എട്ടാം ക്ലാസ്​ വിദ്യാർഥിനിയെ പ്രേമം നടിച്ച് കടത്തിക്കൊണ്ടുപോയ കേസിൽ യുവാവ് പിടിയിൽ

ആറാട്ടുപുഴ: എട്ടാം ക്ലാസ്​ വിദ്യാർഥിനിയെ പ്രേമം നടിച്ച് കടത്തിക്കൊണ്ടുപോയ കേസിൽ യുവാവ് പിടിയിൽ. പത്തനംതിട്ട കടമ്മനിട്ട വഴുതാനത്ത്​ തടത്തിൽ രാഹുൽ ശ്രീരാജാണ് (29) അറസ്​റ്റിലായത്. 13 വയസ്സുകാരിയെ സോഷ്യൽ മീഡിയ വഴി പരിചയപ്പെട്ട യുവാവ് പെൺകുട്ടിയുടെ നാട്ടിലെത്തി കാറിൽ കയറ്റി കൊണ്ടുപോകുകയായിരുന്നു.

പെൺകുട്ടിയെ കാണാനില്ലെന്ന വീട്ടുകാരുടെ പരാതിയിൽ തൃക്കുന്നപ്പുഴ പൊലീസ് കേസെടുത്തിരുന്നു. തുടർന്ന് നടത്തിയ അന്വേഷണത്തിൽ പെൺകുട്ടിയെയും യുവാവിനെയും പത്തനംതിട്ടയിൽനിന്ന്​ പിടികൂടുകയായിരുന്നു. യുവാവ് വിവാഹിതനും ഏഴു വയസ്സുള്ള കുട്ടിയുടെ പിതാവുമാണ്. തൃക്കുന്നപ്പുഴ പൊലീസ് പോക്സോ നിയമപ്രകാരം കേസെടുത്തു.