സ്വതന്ത്രർ അത്ര സ്വതന്ത്രരല്ലെന്നോ? പല ബൂത്തുകളിലും സ്വതന്ത്രർക്ക്​ ഏജന്‍റുമാർ

ആ​ല​പ്പു​ഴ: സ്വ​ത​ന്ത്ര സ്ഥാ​നാ​ർ​ഥി​ക​ൾ അ​ത്ര സ്വ​ത​ന്ത്ര​ര​ല്ലെ​ന്ന സം​ശ​യം വോ​ട്ട​ർ​മാ​ർ​ക്ക്. വോ​ട്ടെ​ടു​പ്പി​ന്​ ബൂ​ത്തു​ക​ളി​ൽ സ്വ​ത​ന്ത്ര​രു​ടെ ഏ​ജ​ന്‍റു​മാ​ർ മി​ക്ക​യി​ട​ത്തും ഉ​ണ്ടാ​യി​രു​ന്നു. മൂ​ന്നു മു​ന്ന​ണി​ക​ളു​ടെ​യും ബൂ​ത്ത്​ ഏ​ജ​ന്‍റു​മാ​ർ​ക്ക്​ പു​റ​മെ പി​ന്നെ​യും ഏ​ജ​ന്‍റു​മാ​രെ ക​ണ്ടാ​ണ്​ ചി​ല വോ​ട്ട​ർ​മാ​ർ ഇ​വ​രാ​രെ​ന്ന്​ തി​ര​ക്കി​യ​ത്. സ്വ​ത​ന്ത്ര സ്ഥാ​നാ​ർ​ഥി​ക​ളു​ടെ ഏ​ജ​ന്‍റു​മാ​രാ​യി എ​ത്തി​യ​വ​രാ​ണെ​ന്ന് അ​പ്പോ​ഴാ​ണ്​​ അ​റി​ഞ്ഞ​ത്. വോ​ട്ടു ചോ​ദി​ച്ച്​ ഒ​രാ​ളെ പോ​ലും എ​വി​ടെ​യും കാ​ണാ​ത്ത സ്ഥാ​നാ​ർ​ഥി​ക​ൾ​ക്കു​പോ​ലും ബൂ​ത്തി​ൽ ഏ​ജ​ന്‍റു​മാ​ർ നി​ര​ന്നി​രി​ക്കു​ന്ന​ത്​ ക​ണ്ട്​ വോ​ട്ട​ർ​മാ​ർ അ​ന്തം​വി​ട്ടു.

പി​ന്നീ​ടാ​ണ്​ ഗു​ട്ട​ൻ​സ്​ പ​ല​ർ​ക്കും പ​ടി​കി​ട്ടി​യ​ത്. പ്ര​ധാ​ന സ്ഥാ​നാ​ർ​ഥി​ക​ൾ​ക്ക്​ വേ​ണ്ടി പാ​ർ​ട്ടി പ്ര​വ​ർ​ത്ത​ക​ർ സ്വ​ത​ന്ത്ര​രെ സ്വാ​ധീ​നി​ച്ച്​ ഏ​ജ​ന്‍റു​മാ​ർ​ക്കു​ള്ള ഫോ​റം ഒ​പ്പി​ടീ​ച്ച്​ വാ​ങ്ങി അ​വ​രു​ടെ പ്ര​വ​ർ​ത്ത​ക​രെ സ്വ​ത​​ന്ത്ര​രു​ടെ ഏ​ജ​ന്‍റെ​ന്ന പേ​രി​ൽ അ​ണി​നി​ര​ത്തു​ക​യാ​യി​രു​ന്ന​ത്രെ. എ​തി​ർ പാ​ർ​ട്ടി​ക്കാ​ർ ക​ള്ള​വോ​ട്ട്​ ചെ​യ്യു​ന്ന​ത്​ ത​ട​യാ​നാ​ണ്​ ഇ​ങ്ങ​നെ പൊ​ടി​ക്കൈ പ്ര​യോ​ഗി​ച്ച​ത്. ഒ​രു സ്ഥാ​നാ​ർ​ഥി​ക്ക്​ വേ​ണ്ടി ഒ​രു ബൂ​ത്ത്​ ഏ​ജ​ന്‍റ്​ മാ​ത്രം ഇ​രു​ന്നാ​ൽ അ​യാ​ൾ​ക്ക്​ ബൂ​ത്തി​ലെ എ​ല്ലാ വോ​ട്ട​ർ​മാ​രെ​യും അ​റി​ഞ്ഞെ​ന്ന്​ വ​രി​ല്ല.

ഏ​ജ​ന്‍റാ​യി​രി​ക്കു​ന്ന​യാ​ൾ​ക്ക്​ വ​ലി​യ പി​ടി​പാ​ടി​ല്ലാ​ത്ത ഭാ​ഗ​ത്തു നി​ന്ന്​ ഒ​രാ​ൾ ക​ള്ള​വോ​ട്ട്​ ചെ​യ്യാ​ൻ എ​ത്തി​യാ​ൽ ഏ​ജ​ന്‍റ്​ തി​രി​ച്ച​റി​ഞ്ഞെ​ന്ന്​ വ​രി​ല്ല. അ​തേ​സ​മ​യം ഒ​രു ബൂ​ത്തി​ലെ ത​ന്നെ വ്യ​ത്യ​സ്ഥ ഭാ​ഗ​ങ്ങ​ളി​ലു​ള്ള ര​ണ്ട്​ ഏ​ജ​ന്‍റു​മാ​ർ ഒ​രു സ​മ​യം ബൂ​ത്തി​ലി​രു​ന്നാ​ൽ ക​ള്ള​വോ​ട്ടി​നാ​യി ആ​രെ​ങ്കി​ലും എ​ത്തി​യാ​ൽ ആ​ർ​ക്കെ​ങ്കി​ലും​ക​ണ്ട്​ പി​ടി​ക്കാ​നാ​യെ​ന്ന്​​വ​രും. പാ​ർ​ട്ടി​ക്കാ​രു​ടെ ഈ ​കു​ത്സി​ത ബു​ദ്ധി​യു​ടെ ഭാ​ഗ​മാ​യാ​ണ്​ ബൂ​ത്ത്​ ഏ​ജ​ന്‍റു​മാ​രു​ടെ എ​ണ്ണം കൂ​ടി​യ​ത്. ബൂ​ത്ത്​ ഏ​ജ​ന്‍റു​മാ​രു​ടെ എ​ണ്ണം കൂ​ട്ടാ​ൻ വേ​ണ്ടി പാ​ർ​ട്ടി​ക്കാ​രു​ടെ സ്​​പോ​ൺ​സ​ർ​ഷി​പ്പി​ലാ​കാം സ്വ​ത​ന്ത്ര​ർ നാ​മ​നി​ർ​ദേ​ശ പ​ത്രി​ക കൊ​ടു​ത്ത്​ സ്ഥാ​നാ​ർ​ഥി​ക​ളാ​യ​തെ​ന്ന സം​ശ​യ​വും വോ​ട്ട​ർ​മാ​ർ പ്ര​ക​ടി​പ്പി​ച്ചു.