വാഹനങ്ങൾ കട്ടപ്പുറത്ത്​; ആധുനിക ഉപകരണങ്ങളുമില്ല

അ​രൂ​ർ: വ​ർ​ഷ​ങ്ങ​ളാ​യു​ള്ള അ​രൂ​ർ നി​വാ​സി​ക​ളു​ടെ മു​റ​വി​ളി​യു​ടെ ഫ​ല​മാ​യാ​ണ് അ​രൂ​രി​ൽ അ​ഗ്നി​ര​ക്ഷ സേ​ന യൂ​നി​റ്റ്​ അ​നു​വ​ദി​ക്ക​പ്പെ​ട്ട​ത്. ആ​റു വ​ർ​ഷം മു​മ്പ് താ​ൽ​ക്കാ​ലി​ക​മാ​യി അ​രൂ​ർ വൈ​ദ്യു​തി ഓ​ഫീ​സി​ൽ തു​ട​ങ്ങി​യ അ​ഗ്നി​ര​ക്ഷ സേ​ന​ക്ക്​ ഇ​വി​ടെ നി​ന്ന്​ മോ​ച​ന​മാ​യി​ല്ല. സ്വ​ന്ത​മാ​യി സ്ഥ​ല​വും സ​ർ​ക്കാ​ർ പ​ദ്ധ​തി​യും ഉ​ണ്ടെ​ങ്കി​ലും കെ​ട്ടി​ടം യാ​ഥാ​ർ​ഥ്യ​മാ​യി​ല്ല. അ​രൂ​ർ വൈ​ദ്യു​തി ഓ​ഫീ​സ് കോ​മ്പൗ​ണ്ടി​ലെ ജീ​വ​ന​ക്കാ​രു​ടെ ര​ണ്ട് ക്വാ​ർ​ട്ടേ​ഴ്സു​ക​ളി​ലാ​ണ്​ ഫ​യ​ർ സ്​​റ്റേ​ഷ​ൻ ആ​രം​ഭി​ച്ച​ത്.

കാ​ല​പ്പ​ഴ​ക്ക​ത്താ​ൽ പൊ​ളി​ഞ്ഞു​വീ​ഴാ​റാ​യ വാ​ട​ക കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന ഫ​യ​ർ സ്റ്റേ​ഷ​ന് പ​റ​യാ​ൻ ഇ​ല്ലാ​യ്മ​ക​ളു​ടെ ക​ഥ​ക​ൾ മാ​ത്ര​മാ​ണു​ള്ള​ത്. എ​റ​ണാ​കു​ളം, ആ​ല​പ്പു​ഴ ജി​ല്ല​ക​ൾ അ​തി​ർ​ത്തി പ​ങ്കി​ടു​ന്ന കൈ​ത​പ്പു​ഴ കാ​യ​ലോ​ര​ത്ത് പ്ര​വ​ർ​ത്തി​ക്കു​ന്ന അ​രൂ​ർ വ്യ​വ​സാ​യ കേ​ന്ദ്ര​ത്തി​ലാ​ണ് ഫ​യ​ർ സ്റ്റേ​ഷ​നു​ള്ള​ത്. അ​ഞ്ചു വാ​ഹ​ന​ങ്ങ​ൾ മാ​ത്ര​മാ​ണ് ഇ​വി​ടെ​യു​ള്ള​ത്. മൊ​ബൈ​ൽ ടാ​ങ്ക് യൂ​നി​റ്റ് -2, ആം​ബു​ല​ൻ​സ് ഒ​ന്ന്, മ​ൾ​ട്ടി യൂ​ട്ടി​ലി​റ്റി വെ​ഹി​ക്കി​ൾ -ഒ​ന്ന്, ഫ​സ്റ്റ് റെ​സ്​​പോ​ൺ​സ് വെ​ഹി​ക്കി​ൾ -ഒ​ന്ന് എ​ന്നി​ങ്ങ​നെ​യാ​ണ് സ്റ്റേ​ഷ​നി​ൽ അ​നു​വ​ദി​ച്ച വാ​ഹ​ന​ങ്ങ​ളു​ടെ എ​ണ്ണം.

ഇ​വ​യി​ൽ മൊ​ബൈ​ൽ ടാ​ങ്ക് യൂ​നി​റ്റ് ഒ​രെ​ണ്ണം 15 വ​ർ​ഷം കാ​ലാ​വ​ധി പൂ​ർ​ത്തി​യാ​ക്കി​യ​തി​നെ​ത്തു​ട​ർ​ന്ന് പൊ​ളി​ക്കാ​ൻ മാ​റ്റി​യി​ട്ടി​രി​ക്കു​ക​യാ​ണ്. ഒ​രെ​ണ്ണം മാ​ത്ര​മു​ള്ള മ​ൾ​ട്ടി യൂ​ട്ടി​ലി​റ്റി വെ​ഹി​ക്കി​ളാ​ക​ട്ടെ ത​ക​രാ​റി​നെ തു​ട​ർ​ന്ന് ചെ​ങ്ങ​ന്നൂ​രി​ലെ സ​ർ​ക്കാ​ർ വ​ർ​ക്ക് ഷോ​പ്പി​ലാ​ണ്. ബാ​റ്റ​റി​യി​ല്ലാ​ത്ത​തി​നാ​ൽ ഏ​ക ഫ​സ്റ്റ് റെ​സ്പോ​ൺ​സ് വെ​ഹി​ക്കി​ൾ വാ​ഹ​നം നോ​ക്കു​കു​ത്തി​യു​മാ​ണ്. മൂ​ന്നു വ​ശ​വും വെ​ള്ള​ത്താ​ൽ ചു​റ്റ​പ്പെ​ട്ട അ​രൂ​രി​ലെ കാ​യ​ലു​ക​ളി​ൽ അ​പ​ക​ട​ങ്ങ​ൾ സാ​ധാ​ര​ണ​യാ​ണ്.

ര​ക്ഷാ​ദൗ​ത്യ​ത്തി​നാ​യി സ്റ്റേ​ഷ​നി​ൽ റ​ബ​ർ ഡി​ങ്കി, യ​മ​ഹ എ​ൻ​ജി​ൻ എ​ന്നി​വ ഉ​ണ്ടെ​ങ്കി​ലും അ​വ ക​യ​റ്റി​കൊ​ണ്ടു​പോ​കാ​ൻ വാ​ഹ​ന​മി​ല്ലാ​ത്ത സ്ഥി​തി​യാ​ണ്. ജ​ല​ദു​ര​ന്തം നേ​രി​ടാ​ൻ അ​രൂ​ർ ഫ​യ​ർ സ്റ്റേ​ഷ​ന് സ്കൂ​ബ വാ​നും സ്കൂ​ബ സെ​റ്റും അ​നു​വ​ദി​ച്ചാ​ൽ ഗു​ണം ചെ​യ്യും. കൈ​ത​പ്പു​ഴ കാ​യ​ലോ​ര​ത്ത് പ​ഴ​യ അ​രൂ​ർ പൊ​ലീ​സ് സ്റ്റേ​ഷ​ൻ പ്ര​വ​ർ​ത്തി​ച്ചി​രു​ന്ന സ്ഥ​ലം അ​ഗ്നി​ശ​മ​ന​സേ​ന ഓ​ഫീ​സ് പ്ര​വ​ർ​ത്തി​ക്കു​ന്ന​തി​ന് അ​നു​വ​ദി​ച്ചി​ട്ടു​ണ്ട്. കെ​ട്ടി​ട​ത്തി​ന്‍റെ രൂ​പ​രേ​ഖ​യും ത​യ്യാ​റാ​യി​ട്ടു​ണ്ട്.

ജി​ല്ല​യി​ലെ പ്ര​ധാ​ന​പ്പെ​ട്ട വ്യ​വ​സാ​യ എ​സ്റ്റേ​റ്റ് ആ​യ അ​രൂ​രി​ൽ ചെ​റു​തും വ​ലു​തു​മാ​യ 100 വ്യ​വ​സാ​യ യൂ​നി​റ്റു​ക​ളാ​ണ് പ്ര​വ​ർ​ത്തി​ക്കു​ന്ന​ത്. നി​ര​വ​ധി സ​മു​ദ്രോ​ല്പ​ന്ന ക​യ​റ്റു​മ​തി സ്ഥാ​പ​ന​ങ്ങ​ളും പെ​യി​ന്‍റ്, ഐ​സ് തു​ട​ങ്ങി​യ നി​ർ​മാ​ണ ക​മ്പ​നി​ക​ളു​മു​ണ്ട്. സ​മു​ദ്രോ​ൽ​പ​ന്ന സം​സ്​​ക​ര​ണ ക​യ​റ്റു​മ​തി സ്ഥാ​പ​ന​ങ്ങ​ളി​ൽ അ​മോ​ണി​യ ചോ​ർ​ച്ച പ​തി​വാ​ണ്. എ​ന്നാ​ൽ, ര​ക്ഷാ​പ്ര​വ​ർ​ത്ത​ന​ത്തി​നെ​ത്തു​ന്ന സേ​നാം​ഗ​ങ്ങ​ൾ ആ ​സ്ഥാ​പ​ന​ങ്ങ​ളി​ലെ അ​മോ​ണി​യ സ്യൂ​ട്ട് ക​ടം വാ​ങ്ങി ഉ​പ​യോ​ഗി​ക്കേ​ണ്ട സ്ഥി​തി​യാ​ണു​ള്ള​ത്. ഓ​ഫീ​സ് ആ​വ​ശ്യ​ങ്ങ​ൾ​ക്കും മ​റ്റും യാ​ത്ര ചെ​യ്യാ​നും അ​പ​ക​ടം ന​ട​ന്ന സ്ഥ​ല​ത്ത് കൂ​ടു​ത​ൽ സേ​നാം​ഗ​ങ്ങ​ളെ എ​ത്തി​ക്കാ​നും സ്റ്റേ​ഷ​നി​ലെ ആം​ബു​ല​ൻ​സാ​ണ് നി​ല​വി​ൽ ഉ​പ​യോ​ഗി​ക്കു​ന്ന​ത്.

2018 ഏ​പ്രി​ൽ ഒ​മ്പ​തി​ന് മു​ഖ്യ​മ​ന്ത്രി പി​ണ​റാ​യി വി​ജ​യ​നാ​ണ് ഫ​യ​ർ സ്റ്റേ​ഷ​ൻ ഉ​ദ്ഘാ​ട​നം ചെ​യ്ത​ത്. സാ​ധാ​ര​ണ ഫ​യ​ർ സ്റ്റേ​ഷ​നു​ക​ളി​ൽ 24 സേ​നാം​ഗ​ങ്ങ​ൾ ഉ​ള്ള​പ്പോ​ൾ അ​രൂ​രി​ൽ 12 പേ​ർ മാ​ത്ര​മാ​ണ് ഉ​ള്ള​ത്. ഇ​തു​മൂ​ലം മി​നി ഫ​യ​ർ​സ്റ്റേ​ഷ​ൻ എ​ന്നാ​ണ് അ​റി​യ​പ്പെ​ടു​ന്ന​ത്. പ​രി​മി​തി​ക​ൾ ഏ​റെ​യു​ണ്ടെ​ങ്കി​ലും സേ​വ​ന​രം​ഗ​ത്ത് സേ​നാം​ഗ​ങ്ങ​ൾ മു​ൻ​പ​ന്തി​യി​ലാ​ണ്. സ്റ്റേ​ഷ​ന്‍റെ പ്ര​വ​ർ​ത്ത​നം പൂ​ർ​ണ​തോ​തി​ൽ സ​ജ്ജ​മാ​ക​ണ​മെ​ങ്കി​ൽ സ​ർ​ക്കാ​ർ സേ​നാം​ഗ​ങ്ങ​ളു​ടെ എ​ണ്ണം ഇ​ര​ട്ടി​യാ​യി വ​ർ​ധി​പ്പി​ക്കു​ക​യും മ​തി​യാ​യ ആ​ധു​നി​ക വാ​ഹ​ന​ങ്ങ​ളും ഉ​പ​ക​ര​ണ​ങ്ങ​ളും ല​ഭ്യ​മാ​ക്കു​ക​യും ചെ​യ്യ​ണ​മെ​ന്നാ​ണ് വ്യ​വ​സാ​യി​ക​ളും അ​രൂ​ർ നി​വാ​സി​ക​ളും ആ​വ​ശ്യ​പ്പെ​ടു​ന്ന​ത്.