വ്യാജ ലോജിസ്​റ്റിക്​ കമ്പനിയുടെ പേരിൽ തട്ടിപ്പ്​; യുവാവ്​ അറസ്റ്റിൽ

ചെ​ങ്ങ​ന്നൂ​ർ (ആലപ്പുഴ): വാ​ഹ​നം വാ​ട​ക​ക്കെ​ടു​ത്ത് മ​റി​ച്ചു​വി​റ്റ കേ​സി​ൽ യു​വാ​വ്​ അ​റ​സ്റ്റി​ൽ. വ്യാ​ജ ലോ​ജി​സ്റ്റി​ക് ക​മ്പ​നി​യു​ടെ പേ​രി​ൽ വാ​ഹ​ന​ങ്ങ​ൾ ക​രാ​റി​ലെ​ടു​ത്ത്​ ത​ട്ടി​പ്പ്​ ന​ട​ത്തി​യ പാ​ല​ക്കാ​ട് ചി​റ്റൂ​ർ പെ​രു​വ​മ്പ് വെ​ള്ളീ​ശ​രം ചെ​റു​വ​ട്ട​ത്ത് വീ​ട്ടി​ൽ​നി​ന്ന് എ​റ​ണാ​കു​ളം കാ​ക്ക​നാ​ട് തേ​വ​ക്ക​ൽ പു​ത്ത​ൻ​പു​ര​യ്ക്ക​ൽ ലെ​യി​ൻ-48​ൽ താ​മ​സി​ക്കു​ന്ന കാ​ർ​ത്തി​ക്കി​നെ​യാ​ണ്​ (27) ചെ​ങ്ങ​ന്നൂ​ർ പൊ​ലീ​സ്​ പി​ടി​കൂ​ടി​യ​ത്. നി​ര​വ​ധി ത​ട്ടി​പ്പു​കേ​സു​ക​ളി​ൽ പ്ര​തി​യാ​ണി​യാ​ൾ.

ചെ​ങ്ങ​ന്നൂ​ർ അ​ങ്ങാ​ടി​ക്ക​ൽ തു​ണ്ട​ത്തു​മ​ല​യി​ൽ ഉ​ഷ അ​നി​ൽ​കു​മാ​ർ ന​ൽ​കി​യ പ​രാ​തി​യി​ലാ​ണ്​ ന​ട​പ​ടി. ഉ​ഷ​യു​ടെ മ​ക​ൻ അ​ഭി​ജി​ത്തി​ന്റെ ഉ​ട​മ​സ്ഥ​ത​യി​ലു​ള്ള മ​ഹീ​ന്ദ്ര ബൊ​ലേ​റോ പി​ക്അ​പ് 26,000 രൂ​പ മാ​സ​വാ​ട​ക​ക്ക്​ ക​രാ​ർ ഉ​റ​പ്പി​ച്ച് ക​ഴി​ഞ്ഞ ന​വം​ബ​റി​ൽ കാ​ർ​ത്തി​ക് എ​ടു​ത്തി​രു​ന്നു. എ​റ​ണാ​കു​ള​ത്തെ ലോ​ജി​സ്റ്റി​ക് സ​ർ​വി​സ് മാ​നേ​ജി​ങ് ക​മ്പ​നി എ​ന്ന സ്ഥാ​പ​ന​ത്തി​ന്റെ ആ​വ​ശ്യ​ത്തി​നെ​ന്നു​പ​റ​ഞ്ഞാ​യി​രു​ന്നു ഇ​ട​പാ​ട്.

അ​ഡ്വാ​ൻ​സാ​യി 30, 000 രൂ​പ ഉ​ട​ൻ കൈ​മാ​റു​മെ​ന്നും പ്ര​തി​മാ​സ വാ​ട​ക ബാ​ങ്ക് അ​ക്കൗ​ണ്ട് വ​ഴി ന​ൽ​കു​മെ​ന്നു​മാ​യി​രു​ന്നു വാ​ഗ്ദാ​നം. എ​ന്നാ​ൽ, മൂ​ന്നു​മാ​സം ക​ഴി​ഞ്ഞി​ട്ടും അ​ഡ്വാ​ൻ​സും വാ​ട​ക​യും ന​ൽ​കി​യി​ല്ല.

ടെ​ല​ഫോ​ൺ​വ​ഴി വാ​ഹ​നം തി​രി​കെ ആ​വ​ശ്യ​പ്പെ​ട്ടെ​ങ്കി​ലും കാ​ർ​ത്തി​ക് ന​ൽ​കി​യി​ല്ല. ഇ​തി​നി​ടെ കാ​ർ​ത്തി​ക്കി​നെ ബ​ന്ധ​പ്പെ​ടു​ത്തി സ​മാ​ന​മാ​യ നി​ര​വ​ധി ത​ട്ടി​പ്പു​വി​വ​ര​ങ്ങ​ൾ ല​ഭി​ച്ചു. തു​ട​ർ​ന്ന്​ ന​ട​ത്തി​യ അ​ന്വേ​ഷ​ണ​ത്തി​ൽ സ​മാ​ന ത​ട്ടി​പ്പി​ൽ കൊ​ല്ലം കി​ളി​കൊ​ല്ലൂ​ർ പൊ​ലീ​സ് അ​റ​സ്റ്റ്​ ചെ​യ്ത കാ​ർ​ത്തി​ക്കി​നെ റി​മാ​ൻ​ഡ് ചെ​യ്തി​ട്ടു​ണ്ടെ​ന്നും വി​വ​രം ല​ഭി​ച്ചു.

ഉ​ഷ​യു​ടെ പ​രാ​തി​യി​ൽ കേ​സെ​ടു​ത്ത ചെ​ങ്ങ​ന്നൂ​ർ പൊ​ലീ​സ്​ കൊ​ല്ല​ത്തെ ജ​യി​ലി​ലെ​ത്തി അ​റ​സ്റ്റ്​ രേ​ഖ​പ്പെ​ടു​ത്തി തെ​ളി​വെ​ടു​പ്പി​ന്​ ചെ​ങ്ങ​ന്നൂ​രി​ലെ​ത്തി​ച്ചു. ഇ​യാ​ൾ ന​ൽ​കി​യ സൂ​ച​ന​പ്ര​കാ​രം ന​ട​ത്തി​യ അ​ന്വേ​ഷ​ണ​ത്തി​ൽ തൃ​ശൂ​രി​ലെ തൃ​പ്ര​യാ​റി​ൽ​നി​ന്ന് വാ​ഹ​നം ക​ണ്ടെ​ത്തി.

വാ​ഹ​നം ര​ണ്ടു​ല​ക്ഷം രൂ​പ​ക്ക്​ തൃ​പ്ര​യാ​റി​ൽ പ​ണ​യ​പ്പെ​ടു​ത്തി​യെ​ന്നും​​ പൊ​ലീ​സ്​ ക​ണ്ടെ​ത്തി. ചെ​ങ്ങ​ന്നൂ​ർ കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ 14 ദി​വ​സ​ത്തേ​ക്ക്​ റി​മാ​ൻ​ഡ് ചെ​യ്തു.