‘ആരോഗ്യം ആനന്ദം’ അർബുദ പ്രതിരോധ കാമ്പയിന്‍

ആ​ല​പ്പു​ഴ: ‘ആ​രോ​ഗ്യം ആ​ന​ന്ദം’ അ​ർ​ബു​ദ പ്ര​തി​രോ​ധ ജ​ന​കീ​യ കാ​മ്പ​യി​ന്‍റെ ഭാ​ഗ​മാ​യി ജി​ല്ല​യി​ൽ ഇ​തു​വ​രെ സ്ത​നാ​ർ​ബു​ദ​ത്തി​ന് 36,436 പേ​രെ സ്ക്രീ​നി​ങ്ങി​ന് വി​ധേ​യ​മാ​ക്കി​യ​താ​യി ജി​ല്ല മെ​ഡി​ക്ക​ല്‍ ഓ​ഫി​സ​ര്‍ അ​റി​യി​ച്ചു. ഇ​വ​രി​ൽ 881 പേ​രെ തു​ട​ർ​പ​രി​ശോ​ധ​ന​ക​ൾ​ക്കാ​യി റ​ഫ​ർ ചെ​യ്തു. 26,667 പേ​രെ ഗ​ർ​ഭാ​ശ​യ കാ​ൻ​സ​ർ സ്‌​ക്രീ​നി​ങ്ങി​ന് വി​ധേ​യ​മാ​ക്കി. 963 പേ​രെ തു​ട​ർ​പ​രി​ശോ​ധ​ന​ക​ൾ​ക്ക് റ​ഫ​ർ ചെ​യ്തു. സ്വ​യം പ​രി​ശോ​ധ​ന പ്രോ​ത്സാ​ഹി​പ്പി​ച്ച്​ സം​ശ​യ​മു​ള്ള​വ​രെ ആ​രോ​ഗ്യ​കേ​ന്ദ്ര​ങ്ങ​ളി​ൽ സ്ക്രീ​നി​ങ്ങി​ന് വി​ധേ​യ​രാ​ക്കി ആ​വ​ശ്യ​മു​ള്ള​വ​രെ സ​ർ​ജ​ന്റെ സേ​വ​നം ല​ഭ്യ​മാ​കു​ന്ന ആ​ശു​പ​ത്രി​ക​ളി​ലേ​ക്ക് അ​യ​ക്കും.

30 വ​യ​സ്സ് ക​ഴി​ഞ്ഞ സ്ത്രീ​ക​ൾ ഡോ​ക്ട​റു​ടെ നി​ർ​ദേ​ശാ​നു​സ​ര​ണം പാ​പ്​​സ്മി​യ​ർ പ​രി​ശോ​ധ​ന​ക്ക്​ വി​ധേ​യ​രാ​ക​ണം. രോ​ഗ​ല​ക്ഷ​ണ​ങ്ങ​ൾ സം​ശ​യി​ക്കു​ന്ന​വ​ർ​ക്ക് ഗൈ​ന​ക്കോ​ള​ജി​സ്റ്റു​ക​ളു​ടെ പ​രി​ശോ​ധ​ന​ക്ക്​ സൗ​ക​ര്യ​മൊ​രു​ക്കും. 30 വ​യ​സ്സ്​ ക​ഴി​ഞ്ഞ എ​ല്ലാ സ്ത്രീ​ക​ൾ​ക്കും സ്ക്രീ​നി​ങ് കാ​മ്പ​യി​ൻ ഉ​റ​പ്പാ​ക്കും. മ​മോ​ഗ്രാം, അ​ൾ​ട്രാ സൗ​ണ്ട് സ്കാ​നി​ങ് പോ​ലെ​യു​ള്ള പ​രി​ശോ​ധ​ന​ക​ൾ മി​ത​മാ​യ നി​ര​ക്കി​ൽ സ്വ​കാ​ര്യ പ​രി​ശോ​ധ​ന കേ​ന്ദ്ര​ങ്ങ​ളി​ൽ ന​ട​ത്താ​ൻ സൗ​ക​ര്യ​മൊ​രു​ക്കി​യി​ട്ടു​ണ്ട്.

ജി​ല്ല ക​ല​ക്​​ട​റു​ടെ സി.​എ​സ്.​ആ​ർ ഫ​ണ്ട് ഉ​പ​യോ​ഗ​പ്പെ​ടു​ത്തി​യാ​ണ് കു​റ​ഞ്ഞ നി​ര​ക്കി​ൽ പ​രി​ശോ​ധ​ന​ക​ൾ സാ​ധ്യ​മാ​ക്കു​ന്ന​ത്. സ്ത​നാ​ർ​ബു​ദ പ്രാ​ഥ​മി​ക പ​രി​ശോ​ധ​ന​ക്ക് ജ​ന​കീ​യ ആ​രോ​ഗ്യ​കേ​ന്ദ്ര​ങ്ങ​ൾ ഉ​ൾ​പ്പെ​ടെ സ​ർ​ക്കാ​ർ ആ​രോ​ഗ്യ​കേ​ന്ദ്ര​ങ്ങ​ളി​ൽ സൗ​ക​ര്യ​മൊ​രു​ക്കി​യി​ട്ടു​ണ്ട്. പ​രി​ശോ​ധ​ന​യി​ൽ എ​ന്തെ​ങ്കി​ലും ത​ര​ത്തി​ലു​ള്ള ല​ക്ഷ​ണ​ങ്ങ​ൾ ശ്ര​ദ്ധ​യി​ൽ​പെ​ട്ടാ​ൽ അ​വ​രെ മാ​മോ​ഗ്രാം പ​രി​ശോ​ധ​ന​ക്ക്​ വി​ധേ​യ​രാ​ക്കി രോ​ഗ​നി​ർ​ണ​യം ന​ട​ത്തും. ഗ​ർ​ഭാ​ശ​യ​ഗ​ള കാ​ൻ​സ​ർ സം​ശ​യം തോ​ന്നി​യാ​ൽ പ്ര​ധാ​ന ആ​ശു​പ​ത്രി​ക​ളി​ൽ കോ​ൾ​പോ​സ്‌​കോ​പ്പി പ​രി​ശോ​ധ​ന​ക്ക് വി​ധേ​യ​രാ​ക്കും. രോ​ഗം സ്ഥി​രീ​ക​രി​ക്കു​ന്ന​വ​ർ​ക്ക് മെ​ഡി​ക്ക​ൽ കോ​ളേ​ജു​ക​ൾ, ജി​ല്ല, ജ​ന​റ​ൽ ആ​ശു​പ​ത്രി​ക​ൾ, റീ​ജി​യ​ന​ൽ കാ​ൻ​സ​ർ സെ​ന്റ​ർ, മ​ല​ബാ​ർ കാ​ൻ​സ​ർ സെ​ന്റ​ർ തു​ട​ങ്ങി ചി​കി​ത്സാ​കേ​ന്ദ്ര​ങ്ങ​ളി​ൽ മാ​ന​ദ​ണ്ഡ​ങ്ങ​ൾ​ക്ക് വി​ധേ​യ​മാ​യി ചി​കി​ത്സ​യൊ​രു​ക്കും. മാ​ർ​ച്ച് എ​ട്ട്​ വ​രെ​യാ​ണ് കാ​മ്പ​യി​ൻ.