കവചിത വാഹനം കേടായി; ദേശീയപാതയിൽ ഗതാഗതക്കുരുക്ക്
text_fieldsഅരൂർ: അരൂർ-തുറവൂർ ഉയരപ്പാത നിർമാണം നടക്കുന്ന ദേശീയപാതയിൽ ചന്തിരൂർ അബാദ് കോൾഡ് സ്റ്റോറേജിന് സമീപം ഇൻസുലേറ്റഡ് വാൻ ബ്രേക്ക്ഡൗണായി. ചേർത്തല ഭാഗത്തേക്കുള്ള രണ്ടുവരി പാത തടസ്സത്തിലായത് മണിക്കൂറുകൾ.
ഉച്ചകഴിഞ്ഞായിരുന്നു സംഭവം. വാഹനനിര അരൂർ-കുമ്പളവും പാലം കടന്ന് നെട്ടൂർവരെ നീണ്ടു. ഇതിനിടെ ചില വാഹനങ്ങൾ മറുഭാഗത്തേക്ക് കടക്കാൻ ശ്രമിച്ചത് കൂടുതൽ ഗതാഗതക്കുരുക്കുണ്ടാക്കി. അരൂർ ക്ഷേത്രം ജങ്ഷൻ അരൂക്കുറ്റിയിൽനിന്നുള്ള വാഹനങ്ങൾ കൂടി കടന്നു കയറിയതോടെ ഗതാഗതക്കുരുക്ക് രൂക്ഷമായി. വൈകീട്ട് ആറോടെയാണ് കേടായ വാഹനം നീക്കി ഗതാഗതക്കുരുക്ക് ഒഴിവാക്കിയത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.