അംഗപരിമിതനായ യുവാവിനെ ആക്രമിച്ചതായി പരാതി

ചേര്‍ത്തല: അംഗപരിമിതനായ യുവാവിനെ അടിച്ചുവീഴ്ത്തിയ ശേഷം ബൈക്കില്‍ തട്ടിക്കൊണ്ടുപോയി ആളൊഴിഞ്ഞ കേന്ദ്രത്തിലെത്തിച്ച്​ മര്‍ദിച്ചതായി പരാതി. നഗരസഭ നാലാം വാര്‍ഡ് നെടുമ്പ്രക്കാട് പുതുവല്‍ നികര്‍ത്ത് സന്ദീപിനാണ്​ (23) മർദനമേറ്റത്. കഴിഞ്ഞ ദിവസം രാത്രി ഒമ്പതരക്ക് വീടിനുസമീപത്താണ് ആക്രമണം. ഇവിടെ അടിച്ചുവീഴ്ത്തിയ ശേഷം ബൈക്കില്‍ കയറ്റി ആളൊഴിഞ്ഞ സ്ഥലത്തെത്തിച്ച് അഞ്ചംഗ സംഘം ആക്രമിച്ചെന്നാണ് പരാതിയിൽ പറയുന്നത്​. ഇവിടെനിന്ന്​ രക്ഷപ്പെട്ട്​ എത്തിയാണ് ചേര്‍ത്തല താലൂക്ക് ആശുപത്രിയില്‍ ചികിത്സ തേടിയത്. ചേര്‍ത്തല പൊലീസില്‍ പരാതി നല്‍കി. രണ്ടുകാലിനും സ്വാധീനക്കുറവുള്ള ആളാണ്.