പ്രവർത്തനം. നോമ്പുകാലയളവിൽ വെള്ളിയാഴ്ച ദിവസങ്ങളിൽ ഒരുനേരമെങ്കിലും ഉപവസിച്ച് പ്രാർഥനയിൽ പങ്കാളികളാകണമെന്ന് വികാരി ഫാ. ജോസ് കരിക്കം ഇടവകയിലെ വിശ്വാസികളോട്​ അഭ്യർഥിച്ചിരുന്നു. അങ്ങനെയുള്ള തുകയാണ് ജീവകാരുണ്യ പ്രവർത്തനങ്ങൾക്കായി മാറ്റിവെച്ചത്. ഞായറാഴ്ച വിശുദ്ധ കുർബാനക്കുശേഷം നടന്ന ചടങ്ങിൽ ഫാ. ജോസ് കരിക്കം സൈക്കിളും ഭക്ഷ്യധാന്യക്കിറ്റും വിതരണം ചെയ്തു. ഡോ. ജോൺസൺ വി. ഇടിക്കുള അധ്യക്ഷതവഹിച്ചു. പോൾ സി.വർഗീസ് സംസാരിച്ചു. 2020ൽ ലോക്ഡൗൺ കാലത്തെ, ദുഖഃവെള്ളി ദിനത്തിൽ ഇടവകയിലെ പൊതു ശുശ്രൂഷ ഒഴിവാക്കിയിരുന്നു. അതിനാൽ ആ ദിനത്തിലെ പ്രത്യേക കഞ്ഞിക്ക്​ ചെലവാകുന്ന തുകയുടെ ഭക്ഷ്യധാന്യങ്ങൾ വണ്ടാനം മെഡിക്കൽ കോളജ് ആശുപത്രിയിലെ രോഗികളുടെ കൂട്ടിരുപ്പുകാർക്കുവേണ്ടി ഡി.വൈ.എഫ്.ഐ വിതരണം ചെയ്യുന്ന പൊതിച്ചോറിന് വികാരി ഫാ. ഷിജു മാത്യുവിന്‍റെ നേതൃത്വത്തിൽ ഇടവക നൽകിയിരുന്നു.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story