യുവാവിന്​ ദേഹോപദ്രവം: പൊലീസ് ഉദ്യോഗസ്ഥര്‍ക്കെതിരെ അച്ചടക്ക നടപടിക്ക് നിര്‍ദേശം

അ​മ്പ​ല​പ്പു​ഴ: യു​വാ​വി​നെ ദേ​ഹോ​പ​ദ്ര​വം ഏ​ല്‍പ്പി​ച്ച സം​ഭ​വ​ത്തി​ല്‍ പൊ​ലീ​സ് ഉ​ദ്യോ​ഗ​സ്ഥ​ര്‍ക്കെ​തി​രെ അ​ച്ച​ട​ക്ക ന​ട​പ​ടി സ്വീ​ക​രി​ക്കാ​ന്‍ പൊ​ലീ​സ് കം​പ്ല​യി​ന്‍റ് അ​തോ​റി​റ്റി​യു​ടെ നി​ര്‍ദ്ദേ​ശം. പു​ന്ന​പ്ര തെ​ക്ക് ആ​റാം വാ​ര്‍ഡി​ല്‍ ക​ള​രി​ക്ക​ൽ വീ​ട്ടി​ൽ മ​നോ​ജി​ന്‍റെ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് ന​ട​പ​ടി.

ആ​ല​പ്പു​ഴ സൗ​ത്ത് എ​സ്.​ഐ ആ​യി​രു​ന്ന എ​ൻ. കെ ​രാ​ജേ​ഷ്, പ്രൊ​ബേ​ഷ​ൻ എ​സ്.​ഐ​യാ​യി​രു​ന്ന സാ​ഗ​ര്‍ എ​ന്നി​വ​ര്‍ ചേ​ര്‍ന്നാ​ണ് ദേ​ഹോ​പ​ദ്ര​വം ഏ​ല്‍പ്പി​ച്ച​ത്. കു​ള​ത്തി​ൽ നി​ന്ന്​ മീ​ൻ പി​ടി​ക്കു​ന്ന​തു​മാ​യി ബ​ന്ധ​പ്പെ​ട്ടു​ണ്ടാ​യ ത​ർ​ക്ക​ത്തെ ചൊ​ല്ലി​യാ​ണ് ഇ​രു​വ​രും ചേ​ര്‍ന്ന് മ​നോ​ജി​നെ മ​ര്‍ദ്ദി​ച്ച​ത്. 2017ലാണ്​ സംഭവം. തു​ട​ര്‍ന്നാ​ണ് മ​നോ​ജ് സം​സ്ഥാ​ന പൊ​ലീ​സ് പൊ​ലീ​സ് കം​പ്ല​യി​ന്‍റ് അ​തോ​റി​റ്റി​ക്ക്​ പ​രാ​തി ന​ല്‍കി​യ​ത്.

അ​ന്വേ​ഷ​ണ​ത്തി​ല്‍ കു​റ്റ​ക്കാ​രെ​ന്ന് ക​ണ്ട​തി​നാ​ൽ വ​കു​പ്പ്​​ത​ല അ​ച്ച​ട​ക്ക ന​ട​പ​ടി സ്വീ​ക​രി​ക്കാ​ന്‍ ജി​ല്ല പൊ​ലീ​സ് മേ​ധാ​വി​ക്കും, കൊ​ച്ചി റേ​ഞ്ച് ഐ.​ജി​ക്കും നി​ർ​ദ്ദേ​ശം ന​ൽ​കു​ക​യാ​യി​രു​ന്നു. ന​ട​പ​ടി സ്വീ​ക​രി​ച്ച വി​വ​രം അ​റി​യി​ക്ക​ണ​മെ​ന്നും ഉ​ത്ത​ര​വി​ല്‍ പ​റ​യു​ന്നു. സൗ​ത്ത് എ​സ്.​ഐ ആ​യി​രു​ന്ന എ​ന്‍.​കെ. രാ​ജേ​ഷ് പി​ന്നീ​ട് നോ​ര്‍ത്ത് സി.​ഐ ആ​യി ചു​മ​ത​ല​യേ​റ്റി​രു​ന്നു.

തെ​ര​ഞ്ഞെ​ടു​പ്പ് ച​ട്ട ഭാ​ഗ​മാ​യി സ്ഥ​ലം മാ​റി​യെ​ത്തി​യ രാ​ജേ​ഷ് മ​ണ്ണ​ഞ്ചേ​രി സ്റ്റേ​ഷ​നി​ല്‍ അ​ടു​ത്ത ദി​വ​സം സി.​ഐ ആ​യി ചു​മ​ത​ല​യേ​ല്‍ക്കാ​ന്‍ ഇ​രി​ക്ക​വേ​യാ​ണ് അ​ച്ച​ട​ക്ക ന​ട​പ​ടി​ക്ക് വി​ധേ​യ​നാ​യ​ത്. മ​നോ​ജി​ന്​ വേ​ണ്ടി അ​ഭി​ഭാ​ഷ​ക​രാ​യ ചാ​ൾ​സ് ഐ​സ​ക്, അ​സ്ഹ​ർ അ​ഹ​മ്മ​ദ്‌ എ​ന്നി​വ​ര്‍ ഹാ​ജ​രാ​യി.