ചുഴലിക്കാറ്റിൽ വീടിന്‍റെ മേൽക്കൂര തകർന്നു

ആറാട്ടുപുഴ : ശക്തമായ ചുഴലിക്കാറ്റിൽ വീടിന്‍റെ മേൽക്കൂര തകർന്നു. പതിയാങ്കര ഇടത്തുരുത്തിൽ തെക്കേ കാട്ടിൽ സുഹൈലിന്‍റെ വീടി​െന്‍റ മേൽക്കൂരയാണ് ചുഴലിക്കാറ്റിൽ പറന്നു പോയത്.

തകര ഷീറ്റും ആസ്ബറ്റോസും മേഞ്ഞ വീടിന്‍റെ ഹാളിന്‍റെ മേൽക്കൂരക്കാണ് കൂടുതൽ നാശമുണ്ടായത്. ഓടുമേഞ്ഞ ഒരു കിടപ്പ് മുറിയുടെ മേൽക്കൂരയും ഭാഗികമായി തകർന്നു. പുലർച്ചെ മൂന്നു മണിയോടെയായിരുന്നു സംഭവം. വീട്ടുകാർ ഉറങ്ങി കിടക്കുകയായിരുന്നു. എന്നാൽ, ആളപായമില്ല.