കൈതപ്പുഴ കായൽ നികന്ന് തീരുന്നു

അ​രൂ​ർ: അ​രൂ​രി​നെ ചു​റ്റി​​യൊ​ഴു​കു​ന്ന കൈ​ത​പ്പു​ഴ കാ​യ​ൽ ഭീ​തി​ജ​ന​ക​മാ​യ വി​ധം നി​ക​ന്നു​പോ​കു​ന്ന​തി​ൽ ക​ടു​ത്ത ആ​ശ​ങ്ക. കാ​യ​ൽ ന​ടു​വി​ൽ​പോ​ലും എ​ക്ക​ലും ച​ളി​യും അ​ടി​ഞ്ഞ് ചെ​റു​ദ്വീ​പു​ക​ൾ​പോ​ലെ മ​ണ​ൽ​ത്തി​ട്ട​ക​ൾ രൂ​പ​പ്പെ​ട്ടി​രി​ക്കു​ക​യാ​ണ്. വേ​ഗ​ത്തി​ൽ എ​ത്തു​ന്ന ജ​ല​യാ​ന​ങ്ങ​ൾ പ​ല​പ്പോ​ഴും അ​പ​ക​ട​ക​ര​മാ​യ വി​ധ​ത്തി​ൽ മ​ണ​ൽ​ത്തി​ട്ട​യി​ൽ ഇ​ടി​ച്ചു​ക​യ​റി യാ​ത്ര​ക്കാ​ർ ന​ടു​കാ​യ​ലി​ൽ പെ​ട്ടി​ട്ടു​ണ്ട്. രാ​ത്രി​യി​ലാ​ണെ​ങ്കി​ൽ ദു​ര​ന്തം ആ​യേ​ക്കാ​വു​ന്ന അ​പ​ക​ട​ങ്ങ​ളാ​ണി​ത്.

എ​ന്തും കാ​യ​ലി​ൽ ത​ള്ളു​ന്ന ജ​ന​ങ്ങ​ളു​ടെ മാ​ന​സി​കാ​വ​സ്ഥ​യാ​ണ് ഈ ​സ്ഥി​തി​ക്ക്​ ഒ​രു കാ​ര​ണം. മ​റ്റൊ​ന്ന്, പാ​ല​ങ്ങ​ളു​ടെ​യും മ​റ്റും നി​ർ​മാ​ണ​ത്തി​നി​ടെ ബാ​ക്കി​യാ​കു​ന്ന ച​ളി​യും മ​ണ്ണും മ​റ്റും കാ​യ​ലി​ൽ ത​ന്നെ ത​ള്ളു​ന്ന ക​രാ​ർ ക​മ്പ​നി​ക​ളു​ടെ നി​യ​മ വി​രു​ദ്ധ പ്ര​വൃ​ത്തി​യും.

കൈ​ത​പ്പു​ഴ കാ​യ​ലി​ൽ അ​രൂ​ർ മു​ത​ൽ കു​മ്പ​ളം വ​രെ മൂ​ന്ന്​ പാ​ല​വും അ​രൂ​ക്കു​റ്റി​യി​ലേ​ക്ക് ഒ​രു പാ​ല​വു​മു​ണ്ട്. നി​ർ​മാ​ണ ആ​രം​ഭ​ത്തി​ൽ കാ​യ​ലി​ൽ ബ​ണ്ടു​കെ​ട്ടി​യാ​ണ് പാ​ല​ങ്ങ​ൾ നി​ർ​മി​ച്ച​ത്. മ​ത്സ്യ​ത്തൊ​ഴി​ലാ​ളി​ക​ൾ പ്ര​തി​ഷേ​ധി​ക്കു​മ്പോ​ൾ മാ​ത്ര​മാ​ണ് ബ​ണ്ട് നി​ർ​മാ​ണം അ​വ​സാ​നി​പ്പി​ക്കു​ന്ന​ത്. നി​ർ​മാ​ണം പൂ​ർ​ത്തി​യാ​ക്കു​മ്പോ​ൾ ഇ​വ നീ​ക്കം ചെ​യ്യാ​മെ​ന്ന് ക​രാ​റു​കാ​ർ ഉ​റ​പ്പു​ന​ൽ​കാ​റു​ണ്ടെ​ങ്കി​ലും പാ​ലി​ക്ക​പ്പെ​ടാ​റി​ല്ല. അ​ധി​കൃ​ത​ർ നി​യ​മ ന​ട​പ​ടി സ്വീ​ക​രി​ക്കാ​റു​മി​ല്ല.

ഏ​ക​ദേ​ശം 12 നി​ല​യു​ള്ള കെ​ട്ടി​ട​ത്തി​ന്‍റെ നീ​ള​മു​ണ്ട് പാ​ല​ങ്ങ​ളു​ടെ കാ​ലു​ക​ൾ​ക്കെ​ന്ന് സാ​ങ്കേ​തി​ക വി​ദ​ഗ്ധ​ർ പ​റ​യു​ന്നു. ഇ​ത്ത​രം നി​ര​വ​ധി കാ​ലു​ക​ളാ​ണ് കാ​യ​ലി​ലേ​ക്ക് ആ​ഴ​ത്തി​ൽ താ​ഴ്ത്ത​പ്പെ​ട്ടി​ട്ടു​ള്ള​ത്. ഇ​തി​ലൂ​ടെ പു​റം​ത​ള്ളു​ന്ന ച​ളി​യും രാ​സ​പ​ദാ​ർ​ഥ​ങ്ങ​ളും കാ​യ​ലി​ന്‍റെ ആ​വാ​സ​വ്യ​വ​സ്ഥ​ക്കും ഹാ​നി​ക​ര​മാ​ണ്. മ​ത്സ്യ​സ​മ്പ​ത്തി​ന് ഭീ​ഷ​ണി​യാ​കു​ന്ന ഈ ​മാ​ലി​ന്യം കാ​യ​ലി​ൽ ത​ള്ള​രു​തെ​ന്ന് ക​ർ​ശ​ന നി​ർ​ദേ​ശം ഉ​ണ്ടെ​ങ്കി​ലും ചെ​ല​വേ​റി​യ പു​റം​ത​ള്ള​ലി​ന് ക​രാ​റു​കാ​ർ ത​യാ​റാ​കാ​റി​ല്ല. കാ​യ​ൽ തീ​ര​ങ്ങ​ളും എ​ക്ക​ലും മ​ണ്ണും അ​ടി​ഞ്ഞ് നി​ക​ന്നു​പോ​കു​ന്ന​തി​ന്​ ഇ​ത് കാ​ര​ണ​മാ​കു​ന്നു​ണ്ട്. കാ​യ​ലി​ന്‍റെ ക​ട​ലാ​ഴ​ത്തി​ലേ​ക്കു​ള്ള ഒ​ഴു​ക്ക് തി​രി​ച്ചു​ള്ള ഒ​ഴു​ക്കും പ​ഴ​യ രീ​തി​യി​ൽ ന​ട​ക്കു​ന്നി​ല്ലെ​ന്നാ​ണ് വി​ദ​ഗ്​​ധ​ർ ചൂ​ണ്ടി​ക്കാ​ട്ടു​ന്ന​ത്. ഇ​ക്കാ​ര​ണ​ത്താ​ൽ കാ​യ​ൽ പ​രി​സ്ഥി​തി അ​വ​താ​ള​ത്തി​ൽ ആ​യി​ട്ടു​ണ്ട്. കാ​യ​ലി​ന്‍റെ അ​ടി​ത്ത​ട്ടി​ൽ മാ​ത്രം വ​ള​രു​ന്ന മ​ത്സ്യ​യി​ന​ങ്ങ​ളി​ൽ പ​ല​തി​നും വം​ശ​നാ​ശം സം​ഭ​വി​ച്ചി​ട്ടു​ണ്ട്.

2018ലെ ​പ്ര​ള​യ​ത്തെ തു​ട​ർ​ന്ന് അ​സാ​ധാ​ര​ണ വേ​ലി​യേ​റ്റ​ങ്ങ​ൾ അ​രൂ​രി​ൽ പ​തി​വാ​കു​ക​യാ​ണ്. കാ​യ​ൽ​ക്ക​ര​ക​ളി​ൽ സ്ഥി​തി ചെ​യ്യു​ന്ന അ​രൂ​ർ മ​ണ്ഡ​ല​ത്തി​ലെ 10 പ​ഞ്ചാ​യ​ത്തു​ക​ളും കാ​യ​ൽ ക​യ​റ്റ​ത്തി​ന്‍റെ ദു​രി​ത​ത്തി​ലാ​ണ്. ഇ​തി​നൊ​ക്കെ പ​രി​ഹാ​ര​മാ​യി വി​ദ​ഗ്​​ധ​ർ ചൂ​ണ്ടി​ക്കാ​ട്ടു​ന്ന​ത് കാ​യ​ലി​ന്‍റെ ആ​ഴം​വ​ർ​ധി​പ്പി​ക്ക​ലാ​ണ്. വെ​റും പ്ര​ഖ്യാ​പ​ന​ങ്ങ​ള​ല്ലാ​തെ ശാ​സ്​​ത്രീ​യ പ​ഠ​ന​ങ്ങ​ൾ ന​ട​ത്തി കാ​യ​ൽ​സം​ര​ക്ഷ​ണ​ത്തി​ന് ന​ട​പ​ടി​യെ​ടു​ക്കാ​ൻ സ​ർ​ക്കാ​ർ ത​യാ​റാ​യി​ട്ടി​ല്ല.

വെ​ള്ള​പ്പൊ​ക്ക​വും മ​ത്സ്യ​ക്ഷാ​മ​വും

എ​ക്ക​ലും പ്ലാ​സ്റ്റി​ക്കും അ​ടി​ഞ്ഞ് കൈ​ത​പ്പു​ഴ കാ​യ​ലി​ലെ നീ​രൊ​ഴു​ക്ക് വ​ലി​യ​തോ​തി​ൽ കു​റ​യു​ക​യാ​ണ്. കാ​യ​ലി​ന്‍റെ ചി​ല ഭാ​ഗ​ങ്ങ​ളി​ൽ 50 ശ​ത​മാ​ന​ത്തി​ലേ​റെ നീ​രൊ​ഴു​ക്ക് കു​റ​ഞ്ഞു. കാ​യ​ലി​ന്‍റെ ആ​ഴം പ​കു​തി​യി​ലേ​റെ കു​റ​ഞ്ഞ​തി​നു പി​ന്നാ​ലെ നീ​രൊ​ഴു​ക്ക് ത​ട​സ്സ​പ്പെ​ടു​ന്ന​ത് പ്ര​ള​യ​രൂ​ക്ഷ​ത​ക്കും ഇ​ട​യാ​ക്കും. കേ​ര​ള ഫി​ഷ​റീ​സ് സ​മു​ദ്ര​പ​ഠ​ന സ​ർ​വ​ക​ലാ​ശാ​ല ന​ട​ത്തി​യ പ​ഠ​ന​ങ്ങ​ളി​ലാ​ണ് ഈ ​മു​ന്ന​റി​യി​പ്പ്.

ഈ ​ഭാ​ഗ​ത്തെ കാ​യ​ലി​ന്‍റെ വി​സ്തീ​ർ​ണം 76.5 ച​തു​ര​ശ്ര​കി​ലോ​മീ​റ്റ​റാ​ണ്. കാ​യ​ലി​ന്‍റെ ഓ​രോ ച.​കി.​മീ. അ​ടി​ത്ത​ട്ടി​ലും ശ​രാ​ശ​രി 55.9 ട​ൺ പ്ലാ​സ്റ്റി​ക് മാ​ലി​ന്യം അ​ടി​ഞ്ഞി​ട്ടു​ണ്ടെ​ന്നാ​ണ്​ ക​ണ്ടെ​ത്ത​ൽ. കാ​യ​ലി​ന്‍റെ കൊ​ച്ചി മേ​ഖ​ല​യി​ലും ഇ​തി​നോ​ട​ടു​ത്ത തോ​തി​ൽ പ്ലാ​സ്റ്റി​ക് മാ​ലി​ന്യ​മു​ണ്ടെ​ന്നാ​ണ്​ ക​ണ്ടെ​ത്ത​ൽ. കാ​ലാ​വ​സ്ഥ വ്യ​തി​യാ​നം​മൂ​ലം ലോ​ക​ത്ത് ആ​ദ്യം ഇ​ല്ലാ​താ​കു​ന്ന ദു​ർ​ബ​ല​മേ​ഖ​ല​യാ​ണ് കാ​യ​ലു​ക​ളെ​ന്ന്​ കേ​ന്ദ്ര ത​ണ്ണീ​ർ​ത്ത​ട നി​യ​ന്ത്ര​ണ അ​തോ​റി​റ്റി ചൂ​ണ്ടി​ക്കാ​ട്ടി​യി​രു​ന്നു. കേ​ര​ള തീ​ര​ത്ത് 50 സെ.​മീ. മു​ത​ൽ ഒ​രു​മീ​റ്റ​ർ​വ​രെ ക​ട​ൽ​നി​ര​പ്പ് ഉ​യ​രാ​ൻ സാ​ധ്യ​ത​യു​ണ്ട്. അ​ങ്ങ​നെ വ​ന്നാ​ൽ കേ​ര​ള​ത്തി​ൽ ആ​ദ്യം ഇ​ല്ലാ​താ​കു​ന്ന​ത് കാ​യ​ലു​ക​ളും പ​രി​സ​ര​വു​മാ​യി​രി​ക്കു​മെ​ന്നും പ​ഠ​ന​ങ്ങ​ൾ പ​റ​യു​ന്നു

കാ​യ​ൽ ച​തു​പ്പു​നി​ല​മാ​കുന്നു

അ​ശാ​സ്ത്രീ​യ​വും ദീ​ർ​ഘ​വീ​ക്ഷ​ണ​വു​മി​ല്ലാ​തെ പാ​ല​ങ്ങ​ളു​ടെ നി​ർ​മാ​ണ​ത്തി​നാ​യി കെ​ട്ടി​യ ബ​ണ്ടു​ക​ൾ പൊ​ളി​ക്കാ​ത്ത​തു​മൂ​ലം പ​ല​യി​ട​ത്തും വ​ലി​യ തോ​തി​ൽ എ​ക്ക​ൽ അ​ടി​യു​ന്ന​തി​നും ആ​ഴം കു​റ​യു​ന്ന​തി​നും കാ​ര​ണ​മാ​കു​ന്നു. എ​ക്ക​ൽ മൂ​ലം കാ​യ​ൽ നി​ക​ന്ന് നാ​മാ​വ​ശേ​ഷ​മാ​കു​ക​യാ​ണ്. കാ​യ​ലോ​ര​ങ്ങ​ളി​ലും പ്ര​ധാ​ന ന​ഗ​ര​ങ്ങ​ളി​ലു​മൊ​ക്കെ ഉ​ണ്ടാ​കു​ന്ന വെ​ള്ള​പ്പൊ​ക്ക​ത്തി​നു​ള്ള പ്ര​ധാ​ന കാ​ര​ണം ഇ​താ​ണ്. മാ​ലി​ന്യ​പ്ര​ശ്നം മൂ​ലം കാ​യ​ൽ നി​ക​ന്ന് ച​തു​പ്പു​നി​ല​മാ​യി മാ​റു​ന്നു. ഇ​തു​മൂ​ലം വെ​ള്ള​ത്തി​ന്‍റെ സ്വാ​ഭാ​വി​ക നീ​രൊ​ഴു​ക്ക് ത​ട​സ്സ​പ്പെ​ടു​ന്നു. ഇ​ത് നാ​ട​ൻ മ​ത്സ്യ​ങ്ങ​ളു​ടെ ഉ​ൽ​പാ​ദ​നം കു​റ​യാ​നും പ​ല​തി​ന്‍റെ​യും വം​ശ​നാ​ശ​ത്തി​നും കാ​ര​ണ​മാ​കു​ന്നു. ഭ​ക്ഷ്യ​സു​ര​ക്ഷ​യെ​യും ബാ​ധി​ക്കു​ന്നു.

ഡോ. ​കെ.​ടി. ജ്യോ​തി​ഷ്, അ​രൂ​ർ

(മ​ത്സ്യ​സ​മ്പ​ത്തി​ന്‍റെ​യും തൊ​ഴി​ലാ​ളി​ക​ളു​ടെ​യും

ജീ​വി​ത​പ്ര​ശ്ന​ങ്ങ​ളെ​ക്കു​റി​ച്ച് പ​ഠ​നം ന​ട​ത്തി

ഡോ​ക്ട​റേ​റ്റ് നേ​ടി​യ വ്യ​ക്തി)

പ്ലാ​സ്റ്റി​ക് മാ​ലി​ന്യം വ​ർ​ധി​ച്ച​ു

വ്യ​വ​സാ​യ മേ​ഖ​ല​യാ​യ അ​രൂ​രി​ൽ കാ​യ​ൽ നി​ക​ത്ത​ൽ വ​ർ​ഷ​ങ്ങ​ളാ​യി തു​ട​രു​ന്നു​ണ്ട്. കാ​യ​ൽ സം​ര​ക്ഷ​ണ​ത്തി​ന് ചു​മ​ത​ല​പ്പെ​ട്ട സ​ർ​ക്കാ​ർ ഏ​ജ​ൻ​സി​ക​ൾ ആ​രും ഫ​ല​പ്ര​ദ​മാ​യി ഇ​ട​പെ​ടാ​റി​ല്ല. മാ​ലി​ന്യം കാ​യ​ലി​ലേ​ക്ക് ത​ള്ളു​ന്ന​തി​നും അ​രൂ​രി​ൽ നി​യ​ന്ത്ര​ണ​മി​ല്ല. പാ​ല​ങ്ങ​ളി​ൽ​നി​ന്ന് മാ​ലി​ന്യം ത​ള്ളു​ന്ന​ത് പ​ല​പ്പോ​ഴും മ​ത്സ്യ​ത്തൊ​ഴി​ലാ​ളി​ക​ൾ​ക്ക് ദു​രി​ത​മാ​കാ​റു​ണ്ട്. കോ​ടി​ക​ൾ വ​രു​മാ​ന​മു​ള്ള പ​ഞ്ചാ​യ​ത്ത് മാ​ലി​ന്യം ത​ള്ളു​ന്ന സ്ഥ​ല​ങ്ങ​ളി​ൽ നി​രീ​ക്ഷ​ണ കാ​മ​റ​ക​ൾ​പോ​ലും സ്ഥാ​പി​ച്ചി​ട്ടി​ല്ല.

കാ​യ​ലി​ലെ പ്ര​ധാ​ന തൊ​ഴി​ൽ മ​ത്സ്യ​ബ​ന്ധ​ന​മാ​ണ്. മ​ത്സ്യ​സ​മ്പ​ത്ത് കു​റ​യു​ന്ന​താ​ണ് കാ​യ​ൽ നേ​രി​ടു​ന്ന പ്ര​ധാ​ന വെ​ല്ലു​വി​ളി. കാ​യ​ലി​ൽ മാ​ലി​ന്യ​ത്തോ​ത് ക്ര​മാ​തീ​ത​മാ​യി വ​ർ​ധി​ച്ച​താ​ണ്​ മ​ത്സ്യ​സ​മ്പ​ത്ത് കു​റ​യാ​ൻ കാ​ര​ണം. പ​ല മ​ത്സ്യ​ങ്ങ​ളും വം​ശ​നാ​ശ ഭീ​ഷ​ണി​യി​ലു​മാ​ണ്. 150ൽ ​ഏ​റെ ഇ​നം മ​ത്സ്യ​ങ്ങ​ൾ കാ​യ​ലി​ലു​ണ്ടെ​ന്നാ​യി​രു​ന്നു ക​ണ​ക്ക്. അ​ടു​ത്ത​യി​ടെ ന​ട​ത്തി​യ പ​ഠ​ന​ത്തി​ൽ നൂ​റി​ൽ താ​ഴെ​യാ​യെ​ന്നു പ​റ​യു​ന്നു. കാ​യ​ലി​ലെ നാ​ട​ൻ മ​ത്സ്യ​ങ്ങ​ളു​ടെ ഉ​ൽ​പാ​ദ​നം കു​റ​യാ​നു​ള്ള കാ​ര​ണ​ങ്ങ​ൾ കാ​യ​ൽ നി​ക​ത്ത​ലും മ​ലി​നീ​ക​ര​ണ​വു​മാ​ണ്. പ്ലാ​സ്റ്റി​ക് മാ​ലി​ന്യം വ​ർ​ധി​ച്ച​തും കാ​യ​ലി​നെ​യും മ​ത്സ്യ​ങ്ങ​ളെ​യും ദോ​ഷ​ക​ര​മാ​യി ബാ​ധി​ക്കു​ന്നു. കാ​യ​ലി​ൽ കാ​ണാ​റു​ള്ള നീ​ർ​കാ​ക്ക​ക​ളു​ടെ എ​ണ്ണ​വും കു​റ​ഞ്ഞു.

കെ.​കെ. വാ​സ​വ​ൻ (മ​ത്സ്യ​ത്തൊ​ഴി​ലാ​ളി)

ശ്രീ​കു​മാ​ര​വി​ലാ​സം ക്ഷേ​ത്രം ദേ​വ​സ്വം പ്ര​സി​ഡ​ന്‍റ്​