ജോ​ലി​യു​ണ്ട്, കൂ​ലി​യി​ല്ല; ഫെ​സ്റ്റി​വ​ൽ അ​ല​വ​ൻ​സും പെ​ൻ​ഷ​നു​മി​ല്ലാ​തെ അം​ഗ​ൻ​വാ​ടി ജീവനക്കാർ

ആ​ല​പ്പു​ഴ: വി​ര​മി​ച്ച അം​ഗ​ൻ​വാ​ടി ജീ​വ​ന​ക്കാ​ർ​ക്ക്​ സ​ർ​ക്കാ​ർ ന​ൽ​കാ​നു​ള്ള​ത് ഒ​ന്ന​ര​ക്കോ​ടി രൂ​പ. ക​ഴി​ഞ്ഞ വ​ർ​ഷ​ത്തെ ഫെ​സ്റ്റി​വ​ൽ അ​ല​വ​ൻ​സ് ഇ​ന​ത്തി​ൽ മാ​ത്ര​മാ​ണ്​ ഇ​ത്ര​യും തു​കയുടെ കുടിശ്ശിക. 1,200 രൂ​പ​യാ​ണ് ഫെ​സ്റ്റി​വ​ൽ അ​ല​വ​ൻ​സ്. ജീ​വ​ന​ക്കാ​ർ​ക്കു​ള്ള അ​ല​വ​ൻ​സ് വി​ത​ര​ണം പൂ​ർ​ത്തി​യാ​യെ​ങ്കി​ലും വി​ര​മി​ച്ച​വ​ർ​ക്ക് ഇ​തു​വ​രെ ന​ൽ​കി​യി​ട്ടി​ല്ല. 13,000ത്തോ​ളം വി​ര​മി​ച്ച അം​ഗ​ൻ​വാ​ടി ജീ​വ​ന​ക്കാ​ർ സം​സ്ഥാ​ന​ത്തു​ണ്ടെ​ന്നാ​ണ് ക​ണ​ക്ക്. ഒ​രു​മാ​സ​മാ​യി പ​ല ജി​ല്ല​യി​ലും പെ​ൻ​ഷ​ൻ വി​ത​ര​ണ​വും ന​ട​ന്നി​ട്ടി​ല്ല. വ​ർ​ക്ക​ർ​ക്ക് 2,500 രൂ​പ​യും ഹെ​ൽ​പ​ർ​ക്ക് 1,500 രൂ​പ​യു​മാ​ണ് പ്ര​തി​മാ​സ പെ​ൻ​ഷ​ൻ. 2022 ഏ​പ്രി​ലി​ൽ വി​ര​മി​ച്ച​വ​ർ​ക്കു​ള്ള പെ​ൻ​ഷ​നും ഇ​തു​വ​രെ ന​ൽ​കി​ത്തു​ട​ങ്ങി​യി​ട്ടി​ല്ല.

നി​ല​വി​ൽ അം​ഗ​ൻ​വാ​ടി വ​ർ​ക്ക​ർ​ക്ക് 12,000 രൂ​പ​യും ഹെ​ൽ​പ​ർ​ക്ക് 8,000 രൂ​പ​യു​മാ​ണ് ഓ​ണ​റേ​റി​യം. കേ​ന്ദ്ര, സം​സ്ഥാ​ന സ​ർ​ക്കാ​റു​ക​ളു​ടെ പ​ങ്കാ​ളി​ത്ത​ത്തോ​ടെ​യാ​ണ് ഇ​വ​ർ​ക്കു​ള്ള വേ​ത​നം ന​ൽ​കു​ന്ന​ത്. ക​ഴി​ഞ്ഞ ബ​ജ​റ്റി​ൽ ഇ​വ​ർ​ക്കു​ള്ള ഓ​ണ​റേ​റി​യം വ​ർ​ധി​പ്പി​ച്ചെ​ങ്കി​ലും ഇ​തു​വ​രെ ല​ഭി​ച്ചി​ട്ടി​ല്ല.

ചി​കി​ത്സ ആ​നു​കൂ​ല്യ​ങ്ങ​ളോ ഇ.​എ​സ്.​ഐ പ​രി​ര​ക്ഷ​യോ ല​ഭി​ക്കു​ന്നി​ല്ലെ​ന്നും ക്ഷേ​മ​നി​ധി ബോ​ർ‍ഡ് വ​ഴി അം​ഗ​ൻ​വാ​ടി ജീ​വ​ന​ക്കാ​ർ​ക്ക് വാ​യ്പ, സ്കോ​ള​ർ​ഷി​പ്, ചി​കി​ത്സ സ​ഹാ​യം തു​ട​ങ്ങി​യ​വ ന​ൽ​കു​മെ​ന്ന സ​ർ​ക്കാ​ർ വാ​ഗ്ദാ​നം ന​ട​പ്പാ​യി​ല്ലെ​ന്നും ജീ​വ​ന​ക്കാ​ർ പ​റ​യു​ന്നു. 10 വ​ർ​ഷം വ​രെ സ​ർ​വി​സു​ള്ള​വ​ർ​ക്ക് 500 രൂ​പ​യും അ​തി​ൽ കൂ​ടു​ത​ലു​ള്ള​വ​ർ​ക്ക് 1,000 രൂ​പ​യും കൂ​ടു​മെ​ന്നാ​യി​രു​ന്നു അ​ന്ന​ത്തെ പ്ര​ഖ്യാ​പ​നം. സം​സ്ഥാ​ന​ത്ത് 33,150 അം​ഗ​ൻ​വാ​ടി​ക​ളി​ലാ​യി 66,300 പ്ര​വ​ർ​ത്ത​ക​രു​ണ്ട്.

രാ​വി​ലെ മു​ത​ൽ വൈ​കീ​ട്ട്​ മൂ​ന്ന​ര വ​രെ​യാ​ണ് അം​ഗ​ൻ​വാ​ടി​യി​ലെ പ്ര​വ​ർ​ത്ത​നം. പ​ക്ഷേ, ഇ​തോ​ടെ തീ​രു​ന്നി​ല്ല, ഗൃ​ഹ​സ​ന്ദ​ർ​ശ​ന​ത്തി​ന്റെ​യും ര​ജി​സ്റ്റ​ർ ത​യാ​റാ​ക്ക​ലി​ന്റെ​യും പ​ണി​ക​ൾ അ​തി​നു ശേ​ഷ​മാ​ണ്. ഇ​തി​നു പു​റ​മെ, ഏ​തെ​ങ്കി​ലും വ​കു​പ്പി​നു സ​ർ​വേ ന​ട​ത്ത​ണ​മെ​ന്നു തോ​ന്നി​യാ​ൽ അ​തും ഇ​വ​രു​ടെ ചു​മ​ലി​ലാ​യി​രി​ക്കും. പ്ര​സ​വ ആ​നു​കൂ​ല്യം ല​ഭ്യ​മാ​ക്കാ​നും നേ​തൃ​ത്വം ന​ൽ​കേ​ണ്ട​ത് ഇ​വ​ർ​ത​ന്നെ. വാ​ർ​ഡ് സ​ഭ​ക​ളു​ടെ കോ​ഓ​ഡി​നേ​ഷ​ൻ മു​ത​ൽ ത​ദ്ദേ​ശ സ്ഥാ​പ​ന​ങ്ങ​ൾ ഏ​ൽ​പി​ക്കു​ന്ന ചു​മ​ത​ല​ക​ളും ഇ​വ​ർ ചെ​യ്യ​ണം. എ​ന്നി​രി​ക്കെ​യാ​ണ്​ അം​ഗ​ൻ​വാ​ടി ജീ​വ​ന​ക്കാ​രോ​ടും വി​ര​മി​ച്ച​വ​രോ​ടും ഈ ​അ​വ​ഗ​ണ​ന.