സംഘടന രൂപവത്​കരിച്ചു

ചേർത്തല: സിനിമ-സീരിയൽ രംഗത്ത് പ്രവർത്തിക്കുന്നവർക്കായി എയ്ഞ്ചൽ മീഡിയ സിനിമാസ് ആൻഡ്​ കൾചറൽ ഫിലിംസ് എന്ന . സിനിമ, താരസംഗമം എന്നിവ സംഘടിപ്പിച്ച് അതിലൂടെ കിട്ടുന്ന പണം സംസ്ഥാനതലത്തിൽ അവശത അനുഭവിക്കുന്ന കലാകാരന്മാരെ സഹായിക്കാനാണ് പുതിയ സംഘടനക്ക്​ രൂപംനൽകിയത്. ചേർത്തലയിൽ രൂപവത്​കരണസമ്മേളനം നിർമാതാവ്​ ഒ.സി. വക്കച്ചൻ ഉദ്ഘാടനം ചെയ്തു. സംവിധായകൻ ഉണ്ണികൃഷ്ണൻ ചങ്ങരത്ത് അധ്യക്ഷത വഹിച്ചു. വയലാർ രാധാകൃഷ്ണൻ, മഹേഷ് തിടനാട്, പ്രൊഡക്ഷൻ കൺട്രോളർ വേണു തോപ്പിൽ, നടിമാരായ ഗായത്രി നമ്പ്യാർ, പ്രാർഥന, നിർമാതാക്കളായ ശോഭിൻ, റഷീദ് പള്ളുരുത്തി, ഷീല കുര്യൻ എന്നിവർ സംസാരിച്ചു. ഭാരവാഹികൾ: ഒ.സി. വക്കച്ചൻ (രക്ഷാ.), ഉണ്ണി ചങ്ങരത്ത് (പ്രസി.), ശോഭിൻ (വൈ.പ്രസി.), പി.എസ്. സുഗന്ധപ്പൻ (സെക്ര.), സുനിൽ ഗോഗുലം (ജോ.സെക്ര.), രാധാകൃഷ്ണൻ (ട്രഷ.).