നെഞ്ചോട്​ ചേർത്തിട്ടും നജ്​ലയും മക്കളും നഷ്ടമായി; കണ്ണീരോടെ അശ്വനിയും രാധികയും

ആലപ്പുഴ: കുടുംബജീവിതത്തിലെ പ്രശ്നങ്ങൾക്ക്​ ആശ്വാസവാക്കുകളായി ​നജ്​ലയെയും മക്കളെയും നെഞ്ചോട്​ ചേർത്തുനിർത്തിയ അയൽവാസികളായ അശ്വനിക്കും രാധികക്കും​ സങ്കടമടക്കാനാവുന്നില്ല. സമീപവാസിയായ വണ്ടാനം മെഡിക്കല്‍ കോളജ്‌ പൊലീസ് എയ്ഡ്‌ പോസ്റ്റിലെ സി.പി.ഒ റെനീസി‍ൻെറ ഭാര്യ നജ്​ല (27), മക്കളായ ടിപ്പുസുൽത്താൻ (അഞ്ച്​), മലാല (ഒന്നേകാൽ) എന്നിവരെക്കുറിച്ച്​ വിതുമ്പലോടെയാണ്​ ഇവർ ഓർമകൾ പങ്കുവെക്കുന്നത്​​. ക്വാർട്ടേഴ്​സിലെ മൂന്നാം നിലയിൽ (എ-12) മുറിയിൽ കഴിയുന്ന റെനീസി‍ൻെറ കുടുംബവുമായി നാലുവർഷത്തെ ബന്ധമാണ്​ തൊട്ടടുത്ത്​ താമസിക്കുന്ന അശ്വനിക്കും രാധികക്കുമുള്ളത്​. അവരുടെ മക്കളോടൊപ്പമായിരുന്നു ടിപ്പുസുൽത്താനും മലാലയും കളിച്ചിരുന്നത്​. നിറപുഞ്ചിരിയുമായി എല്ലാവരോടും സൗഹൃദം പുലർത്തുന്ന പ്രകൃതമായിരുന്നു നജ്​ലയുടേത്​. തിങ്കളാഴ്ച രാത്രി 10.30നാണ്​ അയൽവാസികൾ അവസാനമായി​ കണ്ടത്​. അശ്വനിയുടെ കുട്ടി​കളോടൊപ്പം കളിച്ചുകൊണ്ടിരുന്ന ടിപ്പുസുൽത്താനെ വിളിക്കാൻ എത്തിയതായിരുന്നു​. പതിവായി ട്യൂഷന്​ വിട്ടിരുന്ന കുട്ടിയെ വിടാ​ത്തത്​ എന്തായിരുന്നുവെന്ന്​ ചോദിച്ചപ്പോൾ ഒന്നും മിണ്ടിയില്ല. ആ മൗനം തിരിച്ചറിഞ്ഞില്ലെന്ന്​ പറയുമ്പോൾ അശ്വനിയുടെ കണ്ണുകൾ വിതുമ്പി. വാക്കേറ്റവും ഫോൺവിളിയെ ചൊല്ലിയുള്ള തർക്കവും പതിവാണ്​. അത്​ കുട്ടികളുടെ ജീവനെടുക്കുമെന്ന്​ ആരും കരുതിയില്ല. സമീപത്തെ മറ്റൊരു ക്വാർട്ടേഴ്​സിൽ താമസിക്കുന്ന രാധികയുമായി അടുപ്പം ഏറെയായിരുന്നു. ശനിയാഴ്ച കുതിരപ്പന്തിയിലെ കുടുംബവീട്ടിലേക്ക്​​ പോയി തിരിച്ചെത്തിയപ്പോഴാണ്​ അശ്വിനി ദുരന്തവാർത്തയറിഞ്ഞത്​. വീട്ടിൽനിന്ന്‌ പോയാൽ ഫോൺവിളിക്കുക പതിവായിരുന്നു. ഫോൺ കേടായതിനാൽ നജ്​ലയുടെ വിളിയെത്തിയിരുന്നില്ല. കഴിഞ്ഞമാസം 21ന്​ രാധികയുടെ സഹോദര‍‍ൻെറ വിവാഹച്ചടങ്ങിൽ​ റെനീസും നജ്​ലയും കുടുംബസമേതം പ​ങ്കെടുത്തിരുന്നു​. കൊല്ലം ചന്തനത്തോപ്പ്​ കേരളപുരം നഫ്​ല മാൻസിലിൽ നജ്​ല രണ്ടാമത്തെ പെൺകുട്ടിയുടെ പ്രസവം കഴിഞ്ഞ്​ ക്വർട്ടേഴ്​സിൽ തിരിച്ചെത്തിയിട്ട്​ അധികനാളായില്ല. മാതാവ് ലൈലാബീവി​ അടുത്ത ദിവസങ്ങളിൽവരെ ഒപ്പമുണ്ടായിരുന്നു. നജ്​ലയുടെ നാലാമത്തെ വയസ്സിൽ മരിച്ച പിതാവ്​ ഷാജഹാ‍ൻെറ ചരമവാർഷികം ചൊവ്വാഴ്ച ചന്തന​ത്തോപ്പിലെ വീട്ടിൽ നടത്താനുള്ള ഒരുക്കവും നടത്തിയിരുന്നു. ഇതുമായി ബന്ധപ്പെട്ട്​ തിങ്കളാഴ്ച രാത്രി ഫോൺ വിളിച്ചപ്പോൾ നടുവേദനയായതിനാൽ വരാൻ കഴിയില്ലെന്ന്​ നജ്​ല പറഞ്ഞതായി ബന്ധു പറഞ്ഞു. APL police quarters death ആലപ്പുഴ ബീച്ചിന്​ സമീപത്തെ എ.ആർ ക്യാമ്പ്​ ക്വാർട്ടേഴ്​സിൽ നജ്​ലയും രണ്ടു മക്കളും മരിച്ച നിലയിൽ കണ്ടെത്തിയ സംഭവമറിഞ്ഞ്​ ​​എത്തിയ ബന്ധുക്കൾ​ APL ranees family നജ്​ലയും മക്കളായ ടിപ്പുസുൽത്താനും മലാലയും റെനീസിനൊപ്പം. അയൽവാസിയായ രാധികയുടെ സഹോദര‍‍ൻെറ ​വിവാഹത്തിന്​ എടുത്ത കുടുംബചിത്രം