വിലക്ക്​ ലംഘിച്ച്​ ചെറുമീനുകളെ പിടിക്കുന്നു; നടപടിയുമായി ഫിഷറീസ്​ വകുപ്പ്​

അ​മ്പ​ല​പ്പു​ഴ: വ​ള​ര്‍ച്ച​യെ​ത്താ​ത്ത മീ​നു​ക​ളെ പി​ടി​ക്കു​ന്ന​ത് ക​ട​ലി​ല്‍ മ​ത്സ്യ​സ​മ്പ​ത്ത് കു​റ​യു​മെ​ന്ന​തി​നാ​ല്‍ ചി​ല ചെ​റു​മീ​നു​ക​ളെ പി​ടി​ക്കു​ന്ന​തി​ല്‍ വി​ല​ക്കേ​ര്‍പ്പെ​ടു​ത്തി​യി​ട്ടു​ണ്ട്. എ​ന്നാ​ല്‍, ഇ​തൊ​ന്നും പാ​ലി​ക്കാ​തെ മീ​ൻ കു​ഞ്ഞു​ങ്ങ​ളെ പി​ടി​ച്ചെ​ടു​ക്കു​ന്ന രീ​തി തു​ട​രു​ക​യാ​ണ്. പ്ര​ത്യേ​കി​ച്ച് അ​യ​ല, മ​ത്തി തു​ട​ങ്ങി​യ സു​ല​ഭ​മാ​യി കി​ട്ടി​യി​രു​ന്ന മീ​നു​ക​ള്‍ ക​ട​ലി​ല്‍ കി​ട്ടാ​താ​യി. പൂ​ര്‍ണ​വ​ള​ര്‍ച്ച​യെ​ത്തും മു​മ്പ് വ​ല​യി​ലാ​ക്കു​ന്ന​തോ​ടെ പ്ര​ജ​ന​നം ന​ട​ക്കാ​തെ ഇ​വ​യു​ടെ സ​മ്പ​ത്ത് ഇ​ല്ലാ​താ​കു​ക​യാ​ണ്.

തു​ട​ര്‍ന്നാ​ണ് കേ​ര​ള സ​മു​ദ്ര മ​ത്സ്യ​ബ​ന്ധ​ന നി​യ​ന്ത്ര​ണ നി​യ​മം കൊ​ണ്ടു​വ​രു​ന്ന​ത്. 10 സെ.​മീ താ​ഴെ​യു​ള്ള മ​ത്തി, 14 സെ.​മീ താ​ഴെ​യു​ള്ള അ​യ​ല എ​ന്നി​ങ്ങ​നെ വ​ലു​പ്പം കു​റ​ഞ്ഞ മീ​നു​ക​ളെ പി​ടി​ക്കു​ന്ന​ത് മ​ത്സ്യ​സ​മ്പ​ത്തി​ന്‍റെ ശോ​ഷ​ണ​ത്തി​നു കാ​ര​ണ​മാ​കു​ന്നു എ​ന്നാ​ണ് ഫി​ഷ​റീ​സ് അ​ധി​കൃ​ത​ര്‍ പ​റ​യു​ന്ന​ത്. ക​ഴി​ഞ്ഞ വ​ർ​ഷം വ​ള​ർ​ച്ച എ​ത്താ​ത്ത ചെ​റു​മ​ത്സ്യ​ങ്ങ​ൾ പി​ടി​ക്കാ​ത്ത​ത് മൂ​ലം ഈ ​വ​ർ​ഷം ന​ല്ല രീ​തി​യി​ൽ മ​ത്തി, അ​യ​ല എ​ന്നി​വ ല​ഭി​ച്ചെ​ന്നും ഫി​ഷ​റീ​സ് അ​ധി​കൃ​ത​ർ വ്യ​ക്ത​മാ​ക്കി.

ക​ഴി​ഞ്ഞ ദി​വ​സം തോ​ട്ട​പ്പ​ള്ളി ഹാ​ർ​ബ​റി​ൽ കേ​ര​ള സ​മു​ദ്ര മ​ത്സ്യ​ബ​ന്ധ​ന നി​യ​ന്ത്ര​ണ നി​യ​മ​ത്തി​നു വി​രു​ദ്ധ​മാ​യി ചെ​റു​മ​ത്സ്യ​ങ്ങ​ളെ പി​ടി​ച്ച അ​നു​ഗ്ര​ഹം വ​ള്ളം ഫി​ഷ​റീ​സ് വ​കു​പ്പ് പ​ട്രോ​ളി​ങ്ങി​ൽ പി​ടി​ച്ചെ​ടു​ത്ത്​ നി​യ​മ​ന​ട​പ​ടി സ്വീ​ക​രി​ച്ചി​രു​ന്നു. ഫി​ഷ​റീ​സ് സ്റ്റേ​ഷ​ൻ ന​ട​ത്തി​യ പ​രി​ശോ​ധ​ന​യി​ലാ​ണ് നി​യ​മ ലം​ഘ​നം ക​ണ്ടെ​ത്തി​യ​ത്. മ​റൈ​ൻ എ​ൻ​ഫോ​ഴ്‌​സ്‌​മെ​ന്റ് പൊ​ലീ​സ് ഗാ​ർ​ഡ് രാ​ഹു​ൽ കൃ​ഷ്ണ​ൻ, ഷാ​നി, മു​ത്ത്‌​രാ​ജ്, മ​നു എ​ന്നി​വ​രും ഫി​ഷ​റീ​സ് ഓ​ഫി​സ​ർ ആ​സി​ഫ്, സീ ​റെ​സ്ക്യൂ ഗാ​ർ​ഡു​മാ​രാ​യ രാ​ഹു​ൽ, സ്രാ​ങ്ക് റെ​ജി എ​ന്നി​വ​ർ ഉ​ൾ​പ്പെ​ട്ട സം​ഘ​മാ​ണ് മീ​ൻ പി​ടി​ച്ചെ​ടു​ത്ത​ത്. തു​ട​ര്‍ന്ന് എ​ക്സ്റ്റ​ൻ​ഷ​ൻ ഓ​ഫി​സ​ർ നി​യ​മ ന​ട​പ​ടി സ്വീ​ക​രി​ച്ചു.

200 കി​ലോ ചെ​റി​യ അ​യ​ല ന​ശി​പ്പി​ച്ചു

സ​ർ​ക്കാ​ർ നി​ശ്ച​യി​ച്ച മി​നി​മം വ​ലു​പ്പ​ത്തി​ല്‍ താ​ഴെ​യു​ള്ള 200 കി​ലോ ചെ​റി​യ അ​യ​ല​യാ​ണ് തോ​ട്ട​പ്പ​ള്ളി ഹാ​ര്‍ബ​റി​ല്‍നി​ന്ന്​ ക​ണ്ടു​കെ​ട്ടി ന​ശി​പ്പി​ക്കു​ക​യും തു​ട​ർ​ന​ട​പ​ടി സ്വീ​ക​രി​ക്കു​ക​യും ചെ​യ്ത​ത്. വ​രും ദി​വ​സ​ങ്ങ​ളി​ലും കെ.​എം.​എ​ഫ്.​ആ​ര്‍ നി​യ​മ​ത്തി​നു എ​തി​രാ​യി ചെ​റു​മ​ത്സ്യ​ങ്ങ​ളെ പി​ടി​ക്കു​ന്ന​ത് പ​രി​ശോ​ധി​ക്കും. ഇ​ങ്ങ​നെ മ​ത്സ്യ​ബ​ന്ധ​നം ന​ട​ത്തു​ന്ന വ​ള്ള​ങ്ങ​ള്‍ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കും. വ​ള്ളം ഉ​ട​മ​യി​ല്‍നി​ന്ന്​ 2.5 ല​ക്ഷം രൂ​പ വ​രെ പി​ഴ​യീ​ടാ​ക്കു​ക​യും യാ​ന​ത്തി​ലെ മ​ത്സ്യം ക​ണ്ടു​കെ​ട്ടി നി​യ​മ ന​ട​പ​ടി എ​ടു​ക്കു​മെ​ന്നും ആ​ല​പ്പു​ഴ ഫി​ഷ​റീ​സ് ഡെ​പ്യൂ​ട്ടി ഡ​യ​റ​ക്ട​ർ അ​റി​യി​ച്ചു.