ആട്ടിൻതോലണിഞ്ഞ ചെന്നായ്ക്കളെ തിരിച്ചറിയണം -തുഷാർ വെള്ളാപ്പള്ളി

മാന്നാർ: എസ്.എൻ.ഡി.പി യോഗത്തിനെ കോർപറേറ്റ് സ്ഥാപനവത്കരിക്കാൻ ശ്രമിക്കുന്ന ആട്ടിൻതോലണിഞ്ഞ ചെന്നായ്ക്കളെ ശ്രീനാരായണീയർ കരുതിയിരിക്കണമെന്നും കള്ളനാണയങ്ങളെ തിരിച്ചറിയണമെന്നും യോഗം വൈസ് പ്രസിഡന്‍റ്​ തുഷാർ വെള്ളാപ്പള്ളി. എസ്.എൻ.ഡി.പി യോഗം മാന്നാർ യൂനിയനിൽ നടന്ന പ്രവർത്തക സംഗമം ഉദ്ഘാടനം ചെയ്യുകയായിരുന്നു അദ്ദേഹം. യൂനിയൻ ചെയർമാൻ ഡോ. എം.പി. വിജയകുമാർ അധ്യക്ഷതവഹിച്ചു. സജീഷ് കോട്ടയം, സന്ദീപ് പച്ചയിൽ, രാജേഷ് നെടുമങ്ങാട്, റെയിൻബോ മണിലാൽ, രഞ്ജിത്, സതീഷ് കുട്ടനാട്, പന്തളം യൂനിയൻ പ്രസിഡന്‍റ്​ അഡ്വ. സുനിൽ മുണ്ടപ്പള്ളി തുടങ്ങിയവർ സംസാരിച്ചു. യൂനിയൻ കൺവീനർ ജയലാൽ എസ്.പടീത്തറ സ്വാഗതവും യൂനിയൻ അഡ്മിനിസ്ട്രേറ്റിവ് കമ്മിറ്റി അംഗം ദയകുമാർ ചെന്നിത്തല നന്ദിയും പറഞ്ഞു.