യുവതിയുടെ ആത്മഹത്യ; ഭർത്താവിന് ഏഴുവർഷം തടവും ഒരുലക്ഷം പിഴയും

ചെ​ങ്ങ​ന്നൂ​ർ: യു​വ​തി ആ​ത്മ​ഹ​ത്യ ചെ​യ്​​ത കേ​സി​ൽ പ്ര​തി​യാ​യ ഭ​ർ​ത്താ​വി​ന്​ ഏ​ഴു​വ​ർ​ഷം ത​ട​വും ഒ​രു ല​ക്ഷം രൂ​പ പി​ഴ​യും ശി​ക്ഷ. 32കാ​രി ആ​ത്മ​ഹ​ത്യ ചെ​യ്ത കേ​സി​ൽ കാ​യം​കു​ളം കീ​രി​ക്കാ​ട് വേ​രു​വ​ള്ളി​ൽ​ഭാ​ഗം കാ​ങ്കാ​ലി​ൽ കി​ഴ​ക്കേ​തി​ൽ മ​നോ​ജി​നെ​യാ​ണ്​ (40)​ ചെ​ങ്ങ​ന്നൂ​ർ അ​ഡീ​ഷ​ന​ൽ സെ​ഷ​ൻ​സ് കോ​ട​തി ജ​ഡ്ജി പി. ​സു​ധീ​ർ ശി​ക്ഷി​ച്ച​ത്.

2016 ഏ​പ്രി​ൽ 12നാ​ണ് കേ​സി​നാ​സ്പ​ദ​മാ​യ സം​ഭ​വം. മു​ള​ക്കു​ഴ പ​ഞ്ചാ​യ​ത്ത് 10ാം വാ​ർ​ഡ്​ കോ​യി​പ്പു​റ​ത്ത് മ​ല​യി​ൽ വീ​ട്ടി​ൽ ആ​ന​ന്ദ​ൻ-​ലീ​ലാ​മ്മ ദ​മ്പ​തി​ക​ളു​ടെ മ​ക​ൾ ആ​ശ​യെ​യാ​ണ്​ ഭ​ർ​തൃ​ഗൃ​ഹ​ത്തി​ൽ ആ​ത്മ​ഹ​ത്യ ചെ​യ്ത നി​ല​യി​ൽ ക​ണ്ട​ത്.

ലീ​ലാ​മ്മ​യു​ടെ മൊ​ഴി​യു​ടെ അ​ടി​സ്ഥാ​ന​ത്തി​ലാ​ണ്​ കാ​യം​കു​ളം പൊ​ലീ​സ്​ 498 എ, 304 ​ബി വ​കു​പ്പു​ക​ൾ പ്ര​കാ​രം മ​നോ​ജി​നും മാ​താ​വ് ശാ​ര​ദ​ക്കും എ​തി​രെ കേ​സ്​ ര​ജി​സ്​​റ്റ​ർ ചെ​യ്ത​ത്. മാ​വേ​ലി​ക്ക​ര അ​ഡീ​ഷ​ന​ൽ സെ​ഷ​ൻ​സ് കോ​ട​തി​യി​ൽ ആ​രം​ഭി​ച്ച വി​ചാ​ര​ണ പി​ന്നീ​ട് ചെ​ങ്ങ​ന്നൂ​രി​ലേ​ക്ക്​ മാ​റ്റു​ക​യാ​യി​രു​ന്നു.

സ്ത്രീ​ധ​ന​മാ​യി ന​ൽ​കാ​നു​ണ്ടാ​യി​രു​ന്ന ര​ണ്ടു​ല​ക്ഷ​ത്തി​ൽ ബാ​ക്കി തു​ക​യാ​യ 40,000 രൂ​പ ആ​ശ ആ​ത്മ​ഹ​ത്യ ചെ​യ്യു​ന്ന​തി​ന്​ ര​ണ്ടു​മാ​സം മു​മ്പ്​ ഭ​ർ​തൃ​വീ​ട്ടു​കാ​ർ ആ​വ​ശ്യ​പ്പെ​ട്ടി​രു​ന്നു. ആ ​തു​ക​ക്ക് തു​ല്യ​മാ​യ ഒ​രു സെൻറ്​ ഭൂ​മി മ​നോ​ജി​െൻറ പേ​രി​ലെ​ഴു​ത​ണ​മെ​ന്നും അ​ത് സ​മു​ദാ​യ​ക്കാ​ര​റി​ഞ്ഞ് കൊ​ടു​ക്ക​ണ​മെ​ന്നും അ​ന്ന് പ​റ​ഞ്ഞി​രു​ന്നു. പ​ണം കി​ട്ടാ​നു​ള്ള കാ​ല​താ​മ​സ​ത്തി​ൽ പ്ര​തി​ക​ൾ ആ​ശ​യെ മാ​ന​സി​ക​മാ​യും ശാ​രീ​രി​ക​മാ​യും പീ​ഡി​പ്പി​ച്ചെ​ന്നാ​ണ്​ കേ​സ്. മാ​താ​വി​നെ കു​റ്റ​ക്കാ​രി​യ​ല്ലെ​ന്ന്​ ക​ണ്ട​തി​നാ​ൽ വെ​റു​തെ​വി​ട്ടു.

ഒ​ന്നാം സാ​ക്ഷി​യാ​യ ലീ​ലാ​മ്മ​ക്ക് പി​ഴ തു​ക​യാ​യ ഒ​രു ല​ക്ഷം ന​ൽ​കാ​ൻ കോ​ട​തി ഉ​ത്ത​ര​വി​ട്ടു. പ്രോ​സി​ക്യൂ​ഷ​നു​വേ​ണ്ടി അ​സി. പ​ബ്ലി​ക്​ പ്രോ​സി​ക്യൂ​ട്ട​ർ റെ​ഞ്ചി ചെ​റി​യാ​ൻ ഹാ​ജ​രാ​യി.