ചമ്മനാട് റോഡപകടത്തിന്​ 30 വയസ്സ്​; 37 പേർ വെന്തുമരിച്ചു, തിരിച്ചറിയാതെ മൂന്നുപേർ

ചേ​ർ​ത്ത​ല: ച​മ്മ​നാ​ട് ദു​ര​ന്ത​ത്തി​ന് തി​ങ്ക​ളാ​ഴ്ച 30 വ​യ​സ്സ്​. മൂ​ന്ന്​ പ​തി​റ്റാ​ണ്ട്​ പി​ന്നി​ടു​മ്പോ​ഴും പ്ര​ഥ​മ വി​വ​ര റി​പ്പോ​ർ​ട്ട് ത​യാ​റാ​ക്കി​യ റി​ട്ട. എ​സ്.​ഐ പ​ള്ളി​പ്പ​റ​മ്പി​ൽ പി.​എ​ൻ. പ്ര​സ​ന്ന​ന്‍റെ​​ മ​ന​സ്സി​ൽ​നി​ന്ന്​ ദു​ര​ന്ത​കാ​ഴ്ച​ക​ൾ മാ​ഞ്ഞി​ട്ടി​ല്ല. ലോ​റി​യു​മാ​യി കൂ​ട്ടി​യി​ടി​ച്ച്​ കെ.​എ​സ്.​ആ​ർ.​ടി.​സി ബ​സി​ലെ 37 യാ​ത്ര​ക്കാ​രാ​ണ്​ വെ​ന്തു​മ​രി​ച്ച​ത്. 1994 ഫെ​ബ്രു​വ​രി അ​ഞ്ചി​ന്​ രാ​ത്രി 10 മ​ണി​ക്ക്​ ശേ​ഷ​മാ​ണ് ച​മ്മ​നാ​ട് ഇ.​സി.​ഇ.​കെ യൂ​നി​യ​ന്‍ ഹൈ​സ്‌​കൂ​ളി​നു സ​മീ​പം അ​പ​ക​ടം ന​ട​ന്ന​ത്. രാ​ത്രി ഒ​രു മ​ണി​യോ​ടെ​യാ​ണ് അ​ന്ന്​ അ​രൂ​ർ സ്​​റ്റേ​ഷ​നി​ലെ കോ​ൺ​സ്റ്റ​ബി​ളാ​യി​രു​ന്ന പ്ര​സ​ന്ന​ന് വി​വ​ര​മ​റി​യി​ച്ച്​ അ​ടു​ത്ത വീ​ട്ടി​ലെ ലാ​ൻ​ഡ്​ ഫോ​ണി​ലേ​ക്ക്​ വി​ളി​യെ​ത്തു​ന്ന​ത്.

തൃ​ശൂ​രി​ൽ​നി​ന്ന്​ ആ​റ്റി​ങ്ങ​ലി​ലേ​ക്ക് പോ​കു​ക​യാ​യി​രു​ന്ന ഫാ​സ്റ്റ് പാ​സ​ഞ്ച​ർ ബ​സും മ​ധ്യ​പ്ര​ദേ​ശി​ലേ​ക്കു ക​യ​റു​മാ​യി പോ​യ ലോ​റി​യു​മാ​യി​രു​ന്നു കൂ​ട്ടി​യി​ടി​ച്ച​ത്. ഇ​ടി​യു​ടെ ആ​ഘാ​ത​ത്തി​ൽ ഇ​രു​വാ​ഹ​ന​ങ്ങ​ളും ക​ത്തു​ക​യാ​യി​രു​ന്നു. തി​രു​വ​ന​ന്ത​പു​രം ബാ​ല​മ​ന്ദി​ര​ത്തി​ലെ​യും ബാ​ലി​കാ​മ​ന്ദി​ര​ത്തി​ലെ​യും കു​ട്ടി​ക​ള​ട​ക്കം 103 യാ​ത്ര​ക്കാ​രു​മാ​യെ​ത്തി​യ ബ​സി​ൽ 37 പേ​രാ​ണ് മ​രി​ച്ച​തെ​ന്ന് പ്ര​സ​ന്ന​ൻ ഓ​ർ​ക്കു​ന്ന​ത്.

26പേ​രെ തി​രി​ച്ച​റി​ഞ്ഞ​ത് ദി​വ​സ​ങ്ങ​ൾ​ക്കു​ശേ​ഷ​മാ​ണ്. ഇ​തി​ൽ ആ​റു​മാ​സ​ത്തി​നു​ള്ളി​ൽ ആ​റു​പേ​രെ​ക്കൂ​ടി തി​രി​ച്ച​റി​ഞ്ഞു. എ​ന്നാ​ൽ, മൂ​ന്ന് പ​തി​റ്റാ​ണ്ട് ക​ഴി​യു​മ്പോ​ഴും മ​രി​ച്ച​വ​രി​ൽ ഇ​നി​യും മൂ​ന്നു​പേ​ർ ആ​രെ​ന്നു തി​രി​ച്ച​റി​ഞ്ഞി​ട്ടി​ല്ല. എ​ഫ്.​ഐ.​ആ​ർ സ​മ​ർ​പ്പി​ക്കു​മ്പോ​ൾ രേ​ഖ​ക​ളു​ൾ​പ്പെ​ടെ 3000 പേ​ജി​ൽ സ്വ​ന്തം കൈ​പ്പ​ട​യി​ലെ​ഴു​തി​യ​ത് പി.​എ​ൻ. പ്ര​സ​ന്ന​ൻ ത​ന്നെ​യാ​യി​രു​ന്നു. ഇ​തി​ന് പി​റ്റേ​വ​ർ​ഷം പൊ​ലീ​സ് മേ​ധാ​വി​യി​ൽ നി​ന്ന് അം​ഗീ​കാ​ര​വും പ്ര​സ​ന്ന​നെ​തേ​ടി എ​ത്തി.

ക​ണ്ട​ത്​ തീ​ഗോ​ളം -സി.​ഡി. ആ​സാ​ദ്​

ര​ക്ഷാ​പ്ര​വ​ർ​ത്ത​ന​ത്തി​ന് ആ​ദ്യം എ​ത്തി​യ​ത് അ​പ​ക​ട​സ്ഥ​ല​ത്തി​ന് തൊ​ട്ട​ടു​ത്തു​ള്ള ച​മ്മ​നാ​ട് ഇ.​സി.​ഇ.​കെ യ‍ൂ​നി​യ​ൻ ഹൈ​സ്കൂ​ൾ അ​ധ്യാ​പ​ക​ൻ അ​ന്ധ​കാ​ര​ന​ഴി ചി​ല്ലം​പ​റ​മ്പി​ൽ സി.​ഡി. ആ​സാ​ദും മ​റ്റു​മാ​യി​രു​ന്നു. അ​ന്ന് സ്കൂ​ൾ വാ​ർ​ഷി​കം ന​ട​ക്കു​ന്ന സ​മ​യ​മാ​യി​രു​ന്നു. തീ​ഗോ​ള​മാ​യി​രു​ന്ന ബ​സി​ന്റെ ഇ​ട​യി​ൽ​നി​ന്ന് പ​ത്ത് വ​യ​സ്സ്​ തോ​ന്നി​ക്കു​ന്ന പെ​ൺ​കു​ട്ടി ക​ര​ഞ്ഞ് വി​ളി​ക്കു​ന്ന​താ​ണ് ക​ണ്ട​ത്. പെ​ൺ​കു​ട്ടി​യെ ര​ക്ഷ​പ്പെ​ടു​ത്തി​യ​ത്​ ഓ​ർ​ക്കു​ന്നു​വെ​ന്ന് ആ​സാ​ദ് പ​റ​യു​ന്നു.

ന​ഷ്ട​പ​രി​ഹാ​രം പൂ​ർ​ണ​മാ​യി ല​ഭി​ക്കാ​തെ എ​ച്ച്. ന​ര​സിം​ഹ​ക​മ്മ​ത്ത്

ന​ഷ്ട​പ​രി​ഹാ​രം പൂ​ർ​ണ​മാ​യി ല​ഭി​ക്കാ​തെ ന​ഗ​ര​സ​ഭ അ​ഞ്ചാം വാ​ർ​ഡി​ൽ ഇ​ല്ലി​ക്ക​ൽ എ​ച്ച്. ന​ര​സിം​ഹ​ക​മ്മ​ത്ത് (72). ആ​ലു​വ​യി​ൽ​നി​ന്ന്​ ക​യ​റി​യ​താ​യി​രു​ന്നു ന​ര​സിം​ഹ​ക​മ്മ​ത്ത്. ബ​സി​ന്റെ ചി​ല്ല് പൊ​ട്ടി​ച്ചാ​ണ് ക​മ്മ​ത്തി​നെ പു​റ​ത്ത് എ​ടു​ത്ത​ത്. പി​ന്നീ​ട് കേ​സ് ന​ട​ത്തി​യെ​ങ്കി​ലും 40,000 രൂ​പ മാ​ത്ര​മാ​ണ് കി​ട്ടി​യെ​തെ​ന്ന് ക​മ്മ​ത്ത് പ​റ​യു​ന്നു. 15,000 രൂ​പ ഇ​നി​യും കി​ട്ടാ​നു​ണ്ട്. മൂ​ന്നു ഘ​ട്ട​ങ്ങ​ളി​ലാ​യി ന​ട​ന്ന വി​ചാ​ര​ണ പൂ​ർ​ത്തി​യാ​ക്കി​യാ​ണ് മോ​ട്ടോ​ർ ആ​ക്സി​ഡ​ന്റ്സ് ക്ലെ​യിം ട്രൈ​ബ്യൂ​ണ​ൽ 1997 സെ​പ്റ്റം​ബ​റി​ൽ ന​ഷ്ട​പ​രി​ഹാ​രം നി​ർ​ദേ​ശി​ച്ച​ത്.

101 കേ​സു​ക​ളി​ലാ​യി ഏ​ക​ദേ​ശം 1.20 കോ​ടി രൂ​പ ന​ഷ്ട​പ​ര‍ി​ഹാ​രം അ​നു​വ​ദി​ച്ചു. ഇ​തി​ൽ 70ശ​ത​മാ​നം കെ.​എ​സ്.​ആ​ർ.​ടി.​സി​യും 30ശ​ത​മാ​നം യു​ണൈ​റ്റ​ഡ് ഇ​ന്ത്യ ഇ​ൻ​ഷു​റ​ൻ​സും ന​ൽ​ക​ണ​മെ​ന്നാ​യി​രു​ന്നു ഉ​ത്ത​ര​വ്. ഈ ​തു​ക ഇ​തു​വ​രെ പൂ​ർ​ണ​മാ​യി ന​ൽ​കി​യി​ട്ടി​ല്ലെ​ന്ന ആ​ക്ഷേ​പം പ​ല​ർ​ക്കു​മു​ണ്ട്.