ആഡംബര കാറിൽ വന്നവർ ചത്ത നായയെ റോഡിൽ വലിച്ചെറിഞ്ഞു

ചെങ്ങന്നൂർ: ആഡംബര കാറിൽ വന്നവർ ചത്ത നായയെ റോഡിലേക്ക്​ വലിച്ചെറിഞ്ഞു. മാവേലിക്കര കോഴഞ്ചേരി എം.കെ റോഡിൽ പുലിയൂർ പേരിശ്ശേരിയിൽ ഞായറാഴ്​ച രാത്രി 7.30നാണ് സoഭവം.

പേരിശ്ശേരി തൃപ്പേരൂർ കുളങ്ങര ക്ഷേത്രത്തിന്​ സമീപം വന്നുനിന്ന ആഡംബര കാറിനുള്ളിൽനിന്നാണ് നായയെ റോഡിലേക്ക്​ തള്ളിയത്. ഇതുകണ്ട്​ സമീപവാസികൾ ഓടിയെത്തിയപ്പോഴേക്കും കാർ ഓടിച്ചുപോയി.

തുടർന്ന് പുലിയൂർ പഞ്ചായത്തംഗത്തെ വിവരം ധരിപ്പിച്ചെങ്കിലും നടപടിയെടുക്കാൻ വിമുഖത കാട്ടിയതായി സമീപവാസികൾ പറഞ്ഞു. നായയുടെ കഴുത്തിൽ ബെൽറ്റും ചങ്ങലയും ഉണ്ടായിരുന്നു.