രണ്ടാഴ്ചക്കിടെ 58 പേർക്ക് ഡെങ്കിപ്പനി, 21 പേർക്ക് എലിപ്പനി

ആ​ല​പ്പു​ഴ: ജി​ല്ല​യി​ല്‍ ഡെ​ങ്കി​പ്പ​നി​യും എ​ലി​പ്പ​നി​യും നി​യ​ന്ത്ര​ണ​വി​ധേ​യ​മാ​കു​ന്നി​ല്ല. ക​ഴി​ഞ്ഞ ര​ണ്ടാ​ഴ്ച​ക്കി​ടെ 58 പേ​ർ​ക്ക്​ ഡെ​ങ്കി​പ്പ​നി​യും 21 പേ​ർ​ക്ക്​ എ​ലി​പ്പ​നി​യും സ്ഥി​രീ​ക​രി​ച്ചു. ര​ണ്ട്​ മ​ര​ണ​വും റി​പ്പോ​ർ​ട്ട്​ ചെ​യ്​​തു.പു​ന്ന​പ്ര നോ​ർ​ത്ത്​ പ​ഞ്ചാ​യ​ത്തി​ലാ​ണ്​ ഡെ​ങ്കി​പ്പ​നി​ബാ​ധ കൂ​ടു​ത​ൽ. ക​ഴി​ഞ്ഞ ര​ണ്ടാ​ഴ്ച​ക്കി​ടെ ഇ​വി​ടെ ഡെ​ങ്കി​ബാ​ധി​ച്ച​ത്​ 13 പേ​ർ​ക്കാ​ണ്.

ദി​വ​സം ഒ​രാ​ളെ​ങ്കി​ലും ഇ​വി​ടെ ഡെ​ങ്കി​ബാ​ധി​ത​നാ​കു​ന്നു. പു​ന്ന​പ്ര സൗ​ത്തി​ലും ഡെ​ങ്കി​പ്പ​നി​ബാ​ധ​യു​ണ്ട്. ര​ണ്ടാ​ഴ്ച​ക്കി​ടെ ഇ​വി​ടെ നാ​ലു​പേ​ർ​ക്കാ​ണ്​ ഡെ​ങ്കി സ്ഥി​രീ​ക​രി​ച്ച​ത്.ഇ​തോ​ടെ ജി​ല്ല​യി​ൽ ആ​രോ​ഗ്യ​വ​കു​പ്പ്‌ വീ​ണ്ടും ജാ​ഗ്ര​താ മു​ന്ന​റി​യി​പ്പ്​ ന​ൽ​കി​യി​ട്ടു​ണ്ട്. സ​ർ​ക്കാ​ർ ആ​ശു​പ​ത്രി​ക​ളി​ൽ ചി​കി​ത്സ​തേ​ടി​യ​വ​രു​ടെ ക​ണ​ക്ക്​ മാ​ത്ര​മാ​ണി​ത്. സ്വ​കാ​ര്യ ആ​ശു​പ​ത്രി​ക​ളി​ൽ ചി​കി​ത്സി​ക്കു​ന്ന​വ​രു​ടെ ക​ണ​ക്ക്​ കൂ​ടി ചേ​ർ​ത്താ​ൽ ഡെ​ങ്കി​ബാ​ധി​ത​രു​ടെ എ​ണ്ണം നൂ​റു​ക​ട​ക്കും.

പു​ന്ന​പ്ര​യി​ൽ പ​ല​യി​ട​ത്തും വെ​ള്ള​ക്കെ​ട്ട്​ രൂ​ക്ഷ​മാ​യ​തോ​ടെ കൊ​തു​കു​ക​ൾ പെ​രു​കി​യ നി​ല​യി​ലാ​ണ്.നോ​ർ​ത്ത്​ പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ന്​ സ​മീ​പ​ത്തു​ത​ന്നെ കാ​ന​യി​ൽ ഒ​ഴു​ക്കി​ല്ലാ​തെ വെ​ള്ളം കെ​ട്ടി​ക്കി​ട​ക്കു​ക​യാ​ണ്.ആ​ല​പ്പു​ഴ ടൗ​ണ്‍, ആ​ര്യാ​ട്‌, മ​ണ്ണ​ഞ്ചേ​രി, അ​മ്പ​ല​പ്പു​ഴ വ​ട​ക്ക്‌, മാ​രാ​രി​ക്കു​ളം സൗ​ത്ത്‌, പ​ള്ളി​പ്പു​റം, പ​ള്ളി​പ്പാ​ട്‌, ചെ​ട്ടി​കു​ള​ങ്ങ​ര, ഭ​ര​ണി​ക്കാ​വ്‌, ചെ​ന്നി​ത്ത​ല, ചെ​റു​ത​ന, നൂ​റ​നാ​ട്‌, നെ​ടു​മു​ടി, കൈ​ന​ക​രി എ​ന്നി​വി​ട​ങ്ങ​ളി​ൽ ഡെ​ങ്കി​പ്പ​നി​യും എ​ലി​പ്പ​നി​യും റി​പ്പോ​ർ​ട്ട്​ ചെ​യ്തി​ട്ടു​ണ്ട്.

ഇ​തോ​ടെ ഇ​ത്ര​യും സ്ഥ​ല​ങ്ങ​ൾ ഹോ​ട്ട്‌ സ്‌​പോ​ട്ടു​ക​ളാ​യാ​ണ്​ ആ​രോ​ഗ്യ​വ​കു​പ്പ്​ പ​രി​ഗ​ണി​ക്കു​ന്ന​ത്.ആ​ല​പ്പു​ഴ ന​ഗ​ര​ത്തി​ലെ ജ​ന​റ​ല്‍ ആ​ശു​പ​ത്രി, വ​നി​ത ശി​ശു ആ​ശു​പ​ത്രി പ​രി​സ​ര​ങ്ങ​ള്‍, മു​ല്ലാ​ത്തു​വ​ള​പ്പ്‌, ചേ​ര്‍ത്ത​ല ന​ഗ​രം, ചെ​ട്ടി​കാ​ട്‌, പു​ന്ന​പ്ര വ​ട​ക്ക്‌, ചു​ന​ക്ക​ര എ​ന്നീ സ്‌​ഥ​ല​ങ്ങ​ള്‍ ഡെ​ങ്കി​പ്പ​നി ഹോ​ട്ട്‌ സ്‌​പോ​ട്ടു​ക​ളാ​യും നി​ശ്ച​യി​ച്ചി​ട്ടു​ണ്ട്‌.

രോ​ഗ​ല​ക്ഷ​ണ​ങ്ങ​ള്‍ അ​വ​ഗ​ണി​ക്ക​രു​ത്​

ഡെ​ങ്കി കേ​സു​ക​ളും മ​ര​ണ​ങ്ങ​ളും സം​സ്‌​ഥാ​ന​മൊ​ട്ടാ​കെ റി​പ്പോ​ര്‍ട്ട്‌ ചെ​യ്യു​ന്ന സാ​ഹ​ച​ര്യ​ത്തി​ല്‍ രോ​ഗ​ല​ക്ഷ​ണ​ങ്ങ​ള്‍ അ​വ​ഗ​ണി​ക്കാ​തെ കൃ​ത്യ​സ​മ​യ​ത്ത്‌ ശ​രി​യാ​യ ചി​കി​ത്സ തേ​ട​ണ​മെ​ന്ന്‌ ജി​ല്ല മെ​ഡി​ക്ക​ല്‍ ഓ​ഫി​സ​ര്‍ അ​റി​യി​ച്ചു.അ​പാ​യ സൂ​ച​ന​ക​ള്‍ തി​രി​ച്ച​റി​ഞ്ഞ്‌ അ​ടി​യ​ന്ത​ര ചി​കി​ത്സാ​സ​ഹാ​യം ഉ​റ​പ്പാ​ക്കു​ന്ന​ത്‌ മ​ര​ണം ഒ​ഴി​വാ​ക്കാ​ന്‍ സ​ഹാ​യി​ക്കും. പ​നി, ക​ഠി​ന​മാ​യ ദേ​ഹ​വേ​ദ​ന, ത​ല​വേ​ദ​ന ക​ണ്ണി​ന്​ പി​റ​കി​ല്‍ വേ​ദ​ന സ​ന്ധി​വേ​ദ​ന തു​ട​ങ്ങി​യ​വ​യാ​ണ്‌ ഡെ​ങ്കി​പ്പ​നി​യു​ടെ പ്രാ​രം​ഭ​ല​ക്ഷ​ണ​ങ്ങ​ള്‍. രോ​ഗ​ബാ​ധി​ത​ര്‍ ചി​കി​ത്സ​യോ​ടൊ​പ്പം പ​രി​പൂ​ര്‍ണ വി​ശ്ര​മം എ​ടു​ക്ക​ണം.

തു​ട​ര്‍ച്ച​യാ​യ ഛര്‍ദി വ​യ​റു​വേ​ദ​ന, ശ​രീ​ര​ത്തി​ല്‍ ഏ​തെ​ങ്കി​ലും ഭാ​ഗ​ത്തു​നി​ന്ന്‌ ര​ക്‌​ത​സ്രാ​വം, ക​റു​ത്ത മ​ലം, ശ്വാ​സം​മു​ട്ട്‌, ശ​രീ​രം ചു​വ​ന്നു ത​ടി​ക്കു​ക, ക​ഠി​ന​മാ​യ ക്ഷീ​ണം ശ്വാ​സ​ത​ട​സ്സം ര​ക്‌​ത​സ​മ്മ​ര്‍ദം താ​ഴു​ക എ​ന്നി​വ അ​പാ​യ​സൂ​ച​ന​ക​ളാ​ണ്‌. എ​ന്തെ​ങ്കി​ലും അ​പാ​യ​സൂ​ച​ന​ക​ള്‍ ഉ​ണ്ടാ​യാ​ല്‍ അ​ടി​യ​ന്ത​ര​മാ​യി വി​ദ​ഗ്‌​ധ ചി​കി​ത്സ തേ​ട​ണം.

പ​നി​ബാ​ധി​ച്ച കു​ഞ്ഞു​ങ്ങ​ളെ നി​രീ​ക്ഷി​ക്ക​ണം

കു​ഞ്ഞു​ങ്ങ​ള്‍ക്ക്‌ രോ​ഗ​ബാ​ധ ഉ​ണ്ടാ​യാ​ല്‍ ശ​രീ​രോ​ഷ്‌​മാ​വ്‌ കു​റ​യ്‌​ക്കാ​ന്‍ ഡോ​ക്‌​ട​ര്‍ നി​ർ​ദേ​ശി​ക്കു​ന്ന മ​രു​ന്നു​ക​ള്‍ കൃ​ത്യ​മാ​യി ന​ല്‍ക​ണം. തി​ള​പ്പി​ച്ചാ​റി​യ വെ​ള്ള​വും മ​റ്റ്‌ പാ​നീ​യ​ങ്ങ​ളും പോ​ഷ​കാ​ഹാ​ര​വും ക​ഴി​പ്പി​ക്ക​ണം. കു​ഞ്ഞു​ങ്ങ​ളു​ടെ ഉ​യ​ര്‍ന്ന ശ​രീ​ര താ​പ​നി​ല കു​റ​യാ​തി​രി​ക്കു​ക, ആ​ഹാ​രം ക​ഴി​ക്കു​ന്ന​തി​നും വെ​ള്ളം കു​ടി​ക്കു​ന്ന​തി​നു​മു​ള്ള അ​സ്വ​സ്‌​ഥ​ത, നാ​വ്‌, വാ​യ, ചു​ണ്ട്‌ എ​ന്നി​വ വ​ര​ണ്ടു കാ​ണു​ക, മ​യ​ക്കം, ക്ഷീ​ണ​ത്തോ​ടെ ഉ​റ​ക്കം​തൂ​ങ്ങി ഇ​രി​ക്കു​ക, മൂ​ത്ര​ത്തി​ന്‍റെ അ​ള​വ്‌ കു​റ​യു​ക ക​ഠി​ന​മാ​യ കാ​ല്‌ വേ​ദ​ന, ഛര്‍ദി, വ​യ​റു​വേ​ദ​ന, മോ​ണ പോ​ലെ​യു​ള്ള ശ​രീ​ര​ഭാ​ഗ​ങ്ങ​ളി​ല്‍നി​ന്ന്‌ ര​ക്‌​ത​സ്രാ​വം ഉ​ണ്ടാ​കു​ക, അ​പ​സ്‌​മാ​രം തു​ട​ങ്ങി​യ ല​ക്ഷ​ണ​മു​ണ്ടെ​ങ്കി​ല്‍ എ​ത്ര​യും പെ​ട്ടെ​ന്ന്‌ ഡോ​ക്‌​ട​റെ കാ​ണ​ണം.

പ​നി മാ​റി​യാ​ലും മൂ​ന്നു​നാ​ലു ദി​വ​സം കൂ​ടി ശ്ര​ദ്ധി​ക്കു​ക​യും ഉ​പ്പി​ട്ട ക​ട്ടി​യു​ള്ള ക​ഞ്ഞി​വെ​ള്ളം, ക​രി​ക്കി​ന്‍ വെ​ള്ളം, പ​ഴ​ച്ചാ​റു​ക​ള്‍ മ​റ്റു പാ​നീ​യ​ങ്ങ​ള്‍ തി​ള​പ്പി​ച്ചാ​റി​യ വെ​ള്ളം എ​ന്നി​വ ധാ​രാ​ളം കു​ടി​ക്കു​ക​യും ചെ​യ്യ​ണം. രോ​ഗ​ല​ക്ഷ​ണ​ങ്ങ​ള്‍ ഉ​ള്ള​വ​ര്‍ ഡോ​ക്‌​ട​റു​ടെ നി​ർ​ദേ​ശം ഇ​ല്ലാ​തെ വേ​ദ​ന​സം​ഹാ​രി​ക​ള്‍ പോ​ലെ​യു​ള്ള മ​രു​ന്നു​ക​ള്‍ വാ​ങ്ങി ക​ഴി​ക്ക​രു​തെ​ന്നും ജി​ല്ല മെ​ഡി​ക്ക​ല്‍ ഓ​ഫി​സ​ര്‍ അ​റി​യി​ച്ചു.