ചുമടെടുത്ത്​ കാർത്തികേയൻ സ്വരൂപിച്ചത്​ ലക്ഷങ്ങൾ വിലമതിക്കുന്ന കറൻസികൾ

ചേ​ർ​ത്ത​ല: മു​ട്ട​ത്ത​ങ്ങാ​ടി​യി​ലെ ചു​മ​ട്ടു​തൊ​ഴി​ലാ​ളി​ 68കാ​ര​നാ​യ കാ​ർ​ത്തി​കേ​യ​ന്‍റെ കൈ​വ​ശം ല​ക്ഷ​ങ്ങ​ൾ വി​ല​മ​തി​ക്കു​ന്ന ലോ​ക​രാ​ഷ്ട്ര​ങ്ങ​ളു​ടെ ക​റ​ൻ​സി​ക​ളു​ടെ​യും നാ​ണ​യ​ങ്ങ​ളു​ടെ​യും വി​പു​ല ശേ​ഖ​രം.

ചേ​ർ​ത്ത​ല ന​ഗ​ര​സ​ഭ 26ാം വാ​ർ​ഡ് വ​ല്ല​യി​ൽ വി.​ആ​ർ. കാ​ർ​ത്തി​കേ​യ​നാ​ണ് അ​മൂ​ല്യ​മാ​യ കറൻസികളുടെ ശേ​ഖ​ര​ത്തി​ന് ഉ​ട​മ. ല​ക്ഷ​ത്തി​ലേ​റെ രൂ​പ മൂ​ല്യ​മു​ള്ള ക​റ​ൻ​സി​ക​ളും നാ​ണ​യ​ങ്ങ​ളും നി​ധി​പോ​ലെ​യാ​ണ് കാ​ർ​ത്തി​കേ​യ​ൻ കാ​ക്കു​ന്ന​ത്.

1946 മു​ത​ലു​ള്ള ഇ​ന്ത്യ​ൻ നാ​ണ​യ​ങ്ങ​ളും ക​റ​ൻ​സി​ക​ളും തി​രു​വി​താം​കൂ​റി​ലെ നാ​ണ​യ​ങ്ങ​ളും കാ​ർ​ത്തി​കേ​യ​ന്‍റെ ശേ​ഖ​ര​ത്തി​ലു​ണ്ട്. 40 വ​ർ​ഷ​മാ​യി ഇ​വ ശേ​ഖ​രി​ക്കു​ന്നു. അ​പൂ​ർ​വ​മാ​യ ക​റ​ൻ​സി​ക​ൾ വി​ല​കൊ​ടു​ത്ത് വാ​ങ്ങാ​റു​മുണ്ട്. വി​ദേ​ശ​ത്ത് പോ​കു​ന്ന സു​ഹൃ​ത്തു​ക്ക​ൾ മു​ഖേ​ന വി​വി​ധ രാ​ജ്യ​ങ്ങ​ളി​ലെ ക​റ​ൻ​സി​ക​ളും നാ​ണ​യ​ങ്ങ​ളും സ്വ​രു​ക്കൂ​ട്ടു​ക​യാ​ണ് കാ​ർ​ത്തി​കേ​യ​ന്‍റെ പ​തി​വ്​.

വാ​യ​ന​യി​ലും ക​മ്പ​മു​ള്ള കാ​ർ​ത്തി​കേ​യ​ന്​ പു​തു​ത​ല​മു​റ​ക്ക്​ കൗ​തു​ക​മാ​കു​ന്ന ഈ ​ശേ​ഖ​രം പ​രി​ച​യ​പ്പെ​ടു​ത്തു​ന്ന​തും ശീ​ല​മാ​ണ്. ക​റ​ൻ​സി​ക​ളും നാ​ണ​യ​ങ്ങ​ളും ക​രു​ത​ലോ​ടെ സൂ​ക്ഷി​ക്കു​ന്ന​തി​ൽ കു​ടും​ബാം​ഗ​ങ്ങ​ൾ​ക്കും ത​ൽ​പ​ര്യ​മാ​ണ്.

ചെ​റു​മ​ക്ക​ളാ​യ കാ​വ്യ​ന​ന്ദ​ന​യും അ​രു​ണി​മ​യും മു​ത്ത​ച്ഛ​നെ​പ്പോ​ലെ ക​റ​ൻ​സി-​നാ​ണ​യ ശേ​ഖ​ര​ണ​ത്തി​ൽ ത​ൽ​പ​ര​രാ​ണ്. ബേ​ബി​യാ​ണ്​ ഭ​ാര്യ. ക​വി​ത, സ​രി​ത എ​ന്നി​വ​ർ മ​ക്ക​ളു​മാ​ണ്.