ആ​ശ​ങ്ക ഒ​ഴി​യു​ന്നി​ല്ല; ചേർത്തലയിൽ പക്ഷിപ്പനി നിയന്ത്രണവിധേയം

ചേ​ർ​ത്ത​ല: ന​ഗ​ര​ത്തി​ൽ പ​ക്ഷി​പ്പ​നി നി​യ​ന്ത്ര​ണ വി​ധേ​യ​മാ​ക്കി​യെ​ങ്കി​ലും ആ​ശ​ങ്ക ഒ​ഴി​യാ​തെ നാ​ട്. ച​ത്ത് വീ​ണ കാ​ക്ക​യു​ടെ​യും കോ​ഴി​ക​ളു​ടെ​യും ര​ക്ത​സാ​മ്പി​ളു​ക​ൾ ഭോ​പാ​ലി​ലെ നാ​ഷ​ന​ൽ ഇ​ൻ​സ്റ്റി​റ്റ്യൂ​ട്ട് ഫോ​ർ ഹൈ ​സെ​ക്യൂ​രി​റ്റി അ​നി​മ​ൽ ഡി​സീ​സ് ലാ​ബി​ലേ​ക്ക്​ അ​യ​ച്ച​തി​ൽ പ​ക്ഷി​പ്പ​നി ത​ന്നെ​യാ​ണെ​ന്ന് സ്ഥി​രീ​ക​രി​ച്ച​തോ​ടെ​യാ​ണ് ജ​നം ഭീ​തി​യി​ലാ​യ​ത്. തു​ട​ർ​ന്ന് സ്ഥ​ലം എം.​എ​ൽ.​എ​യും മ​ന്ത്രി​യു​മാ​യ പി. ​പ്ര​സാ​ദി​ന്റെ നേ​തൃ​ത്വ​ത്തി​ൽ ന​ഗ​ര​സ​ഭ​യും അ​ഞ്ച് പ​ഞ്ചാ​യ​ത്തും ഉ​ണ​ർ​ന്ന് പ്ര​വ​ർ​ത്തി​ച്ച​തോ​ടെ​യാ​ണ് പ​ക്ഷി​പ്പ​നി​യെ വ​രു​തി​യി​ലാ​ക്കാ​നാ​യ​ത്.

എ​ന്നാ​ൽ, പ​ക്ഷി​പ്പ​നി ന​ഗ​ര​ത്തി​ലെ വ​ട​ക്ക​ൻ മേ​ഖ​ല​യി​ലേ​ക്ക്​ വ്യാ​പി​ക്കു​ന്ന​താ​യി അ​ഭ്യൂ​വ​ങ്ങ​ൾ പ​ര​ക്കു​ന്നു​ണ്ട്. ത​വ​ണ​ക്ക​ട​വി​ലും പ​ള്ളി​പ്പു​റ​ത്തും അ​ർ​ത്തു​ങ്ക​ലി​ലും പ​ട്ട​ണ​ക്കാ​ട്ടും കാ​ക്ക​ക​ൾ ച​ത്ത് വീ​ണ​താ​ണ് വീ​ണ്ടും ഭീ​തി​പ​ര​ത്തി​യ​ത്. രോ​ഗം​ബാ​ധി​ച്ചു ച​ത്ത കോ​ഴി​ക​ളെ ന​ഗ​ര​സ​ഭ​യു​ടെ നേ​തൃ​ത്വ​ത്തി​ൽ പൂ​ർ​ണ​മാ​യും ശാ​സ്ത്രീ​യ​മാ​യി സം​സ്ക​രി​ച്ചു. തു​ട​ക്ക​ത്തി​ൽ ചേ​ർ​ത്ത​ല ന​ഗ​ര​സ​ഭ​യി​ൽ പ​ക്ഷി​പ്പ​നി സ്ഥി​രീ​ക​രി​ച്ച​തോ​ടെ വൈ​റോ​ള​ജി ഉ​ദ്യോ​ഗ​സ്ഥ​രും പ​രി​ശോ​ധ​ന ന​ട​ത്തി​യി​രു​ന്നു. ത​ണ്ണീ​ർ​മു​ക്കം, മു​ഹ​മ്മ, ചേ​ർ​ത്ത​ല തെ​ക്ക് പ​ഞ്ചാ​യ​ത്തു​ക​ളി​ലും നി​ര​വ​ധി വീ​ടു​ക​ൾ കേ​ന്ദ്രീ​ക​രി​ച്ച് കോ​ഴി​വ​ള​ർ​ത്ത​ലും വി​പ​ണ​ന​വും ന​ട​ന്നി​രു​ന്നു. പ​ക്ഷി​പ്പ​നി വ​ന്ന​തോ​ടെ ഇ​ത്​ പൂ​ർ​ണ​മാ​യും നി​ർ​ത്തേ​ണ്ടി​വ​ന്ന​ത് ഇ​വ​രു​ടെ ജീ​വി​ത​ത്തെ ബാ​ധി​ച്ചു.

പ​ത്ത് കി​ലോ​മീ​റ്റ​ർ ചു​റ്റ​ള​വി​ലു​ള്ള പ്ര​ദേ​ശ​ങ്ങ​ളി​ൽ കോ​ഴി, താ​റാ​വ്, കാ​ട തു​ട​ങ്ങി​യ പ​ക്ഷി​ക​ളു​ടെ ഇ​റ​ച്ചി, മു​ട്ട, കാ​ഷ്ഠം എ​ന്നി​വ​യു​ടെ വി​പ​ണ​നം ഈ​മാ​സം 22 വ​രെ​യാ​ണ് നി​രോ​ധി​ച്ചി​രി​ക്കു​ന്ന​ത്. തി​രു​വ​ല്ല​യി​ലെ പ​ക്ഷി​രോ​ഗ നി​ർ​ണ​യ ലാ​ബി​ൽ പ്രാ​ഥ​മി​ക പ​രി​ശോ​ധ​ന​യി​ൽ പ​ക്ഷി​പ്പ​നി ക​ണ്ടെ​ത്തി​യ ഫാ​മു​ക​ളി​ലെ കോ​ഴി​ക​ളാ​ണ് കൂ​ട്ട​ത്തോ​ടെ ച​ത്ത​ത്. എ​ന്നാ​ൽ, രോ​ഗം ഔ​ദ്യോ​ഗി​ക​മാ​യി സ്ഥി​രീ​ക​രി​ക്കാ​ത്ത​തി​നാ​ൽ ഈ ​ഫാ​മു​ക​ളി​ൽ അ​വ​ശേ​ഷി​ക്കു​ന്ന ജീ​വ​നു​ള്ള കോ​ഴി​ക​ളെ സം​സ്ക​രി​ച്ചി​ട്ടി​ല്ല. ന​ഗ​ര​സ​ഭ​യി​ലും മ​റ്റ് പ​ഞ്ചാ​യ​ത്തി​ലെ എ​ല്ലാ വാ​ർ​ഡും കേ​ന്ദ്രീ​ക​രി​ച്ച് അ​ടി​യ​ന്ത​ര ജാ​ഗ്ര​ത സ​മി​തി​ക​ൾ ചേ​രു​ക​യും എ​ല്ലാ വീ​ടു​ക​ളി​ലും പ​ക്ഷി​പ്പ​നി പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ സം​ബ​ന്ധി​ച്ച ല​ഘു​ലേ​ഖ​ക​ൾ വി​ത​ര​ണം ചെ​യ്യാ​നും മൈ​ക്ക് അ​നൗ​ൺ​സ്മെൻറ് ന​ട​ത്തി അ​വ​ബോ​ധം ഉ​ണ്ടാ​ക്കി​യ​തോ​ടെ​യാ​ണ് മ​നു​ഷ്യ​രി​ലേ​ക്ക് പ​ട​രാ​തെ നി​യ​ന്ത്ര​ണ വി​ധേ​യ​മാ​ക്കാ​നാ​യ​തെ​ന്ന് അ​ധി​കൃ​ത​ർ പ​റ​ഞ്ഞു.

പക്ഷിപ്പനി: കരുതലും ജാഗ്രതയും കൈവിടരുത് -ഡി.എം.ഒ

ആ​ല​പ്പു​ഴ: ജി​ല്ല​യി​ൽ പ​ക്ഷി​പ്പ​നി റി​പ്പോ​ർ​ട്ട്​ ചെ​യ്യു​ന്ന സാ​ഹ​ച​ര്യ​ത്തി​ൽ കൂ​ടു​ത​ൽ ജാ​ഗ്ര​ത​യും ക​രു​ത​ലും ആ​വ​ശ്യ​മെ​ന്ന് ജി​ല്ല മെ​ഡി​ക്ക​ൽ ഓ​ഫി​സ​ർ അ​റി​യി​ച്ചു. പ​ക്ഷി​ക​ളി​ൽ​നി​ന്ന് പ​ക്ഷി​ക​ളി​ലേ​ക്ക് പ​ക​രു​ന്ന വൈ​റ​സ് രോ​ഗ​മാ​ണ് പ​ക്ഷി​പ്പ​നി. ഇ​ത് പ​ക്ഷി​ക​ളി​ൽ​നി​ന്ന് മ​നു​ഷ്യ​രി​ലേ​ക്ക് പ​ക​രാ​ൻ ഇ​ട​യു​ണ്ടെ​ങ്കി​ലും സാ​ധ്യ​ത കു​റ​വാ​ണ്. എ​ന്നാ​ൽ, മ​നു​ഷ്യ​രി​ൽ രോ​ഗ​ബാ​ധ​യു​ണ്ടാ​യാ​ൽ രോ​ഗം ബാ​ധി​ച്ച പ​കു​തി​യി​ലേ​റെ പേ​ർ​ക്കും ഗു​രു​ത​ര​മാ​കാ​ൻ സാ​ധ്യ​ത​യു​ള്ള​തി​നാ​ൽ ജാ​ഗ്ര​ത പു​ല​ർ​ത്ത​ണ​മെ​ന്ന് ആ​രോ​ഗ്യ വ​കു​പ്പ് അ​റി​യി​ച്ചു.

പ​ക്ഷി​ക​ളു​മാ​യും മൃ​ഗ​ങ്ങ​ളു​മാ​യും സു​ര​ക്ഷി​ത​ അ​ക​ലം പാ​ലി​ക്ക​ണം

രോ​ഗ​ബാ​ധ​യു​ള്ള പ​ക്ഷി​ക​ളു​ടെ കാ​ഷ്ഠ​ത്തി​ൽ​നി​ന്നും മ​റ്റു സ്ര​വ​ങ്ങ​ളി​ൽ​നി​ന്നും വ​ള​ർ​ത്തു പ​ക്ഷി​ക​ൾ​ക്കും മൃ​ഗ​ങ്ങ​ൾ​ക്കും രോ​ഗ​ബാ​ധ​യു​ണ്ടാ​കാ​ൻ ഇ​ട​യു​ണ്ട്. വീ​ട്ടി​ൽ വ​ള​ർ​ത്തു​ന്ന പ​ക്ഷി​ക​ളു​ടെ​യും മ​റ്റു വ​ള​ർ​ത്തു​മൃ​ഗ​ങ്ങ​ളു​ടെ​യും സു​ര​ക്ഷ ശ്ര​ദ്ധി​ക്ക​ണം. പ​ക്ഷി​ക​ളു​ടെ സ്ര​വ​മോ കാ​ഷ്ഠ​മോ വീ​ണ പ്ര​ത​ല​ങ്ങ​ളി​ൽ സ്പ​ർ​ശി​ച്ചോ ദേ​ഹ​ത്ത് വീ​ണോ സ​മ്പ​ർ​ക്കം ഉ​ണ്ടാ​യാ​ൽ ഉ​ട​ൻ സോ​പ്പി​ട്ട് ക​ഴു​കു​ക​യോ കു​ളി​ക്കു​ക​യോ വേ​ണം. രോ​ഗ​മു​ള്ള പ​ക്ഷി​ക​ൾ, ച​ത്ത പ​ക്ഷി​ക​ൾ എ​ന്നി​വ​യു​മാ​യി സ​മ്പ​ർ​ക്ക​ത്തി​ൽ വ​രു​ന്ന​വ​ർ അ​ത​ത് പ്ര​ദേ​ശ​ത്തെ ആ​രോ​ഗ്യ പ്ര​വ​ർ​ത്ത​ക​രെ അ​റി​യി​ക്കു​ക​യും സ്വ​യം നി​രീ​ക്ഷ​ണ​ത്തി​ൽ ക​ഴി​യു​ക​യും വേ​ണം. ആ​രോ​ഗ്യ പ്ര​വ​ർ​ത്ത​ക​രു​ടെ നി​ര്‍ദേ​ശ​ങ്ങ​ൾ ക​ർ​ശ​ന​മാ​യി പാ​ലി​ക്ക​ണ​മെ​ന്നും ഡി.​എം.​ഒ അ​റി​യി​ച്ചു.

മ​നു​ഷ്യ​രി​ലെ രോ​ഗ​ല​ക്ഷ​ണ​ങ്ങ​ൾ

ശ​ക്ത​മാ​യ ശ​രീ​ര​വേ​ദ​ന, പ​നി, ചു​മ, ശ്വാ​സം​മു​ട്ട​ൽ, ജ​ല​ദോ​ഷം, ക​ഫ​ത്തി​ൽ ര​ക്തം തു​ട​ങ്ങി​യ​വ മ​നു​ഷ്യ​രി​ലെ രോ​ഗ​ല​ക്ഷ​ണ​ങ്ങ​ളാ​ണ്. രോ​ഗ​പ്പ​ക​ര്‍ച്ച​ക്ക്​ സാ​ധ്യ​ത​യു​ള്ള​വ​ർ പ​നി, ജ​ല​ദോ​ഷം എ​ന്നി​വ ക​ണ്ടാ​ൽ ഉ​ട​ൻ അ​ടു​ത്തു​ള്ള ആ​രോ​ഗ്യ കേ​ന്ദ്ര​ത്തെ​യോ ആ​രോ​ഗ്യ പ്ര​വ​ര്‍ത്ത​ക​രെ​യോ അ​റി​യി​ക്ക​ണം. പ്ര​തി​രോ​ധ മ​രു​ന്ന് മു​ട​ക്ക​മി​ല്ലാ​തെ ക​ഴി​ക്ക​ണം. വ​ള​ര്‍ത്തു​പ​ക്ഷി​ക​ളോ മ​റ്റു പ​ക്ഷി​ക​ളോ ച​ത്തു​വീ​ഴു​ന്ന​ത് ശ്ര​ദ്ധ​യി​ൽ​പെ​ട്ടാ​ൽ തൊ​ട്ട​ടു​ത്തു​ള്ള ആ​രോ​ഗ്യ കേ​ന്ദ്ര​ത്തി​ലും മൃ​ഗാ​ശു​പ​ത്രി​യി​ലും അ​റി​യി​ക്കു​ക. പ​ക്ഷി​ക​ളെ ആ​ക​ര്‍ഷി​ക്കു​ന്ന രീ​തി​യി​ൽ മാം​സാ​വ​ശി​ഷ്ട​ങ്ങ​ളും ആ​ഹാ​രാ​വ​ശി​ഷ്ട​ങ്ങ​ളും വ​ലി​ച്ചെ​റി​യ​രു​ത്. അ​വ സു​ര​ക്ഷി​ത​മാ​യി സം​സ്‌​ക​രി​ക്ക​ണം.