ആശാ പ്രവർത്തകരുടെ സേവനം തൃപ്തികരമല്ലെന്ന്​ ആക്ഷേപം

അ​മ്പ​ല​പ്പു​ഴ: ആ​ശാ പ്ര​വ​ർ​ത്ത​ക​ർ പാ​ലി​യേ​റ്റി​വ് പ്ര​വ​ർ​ത്ത​ന​ങ്ങ​ൾ മ​തി​യാ​യ രീ​തി​യി​ൽ നി​ർ​വ​ഹി​ക്കു​ന്നി​ല്ലെ​ന്ന ആ​ക്ഷേ​പം ശ​ക്തം. ആ​രോ​ഗ്യ​കേ​ന്ദ്ര​ങ്ങ​ളു​ടെ നി​യ​ന്ത്ര​ണ​ത്തി​ൽ ഓ​രോ വാ​ർ​ഡു​ക​ൾ കേ​ന്ദ്രീ​ക​രി​ച്ചാ​ണ് ആ​ശാ​പ്ര​വ​ർ​ത്ത​ക​ർ സേ​വ​നം ചെ​യ്തു​വ​രു​ന്ന​ത്. ഒ​രു വാ​ർ​ഡി​ലെ ആ​യി​രം പേ​ർ​ക്ക് ഒ​രു ആ​ശാ വ​ർ​ക്ക​ർ എ​ന്ന​ത​ര​ത്തി​ലാ​ണ് പ്ര​വ​ർ​ത്ത​നം. അ​താ​ത് ആ​രോ​ഗ്യ​കേ​ന്ദ്ര​ങ്ങ​ളി​ൽ ന​ഴ്സു​മാ​രു​ടെ നി​യ​ന്ത്ര​ണ​ത്തി​ലാ​ണി​വ​ർ.

ആ​ഴ്ച​യി​ൽ ഒ​രി​ക്ക​ലെ​ങ്കി​ലും കി​ട​പ്പ് രോ​ഗി​ക​ളെ വീ​ടു​ക​ളി​ൽ സ​ന്ദ​ർ​ശി​ച്ച് അ​വ​ർ​ക്ക് വേ​ണ്ട പ​രി​ച​ര​ണം ന​ൽ​ക​ണ​മെ​ന്നാ​ണ്. എ​ന്നാ​ൽ, കി​ട​പ്പ് രോ​ഗി​ക​ളാ​യ പ​ല​ർ​ക്കും സേ​വ​നം ല​ഭി​ക്കാ​റി​ല്ല.

വ​ണ്ടാ​നം കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന ചേ​ത​ന​യു​ടെ​യും മ​റ്റ് പാ​ലി​യ​റ്റി​വ് രം​ഗ​ങ്ങ​ളി​ൽ പ്ര​വ​ർ​ത്തി​ക്കു​ന്ന സ​ന്ന​ദ്ധ​സം​ഘ​ട​ന​ക​ളു​ടെ​യും സേ​വ​ന​മാ​ണ് നാ​ട്ടു​കാ​ർ തേ​ടു​ന്ന​ത്. കി​ട​പ്പ് രോ​ഗി​ക​ൾ​ക്കാ​യി കോ​ട്ട​ൺ പ​ഞ്ഞി​ക​ളും ഡ​യ​പ്പ​റു​ക​ളും വി​ത​ര​ണം ചെ​യ്യാ​ൻ ആ​രോ​ഗ്യ​വ​കു​പ്പ് ന​ൽ​കു​ന്നു​ണ്ടെ​ങ്കി​ലും അ​ർ​ഹ​ത​പ്പെ​ട്ട​വ​ർ​ക്ക് ഇ​ത് ല​ഭി​ക്കു​ന്നി​ല്ലെ​ന്ന ആ​ക്ഷേ​പം ഉ​യ​രു​ന്നു​ണ്ട്. കൂ​ടാ​തെ, ജീ​വി​ത​ശൈ​ലി രോ​ഗി​ക​ളെ ക​ണ്ടെ​ത്തി അ​വ​ർ​ക്ക് മ​തി​യാ​യ ബോ​ധ​വ​ത്ക​ര​ണം ന​ട​ത്ത​ണ​മെ​ന്നു​ണ്ടെ​ങ്കി​ലും മി​ക്ക വാ​ർ​ഡു​ക​ളി​ലും ന​ൽ​കാ​റി​ല്ല. മി​ക്ക ആ​ശാ പ്ര​വ​ർ​ത്ത​ക​രും ആ​രോ​ഗ്യ​കേ​ന്ദ്ര​ങ്ങ​ളി​ൽ എ​ത്തി സാ​ന്നി​ധ്യം ഉ​റ​പ്പ് വ​രു​ത്തി​യ​ശേ​ഷം തി​രി​കെ മ​ട​ങ്ങു​ക​യാ​ണ്.

വാ​ർ​ഡു​ക​ളി​ൽ വ​ല്ല​പ്പോ​ഴു​മാ​ണ് ഇ​വ​ർ സ​ന്ദ​ർ​ശി​ക്കാ​റു​ള്ള​ത്. കി​ട​പ്പ്​ രോ​ഗി​ക​ളു​ടെ വീ​ട് സ​ന്ദ​ർ​ശി​ക്കു​ക​യൊ അ​വ​ർ​ക്ക് വേ​ണ്ട പ​രി​ച​ര​ണം ന​ൽ​കു​ക​യോ മ​റ്റ് സ​ഹാ​യ​ങ്ങ​ൾ ഉ​റ​പ്പ് വ​രു​ത്തു​ക​യോ ചെ​യ്യാ​റി​ല്ല. കി​ട​പ്പ് രോ​ഗി​ക​ളെ​യോ അ​വ​രു​ടെ ബ​ന്ധു​ക്ക​ളു​മാ​യൊ ഫോ​ണി​ൽ ബ​ന്ധ​പ്പെ​ട്ട് നി​ർ​ദേ​ശ​ങ്ങ​ൾ ന​ൽ​കു​ക​യാ​ണ് ചെ​യ്യു​ന്ന​ത്.

ഇ​ത്​ നി​യ​ന്ത്രി​ക്കേ​ണ്ട ആ​രോ​ഗ്യ​വ​കു​പ്പ് ജീ​വ​ന​ക്കാ​ർ ഇ​വ​ർ​ക്ക് ഒ​ത്താ​ശ ന​ൽ​കു​ക​യാ​ണെ​ന്ന ആ​ക്ഷേ​പ​വും ശ​ക്ത​മാ​ണ്. ഇ​വ​ർ ന​ൽ​കേ​ണ്ട സേ​വ​ന​ങ്ങ​ളെ കു​റി​ച്ച് പ​ല​ർ​ക്കും അ​റി​വി​ല്ലാ​ത്ത​തി​നാ​ൽ അ​ത് മു​ത​ലെ​ടു​ക്കു​ക​യാ​ണ് പ​ല​രും. പ​ത്താം ക്ലാ​സാ​യി​രു​ന്നു ആ​ശാ പ്ര​വ​ർ​ത്ത​ക​ക്ക് വേ​ണ്ട അ​ടി​സ്ഥ​ന യോ​ഗ്യ​ത. വി​വി​ധ രാ​ഷ്ട്രീ​യ സ്വാ​ധീ​ന​ത്തി​ലാ​ണ്​ പ​ല​രും ആ​ശാ പ്ര​വ​ർ​ത്ത​ക​രാ​യി തു​ട​രു​ന്ന​തെ​ന്നും ആ​ക്ഷേ​പ​മു​ണ്ട്.

ആ​ശാ​പ്ര​വ​ർ​ത്ത​ക​രു​ടെ സേ​വ​ന​ങ്ങ​ൾ

ഗ​ർ​ഭി​ണി​ക​ളു​ടെ​യും കു​ട്ടി​ക​ളു​ടെ​യും ആ​രോ​ഗ്യ​വി​വ​രം ഉ​റ​പ്പ് വ​രു​ത്തു​ക, ഇ​വ​രു​ടെ പേ​രു​ക​ൾ ര​ജി​സ്റ്റ​ർ ചെ​യ്യു​ക, സ​ർ​വേ​ബു​ക്ക് കൃ​ത്യ​മാ​യി കൈ​കാ​ര്യം ചെ​യ്യു​ക, ആ​രോ​ഗ്യ സം​ര​ക്ഷ​ണം ഉ​റ​പ്പ് വ​രു​ത്തു​ന്ന വി​വി​ധ ക്ലാ​സു​ക​ൾ സം​ഘ​ടി​പ്പി​ക്കു​ക, കു​ട്ടി​ക​ൾ​ക്കു​ള്ള കു​ത്തി​വെ​പ്പും അ​മ്മ​മാ​ർ​ക്ക് ബോ​ധ​വ​ത്ക​ര​ണ​വും സം​ഘ​ടി​പ്പി​ക്കു​ക, ആ​ഴ്ച​യി​ൽ ഒ​രി​ക്ക​ൽ കൊ​തു​ക് ഉ​റ​വി​ട്ടം ന​ശി​പ്പി​ക്ക​ൽ, ക്ലോ​റി​നേ​ഷ​ൻ, കി​ട​പ്പു​രോ​ഗി​ക​ളു​ടെ പ​രി​ച​ര​ണം തു​ട​ങ്ങി​യ കാ​ര്യ​ങ്ങ​ൾ ആ​ശാ പ്ര​വ​ർ​ത്ത​ക​രു​ടെ നേ​തൃ​ത്വ​ത്തി​ൽ ന​ട​പ്പി​ലാ​ക്കേ​ണ്ട​താ​ണ്.

ആരോപണം ശരിയല്ല -ആശാ വർക്കേഴ്സ് യൂനിയൻ

ആ​ല​പ്പ​ഴ: ആ​ശാ പ്ര​വ​ർ​ത്ത​ക​ർ ജോ​ലി​ക​ൾ കൃ​ത്യ​മാ​യി നി​ർ​വ​ഹി​ക്കു​ന്നി​ല്ലെ​ന്ന ആ​രോ​പ​ണം ശ​രി​യ​ല്ലെ​ന്ന് ആ​ശാ വ​ർ​ക്കേ​ഴ്സ് യൂ​നി​യ​ൻ അ​മ്പ​ല​പ്പു​ഴ ഏ​രി​യ പ്ര​സി​ഡ​ന്‍റ്​ കു​സു​മം. അ​മ്പ​ല​പ്പു​ഴ ബ്ലോ​ക്ക് പ​ഞ്ചാ​യ​ത്ത് പ​രി​ധി​യി​ൽ 124 ആ​ശാ പ്ര​വ​ർ​ത്ത​ക​രാ​ണു​ള്ള​ത്. തു​ട​ക്കം അ​മ്മ​യും കു​ഞ്ഞും പ​രി​ച​ര​ണം മാ​ത്ര​മാ​യി​രു​ന്നു. ഇ​പ്പോ​ൾ ജോ​ലി​ഭാ​രം കൂ​ടു​ത​ലാ​ണ്. ആ​യി​രം പേ​ർ​ക്ക് ഒ​രു ആ​ശാ പ്ര​വ​ർ​ത്ത​ക​യെ​ന്ന ത​ര​ത്തി​ലാ​ണ് സേ​വ​നം ചെ​യ്യു​ന്ന​ത്. ജോ​ലി​ഭാ​രം കൂ​ടി​യ​തോ​ടെ പ​ല​രും ഈ ​മേ​ഖ​ല​യി​ൽ​നി​ന്ന്​ ഒ​ഴി​വാ​യി. ഇ​തോ​ടെ നി​ല​വി​ലു​ള്ള പ​ല​രും 2000 പേ​രെ വ​രെ നോ​ക്കേ​ണ്ടി​വ​രു​ന്നു. ഇ​ങ്ങ​നെ​യു​ണ്ടാ​യി​ട്ടു​ള്ള സാ​ഹ​ച​ര്യ​ങ്ങ​ളി​ൽ ആ​ശാ പ്ര​വ​ർ​ത്ത​ക​രി​ൽ ചി​ല വീ​ഴ്ച​ക​ൾ സം​ഭ​വി​ച്ചി​ട്ടു​ണ്ടാ​കും. എ​ന്നാ​ൽ, അ​തി​നെ ബോ​ധ​പൂ​ർ​വം വ​രു​ത്തു​ന്ന വീ​ഴ്ച​യാ​യി ആ​രോ​പി​ക്കു​ന്ന​ത് ശ​രി​യ​ല്ല. ആ​ഴ്ച​യി​ൽ നാ​ല് ദി​വ​സ​മാ​ണ് വാ​ർ​ഡു​ക​ൾ സ​ന്ദ​ർ​ശി​ക്കേ​ണ്ട​ത്. എ​ന്നാ​ൽ, മു​ഴു​വ​ൻ ദി​വ​സ​ങ്ങ​ളി​ലും വാ​ർ​ഡു​ക​ളി​ൽ പ്ര​വ​ർ​ത്തി​ച്ചാ​ലും പൂ​ർ​ത്തി​യാ​ക്കാ​ൻ പ​റ്റാ​ത്ത​ത്ര ജോ​ലി​ക​ളാ​ണ് ആ​ശാ പ്ര​വ​ർ​ത്ത​ർ​ക്കു​ള്ള​ത്. അ​തി​നു​ള്ള വേ​ത​നം ല​ഭി​ക്കു​ന്നി​ല്ലെ​ന്നും കു​സു​മം പ​റ​ഞ്ഞു.