ചളിവെള്ളം തെറിച്ചു; ബസിന്‍റെ ചില്ലുടച്ച്​ ഡ്രൈവറുടെ തലയിൽ പെട്രോളൊഴിച്ച യുവാവ്​ അറസ്റ്റിൽ

അ​രൂ​ർ: ദേ​ശീ​യ​പാ​ത​യി​ലൂ​ടെ പോ​യ സ്വ​കാ​ര്യ ബ​സ് ച​ളി​തെ​റി​പ്പി​ച്ച​തി​ല്‍ ക്ഷു​ഭി​ത​നാ​യ യു​വാ​വ് പി​ന്നാ​ലെ​യെ​ത്തി ബ​സി​ന്റെ ഗ്ലാ​സ്​ ക​ല്ലെ​റി​ഞ്ഞു. കാ​ര്യം ചോ​ദി​ക്കാ​ന്‍ ഇ​റ​ങ്ങി​യ ബ​സ് ഡ്രൈ​വ​റു​ടെ ത​ല​യി​ൽ കൈ​യി​ലു​ണ്ടാ​യി​രു​ന്ന കാ​നി​ലെ പെ​ട്രോ​ള്‍ ഒ​ഴി​ച്ച് വ​ധ​ഭീ​ഷ​ണി മു​ഴ​ക്കി. ബു​ധ​നാ​ഴ്ച രാ​വി​ലെ ഒ​മ്പ​തോ​ടെ എ​ര​മ​ല്ലൂ​ര്‍ ജ​ങ്ഷ​ന് സ​മീ​പ​മാ​ണ് പ​രാ​ക്ര​മം ന​ട​ന്ന​ത്. സം​ഭ​വം അ​റി​ഞ്ഞ പൊ​ലീ​സെ​ത്തി ബൈ​ക്ക് യാ​ത്രി​ക​നാ​യ കോ​ടം​തു​രു​ത്ത് ഗ്രാ​മ​പ​ഞ്ചാ​യ​ത്ത് എ​ഴു​പു​ന്ന തെ​ക്ക് ക​റു​ക​പ്പ​റ​മ്പി​ല്‍ സോ​മേ​ഷി​നെ (40) ക​സ്റ്റ​ഡി​യി​ലെ​ടു​ത്തു.

പെ​ട്രോ​ള്‍ ക​ണ്ണി​ല്‍ വീ​ണ ബ​സ് ഡ്രൈ​വ​ര്‍ വ​യ​ലാ​ര്‍ പ​ഞ്ചാ​യ​ത്ത് ഏ​ഴാം വാ​ര്‍ഡ് കൈ​ത​ത്ത​റ കെ.​ജി. മാ​ത്യുവിനെ (38) ചേർത്തല താലൂക്ക്​ ആശുപത്രിയിൽ പ്രവേശിപ്പിച്ചു. ദേ​ശീ​യ​പാ​ത​യി​ല്‍ എ​ര​മ​ല്ലൂ​ര്‍ ജ​ങ്ഷ​ന് സ​മീ​പം ഉ​യ​ര​പ്പാ​ത​യു​ടെ വെ​ല്‍ഡി​ങ് ന​ട​ക്കു​ന്ന​തി​ന് സ​മീ​പ​മാ​ണ് പെ​ട്രോ​ളി​ല്‍ ന​ന​ഞ്ഞ് ഡ്രൈ​വ​ര്‍ നി​ന്ന​ത്. ഇ​തോ​ടെ ബ​സി​ലു​ണ്ടാ​യി​രു​ന്ന സ്ത്രീ​ക​ള​ട​ക്ക​മു​ള്ള യാ​ത്രി​ക​ര്‍ അ​ല​മു​റ​യി​ടു​ക​യാ​യി​രു​ന്നു. ബ​സി​ന്‍റെ ഗ്ലാ​സി​ന് പൊ​ട്ട​ലു​ണ്ട്. ആ​ക്ര​മ​ണ​ത്തി​ല്‍ പ്ര​തി​ഷേ​ധി​ച്ച് ചേ​ര്‍ത്ത​ല​യി​ല്‍നി​ന്ന്​ വ​യ​ലാ​ര്‍വ​ഴി ചേ​ര്‍ത്ത​ല​ക്ക് സ​ര്‍വി​സ് ന​ട​ത്തു​ന്ന സ്വ​കാ​ര്യ ബ​സു​ക​ള്‍ പ​ണി​മു​ട​ക്കി.

ഇ​തേ​തു​ട​ര്‍ന്ന് ഒ​തു​ക്കി​യ 13 ബ​സു​കൾക്ക്​ മോ​ട്ടോ​ര്‍ വാ​ഹ​ന​വ​കു​പ്പ് നോ​ട്ടീ​സ് ന​ല്‍കി. എ​റ​ണാ​കു​ള​ത്തു​നി​ന്ന് ചേ​ര്‍ത്ത​ല​ക്ക് വ​രു​​ക​യാ​യി​രു​ന്ന മ​ല​യാ​ളീ​സ് പേ​രു​ള്ള സ്വ​കാ​ര്യ​ബ​സ് എ​ര​മ​ല്ലൂ​രി​ല്‍ ദേ​ശീ​യ​പാ​ത​യി​ല്‍നി​ന്ന് എ​ഴു​പു​ന്ന​യി​ലേ​ക്ക് തി​രി​യു​മ്പോ​ഴാ​യി​രു​ന്നു അ​തി​ക്ര​മം. സോ​മേ​ഷി​നെ​തി​രെ വ​ധ​ശ്ര​മ​ത്തി​നാ​ണ് കേ​സെ​ടു​ത്ത​തെ​ന്ന് അ​രൂ​ര്‍ സി.​ഐ പി.​എ​സ്. ഷി​ജു പ​റ​ഞ്ഞു. ഇ​യാ​ള്‍ ട്രെ​യി​ല​ര്‍ ലോ​റി ഡ്രൈ​വ​റാ​ണ്.