ചെങ്ങന്നൂർ നഗരസഭ ഓഫിസ്​ കെട്ടിടത്തിൽ തീപിടിത്തം

ചെ​ങ്ങ​ന്നൂ​ർ: ന​ഗ​ര​സ​ഭ ഓ​ഫി​സ്​ കെ​ട്ടി​ട​ത്തി​ൽ തീ​പി​ടി​ച്ചു. തീ ​അ​ണ​ക്കാ​​നെ​ത്തി​യ നാ​ല് അ​ഗ്നി​ര​ക്ഷാ​സേ​ന ഉ​ദ്യോ​ഗ​സ്ഥ​ര​ട​ക്കം അ​ഞ്ചു​പേ​ർ​ക്ക് ശ്വാ​സ​ത​ട​സ്സം അ​നു​ഭ​വ​പ്പെ​ട്ട​തി​നെ തു​ട​ർ​ന്ന് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ര​ണ്ടു​ല​ക്ഷം രൂ​പ​യു​ടെ നാ​ശ​ന​ഷ്ടം ക​ണ​ക്കാ​ക്കു​ന്നു. ചെ​ങ്ങ​ന്നൂ​ർ അ​ഗ്നി​ര​ക്ഷാ​സേ​ന ഫ​യ​ർ ആ​ൻ​ഡ്​ റ​സ്ക്യൂ ഓ​ഫി​സ​ർ​മാ​രാ​യ ഷ​ഫീ​ക്ക് അ​ലി​ഖാ​ൻ (42), ബി.​എ​സ്. ശ്യാം​കു​മാ​ർ (30), എ​സ്. അ​രു​ൺ​കു​മാ​ർ (35), തി​രു​വ​ല്ല സ്റ്റേ​ഷ​നി​ലെ പ്ര​ദീ​പ്കു​മാ​ർ (32), നാ​ട്ടു​കാ​ര​നാ​യ ക​രു​വേ​ലി​പ്പ​ടി പാ​ല​ങ്ങാ​ട്ടി​ൽ ര​ഞ്ജി പി. ​വ​ർ​ഗീ​സ് (38) എ​ന്നി​വ​രെ​യാ​ണ്​ ജി​ല്ല ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. റെ​യി​ൽ​വേ സ്റ്റേ​ഷ​ന്​ മു​ൻ​വ​ശ​ത്തു​ള്ള ന​ഗ​ര​സ​ഭ സ്വ​കാ​ര്യ ബ​സ്​​സ്റ്റാ​ൻ​ഡ്​​ ഷോ​പ്പി​ങ്​ കോം​പ്ല​ക്സി​ലെ താ​ഴ​ത്തെ നി​ല​യി​ലെ ശു​ചീ​ക​ര​ണ ഉ​പ​ക​ര​ണ​ങ്ങ​ളും ബ്ലീ​ച്ചി​ങ്​ പൗ​ഡ​റു​ക​ളും സൂ​ക്ഷി​ച്ച മു​റി​യി​ലാ​ണ് തീ​പി​ടി​ത്ത​മു​ണ്ടാ​യ​ത്.

ബ്ലീ​ച്ചി​ങ് ​പൗ​ഡ​ർ, ലോ​ഷ​നു​ക​ൾ എ​ന്നി​വ​യി​ലു​ണ്ടാ​യ രാ​സ​മാ​റ്റ​ത്തി​ലൂ​ടെ​യാ​കാം തീ​പ​ട​ർ​ന്ന​തെ​ന്ന്​ സം​ശ​യി​ക്കു​ന്നു. ചൊ​വ്വാ​ഴ്ച രാ​വി​ലെ 10ന്​ ​ഒ​ന്നാം​നി​ല​യി​ലെ ഓ​ഫി​സ്​ കെ​ട്ടി​ട​ത്തി​ലേ​ക്ക്​ പു​ക ഉ​യ​ർ​ന്ന​തോ​ടെ​യാ​ണ് തീ​പി​ടി​ത്തം ശ്ര​ദ്ധ​യി​ൽ​പെ​ട്ട​ത്. 500 കി​ലോ​യോ​ളം ബ്ലീ​ച്ചി​ങ്​ പൗ​ഡ​ർ, ചൂ​ലു​ക​ൾ, ബ്ര​ഷു​ക​ൾ, ലോ​ഷ​നു​ക​ൾ തു​ട​ങ്ങി​യ​വ ക​ത്തി​ന​ശി​ച്ചു. ന​ഗ​ര​സ​ഭ ജീ​വ​ന​ക്കാ​രും വ്യാ​പാ​രി​ക​ളും സ്വ​കാ​ര്യ ബ​സ് ജീ​വ​ന​ക്കാ​രും ഓ​ട്ടോ-​ടാ​ക്സി തൊ​ഴി​ലാ​ളി​ക​ളും നാ​ട്ടു​കാ​രും ചേ​ർ​ന്നാ​ണ് തീ​യ​ണ​ച്ച​ത്.

ചെ​ങ്ങ​ന്നൂ​ർ സ്റ്റേ​ഷ​ൻ ഓ​ഫി​സ​ർ സു​നി​ൽ ജോ​സ​ഫ്, തി​രു​വ​ല്ല സ്റ്റേ​ഷ​ൻ ഫ​യ​ർ ആ​ൻ​ഡ്​ റെ​സ്ക്യൂ ഓ​ഫി​സ​ർ കെ. ​സി​യാ​ദ് എ​ന്നി​വ​രു​ടെ നേ​തൃ​ത്വ​ത്തി​ൽ മൂ​ന്നു യൂ​നി​റ്റ് ഫ​യ​ർ എ​ൻ​ജി​ൻ സ്ഥ​ല​ത്തെ​ത്തി. പ​ക​ൽ തീ​പ​ട​ർ​ന്ന​തി​നാ​ലാ​ണ് വ​ൻ അ​പ​ക​ട​വും നാ​ശ​ന​ഷ്ട​വും ഒ​ഴി​വാ​യ​ത്.