സര്‍ക്കാര്‍ ഉറപ്പ് പാഴായി: നെല്ലെടുത്തിട്ട്​ രണ്ട് മാസം പിന്നിട്ടു; പണം ലഭിക്കാതെ കർഷകർ

അ​മ്പ​ല​പ്പു​ഴ: നെ​ല്ലെ​ടു​പ്പ് പൂ​ര്‍ത്തി​യാ​ക്കി പി.​ആ​ര്‍.​എ​സ് (പാ​ഡി റെ​സീ​പ്​​റ്റ്​ ഷീ​റ്റ്) എ​ഴു​തി 15 ദി​വ​സ​ത്തി​നു​ള്ളി​ല്‍ ക​ര്‍ഷ​ക​രു​ടെ അ​ക്കൗ​ണ്ടി​ല്‍ തു​ക എ​ത്തു​മെ​ന്ന സ​ര്‍ക്കാ​ര്‍ ഉ​റ​പ്പ് പാ​ഴ് വാ​ക്കാ​യി. നെ​ല്ലെ​ടു​പ്പ് ക​ഴി​ഞ്ഞ് ര​ണ്ട് മാ​സം ക​ഴി​ഞ്ഞി​ട്ടും നെ​ല്ലു​വി​ല കി​ട്ടി​യി​ട്ടി​ല്ല. പു​ന്ന​പ്ര വ​ട​ക്ക്-​തെ​ക്ക് കൃ​ഷി​ഭ​വ​നു​ക​ളു​ടെ പ​രി​ധി​യി​ലു​ള്ള വി​വി​ധ പാ​ട​ശേ​ഖ​ര​ങ്ങ​ളി​ലെ ക​ര്‍ഷ​ക​ര്‍ക്കാ​ണ് നെ​ല്ലു​വി​ല കി​ട്ടാ​ത്ത​ത്.

കു​റു​വ​പ്പാ​ടം, അ​ഞ്ഞൂ​റ്റി​ന്‍ പാ​ടം, മു​ന്നൂ​റ്റി​ന്‍ പാ​ടം, വ​ട​ക്കേ​പൂ​ന്തു​രം, തെ​ക്കേ പൂ​ന്തു​രം, പാ​ര്യ​ക്കാ​ട​ന്‍, പൊ​ന്നാ​ക​രി, പ​ര​പ്പി​ല്‍ പാ​ട​ശേ​ഖ​ര​ങ്ങ​ളി​ല്‍ നി​ന്ന്​ ശേ​ഖ​രി​ച്ച നെ​ല്ലി​ന്‍റെ വി​ല​യാ​ണ് ക​ര്‍ഷ​ക​ര്‍ക്ക് കി​ട്ടാ​നു​ള്ള​ത്. ഇ​തി​ല്‍ പ​ല പാ​ട​ശേ​ഖ​ര​ങ്ങ​ളു​ടെ​യും പി.​ആ​ര്‍.​എ​സ് എ​ഴു​തി​യി​ട്ട് ഒ​രു മാ​സം മു​ത​ല്‍ ര​ണ്ട് മാ​സം വ​രെ പി​ന്നി​ട്ടി​രി​ക്കു​ക​യാ​ണ്. ത​ക​ഴി, കു​ന്നു​മ്മ പ്ര​ദേ​ശ​ങ്ങ​ളി​ല്‍ കൊ​യ്ത്തു​ക​ഴി​ഞ്ഞ പാ​ട​ശേ​ഖ​ര​ങ്ങ​ളി​ല്‍ നി​ന്ന്​ ശേ​ഖ​രി​ച്ച നെ​ല്ലി​ന്‍റെ വി​ല​യും കി​ട്ടി​യി​ട്ടി​ല്ലെ​ന്നാ​ണ് ക​ര്‍ഷ​ക​രു​ടെ ആ​രോ​പ​ണം.

നെ​ല്ലു​വി​ല കി​ട്ടാ​ന്‍ വൈ​കി​യ​തു​മൂ​ലം ക​ട​ബാ​ധ്യ​ത​യും മാ​ന​സി​ക സം​ഘ​ര്‍ഷ​വും കാ​ര​ണം ക​ര്‍ഷ​ക​ന്‍ ആ​ത്മ​ഹ​ത്യ ചെ​യ്ത സം​ഭ​വം ഉ​ണ്ടാ​യി​ട്ടു​ണ്ട്. മു​തി​ര്‍ന്ന ക​ര്‍ഷ​ക​ന്‍ അ​മ്പ​ല​പ്പു​ഴ, വ​ണ്ടാ​നം നീ​ലി​ക്കാ​ട്ട് ചി​റ​യി​ല്‍ കെ.​ആ​ർ. രാ​ജ​പ്പ​നാ​ണ് ആ​ത്മ​ഹ​ത്യ ചെ​യ്ത​ത്. തു​ട​ന്നാ​യി​രു​ന്നു സ​ര്‍ക്കാ​ർ ഇ​ട​പെ​ട​ല്‍. പി.​ആ​ര്‍.​എ​സ് എ​ഴു​തി​യാ​ല്‍ 15 ദി​വ​സ​ത്തി​നു​ള്ളി​ല്‍ നെ​ല്ലു​വി​ല ക​ര്‍ഷ​ക​ന്‍റെ അ​ക്കൗ​ണ്ടി​ല്‍ എ​ത്തു​മെ​ന്നാ​യി​രു​ന്നു ഉ​റ​പ്പ്. എ​ന്നാ​ല്‍ ഈ ​ഉ​റ​പ്പ് ന​ട​പ്പാ​യി​ട്ടി​ല്ല. ക​ര്‍ഷ​ക​രി​ല്‍ നി​ന്ന്​ ശേ​ഖ​രി​ച്ച നെ​ല്ലി​ന്‍റെ വി​ല ന​ല്‍കു​ന്ന​ത് പി.​ആ​ര്‍.​എ​സ് വാ​യ്പ​യാ​യി​ട്ട് ബാ​ങ്കു​ക​ള്‍ ന​ല്‍കു​ക​യാ​ണെ​ന്നാ​ണ് ഉ​ദ്യോ​ഗ​സ്ഥ​ര്‍ ന​ല്‍കു​ന്ന മ​റു​പ​ടി. 2023-’24 വ​ര്‍ഷ​ത്തെ വാ​യ്പ കു​ടി​ശ്ശി​ക സ​ര്‍ക്കാ​ര്‍ ബാ​ങ്കു​ക​ള്‍ക്ക് ന​ല്‍കി​യ​ശേ​ഷ​മാ​ണ് പു​തി​യ വാ​യ്പ അ​നു​വ​ദി​ക്കു​ന്ന​ത്. ഇ​ത് വൈ​കി​യ​താ​ണ് ര​ണ്ടാം കൃ​ഷി വി​ള​വെ​ടു​പ്പി​ലെ നെ​ല്ലു​വി​ല വൈ​കാ​ന്‍ കാ​ര​ണം. എ​ന്നാ​ല്‍ അ​തി​ന് പ​രി​ഹാ​ര​മാ​യെ​ന്നും വ്യ​ക്ത​മാ​ക്കി.

കാ​ര്‍ഷി​ക​വാ​യ്പ​ക്ക് പു​റ​മെ സ്വ​കാ​ര്യ​വ്യ​ക്തി​ക​ളി​ല്‍ നി​ന്ന് പ​ലി​ശ​ക്കും സ്വ​ര്‍ണം പ​ണ​യം​വെ​ച്ചു​മാ​ണ് പ​ല​രും കൃ​ഷി ചെ​യ്യു​ന്ന​ത്. ചെ​റു​കി​ട ക​ര്‍ഷ​ക​രാ​യ പ​ല​രും പാ​ട്ട കൃ​ഷി​യും ചെ​യ്യു​ന്നു​ണ്ട്. ഇ​വ വാ​ങ്ങു​ന്ന​തി​നു​ള്ള തു​ക പോ​ലും കാ​ര്‍ഷി​ക വാ​യ്പ​കൊ​ണ്ട് തി​ക​യി​ല്ല. കൂ​ടാ​തെ കൊ​യ്ത്ത് യ​ന്ത്രം വാ​ട​ക​യാ​യി മ​ണി​ക്കൂ​റി​ന് 2500 രൂ​പ വ​രെ ന​ല്‍ക​ണം. ഒ​രേ​ക്ക​ര്‍ കൊ​യ്തെ​ടു​ക്കാ​ന്‍ ചി​ല നി​ല​ങ്ങ​ളി​ല്‍ ഒ​ന്ന​ര മു​ത​ല്‍ ര​ണ്ട് മ​ണി​ക്കൂ​ര്‍ വ​രെ വേ​ണ്ടി​വ​രും.

കൊ​യ്ത്ത്​ ക​ഴി​ഞ്ഞാ​ലു​ട​ന്‍ യ​ന്ത്ര​വാ​ട​ക ന​ല്‍ക​ണം. ഇ​ങ്ങ​നെ കൃ​ഷി ചെ​യ്യു​ന്ന ക​ര്‍ഷ​ക​ര്‍ക്ക് നെ​ല്ലു​വി​ല കി​ട്ട​ണ​മെ​ങ്കി​ല്‍ മാ​സ​ങ്ങ​ളോ​ളം കാ​ത്തി​രി​ക്കേ​ണ്ട അ​വ​സ്ഥ​യാ​ണ്. ഡി​സം​ബ​ര്‍ ആ​ദ്യ​വാ​ര​ത്തോ​ടെ പു​ഞ്ച കൃ​ഷി ഇ​റ​ക്കാ​ൻ ത​യ്യാ​റെ​ടു​ക്കു​ന്ന ക​ര്‍ഷ​ക​ര്‍ നി​ലം ഒ​രു​ക്കാ​നും വി​ത​ക്കാ​നും തു​ക ക​ണ്ടെ​ത്താ​നു​ള്ള ത​ത്ര​പ്പാ​ടി​ലാ​ണ്. അ​ടു​ത്ത ദി​വ​സ​മെ​ങ്കി​ലും ശേ​ഖ​രി​ച്ച നെ​ല്ലി​ന്‍റെ വി​ല കി​ട്ടി​യി​ല്ലെ​ങ്കി​ല്‍ പു​ഞ്ച കൃ​ഷി ഇ​റ​ക്കാ​ന്‍ വൈ​കും. ഇ​ത് വി​ള​വി​നെ​യും ബാ​ധി​ക്കും.

ക​ർ​ഷ​ക യൂ​നി​യ​ൻ ജി​ല്ല പ്ര​സി​ഡ​ന്‍റ്​ സാ​ബു​വ​ള്ള​പ്പു​ര​യ​ക്ക​ൽ അ​ധ്യ​ക്ഷ​ത വ​ഹി​ച്ചു. സം​സ്ഥാ​ന വ​ർ​ക്കി​ങ്​ പ്ര​സി​ഡ​ന്‍റ്​ നൈ​നാ​ൻ തോ​മ​സ് ഉ​ദ്ഘാ​ട​നം ചെ​യ്തു. തോ​മ​സ് ചു​ള്ളി​ക്ക​ൽ, ഷാ​ജി വാ​ണി​യ​പു​ര​ക്ക​ൽ, കെ.​എ​ന്‍. സാം​സ​ൺ, സ​പ്രു പ​ത്തി​ൽ, സ​ന്തോ​ഷ് പു​ളി​ങ്കു​ന്ന് എ​ന്നി​വ​ർ സം​സാ​രി​ച്ചു.