ചികിത്സ പിഴവെന്ന്; വൃക്കകൾ തകരാറായ എട്ടുവയസ്സുകാരൻ ഗുരുതരാവസ്ഥയിൽ

ചേ​ർ​ത്ത​ല: ഇ​രു​വൃ​ക്ക​ക​ളും ത​ക​രാ​റാ​യ എ​ട്ടു വ​യ​സു​കാ​ര​ൻ ഗു​രു​ത​രാ​വ​സ്ഥ​യി​ൽ. ബാ​ങ്ക് വാ​യ്പ​യെ​ടു​ത്ത് എ​ട്ടു വ​ർ​ഷം കു​ട്ടി​യെ ചി​കി​ത്സി​ച്ച ജ​പ്തി ഭീ​ഷ​ണി​യി​ലാ​ണ്. ന​ഗ​ര​സ​ഭ 26ാം വാ​ർ​ഡ് യാ​ഗേ​ഷ് ഭ​വ​നി​ൽ ഗു​രു​പി​ള്ള - ഷീ​ജ ദ​മ്പ​തി​ക​ളു​ടെ മ​ക​ൻ യാ​ഗേ​ഷ് ആ​ണ് ഇ​രു വൃ​ക്ക​ക​ളും 60 ശ​ത​മാ​ന​ത്തോ​ളം ത​ക​രാ​റാ​യി ഗു​രു​ത​രാ​വ​സ്ഥ​യി​ലാ​യ​ത്.

യാ​ഗേ​ഷ് ജ​നി​ച്ച​പ്പോ​ൾ മു​തു​കി​ൽ മു​ഴ​യു​ണ്ടാ​യി​രു​ന്നു. ഡോ​ക്ട​ർ​മാ​രു​ടെ നി​ർ​ദേ​ശ പ്ര​കാ​രം മൂ​ന്നാ​മ​ത്തെ മാ​സം കോ​ട്ട​യം മെ​ഡി​ക്ക​ൽ കോ​ള​ജി​ൽ ശ​സ്ത്ര​ക്രി​യ ന​ട​ത്തി​യ​തോ​ടെ അ​ര​ക്ക്​ താ​ഴെ ത​ള​ർ​ന്ന് ഇ​രു​കാ​ലു​ക​ൾ​ക്കും സ്വാ​ധീ​നം ന​ഷ്ട​പ്പെ​ട്ടു. ഇ​തേ​ത്തു​ട​ർ​ന്ന് ആ​ല​പ്പു​ഴ വ​ണ്ടാ​നം മെ​ഡി​ക്ക​ൽ കോ​ള​ജി​ലും കോ​ട്ട​യം ഐ.​സി.​എ​ച്ചി​ലും ചി​കി​ത്സ ന​ട​ത്തി​യെ​ങ്കി​ലും ഫ​ലം ക​ണ്ടി​ല്ല. എ​റ​ണ​കു​ള​ത്തെ വി​വി​ധ സ്വ​കാ​ര്യ ആ​ശു​പ​ത്രി​ക​ളി​ലും ചി​കി​ത്സ ന​ട​ത്തി​യെ​ങ്കി​ലും രോ​ഗ​മെ​ന്തെ​ന്ന് ഇ​തു​വ​രെ ക​ണ്ടെ​ത്താ​നാ​യി​ല്ല.

നി​ല​വി​ൽ മൂ​ത്രം പോ​കു​ന്ന​ത്​ ട്യൂ​ബി​ന്‍റെ സ​ഹാ​യ​ത്തോ​ടെ​യാ​ണ്. ശ​സ്ത്ര​ക്രി​യ​യെ​ത്തു​ട​ർ​ന്ന്​ ഞ​ര​മ്പു​ക​ളു​ടെ ത​ക​രാ​റി​ലാ​യ​താ​ണ്​ യാ​ഗേ​ഷി​ന്റെ അ​വ​സ്ഥ​ക്ക്​ കാ​ര​ണ​മെ​ന്ന് മാ​താ​പി​താ​ക്ക​ൾ പ​റ​യു​ന്നു. രോ​ഗ​മെ​ന്തെ​ന്ന് ക​ണ്ടു​പി​ടി​ക്കാ​തെ ചി​കി​ത്സി​ച്ച​തെ​ന്നും ഇ​വ​ർ​ ആ​രോ​പി​ച്ചു ഇ​നി​യും വി​ദ​ഗ്ധ​ചി​കി​ത്സ ന​ട​ത്താ​ൻ കു​ടും​ബ​ത്തി​ന് ക​ഴി​വി​ല്ല. ഫാ​മു​ക​ളി​ൽ നി​ന്ന്​ പാ​ൽ ശേ​ഖ​രി​ച്ച് വീ​ടു​ക​ളി​ൽ വി​ൽ​ക്കു​ന്ന​യാ​ളാ​ണ്​ ഗു​രു​പി​ള്ള. ചി​കി​ത്സ​ക്ക്​​ വേ​ണ്ടി ബാ​ങ്ക് ഓ​ഫ് ബ​റോ​ഡ ചേ​ർ​ത്ത​ല ശാ​ഖ​യി​ൽ മൂ​ന്ന് സെ​ന്‍റ്​ സ്ഥ​ല​വും വീ​ടും പ​ണ​യ​പ്പെ​ടു​ത്തി വാ​യ്പ എ​ടു​ത്തി​രു​ന്നു.

പി​ന്നീ​ട് പ​ലി​ശ കൂ​ടി വ​ലി​യ തു​ക​യാ​വു​ക​യും ബാ​ങ്ക്​ ന​ട​പ​ടി​ക്കൊ​രു​ങ്ങു​ക​യും ചെ​യ്ത​ത​തോ​ടെ, എ​റ​ണാ​കു​ള​ത്തെ സ്വ​കാ​ര്യ ബാ​ങ്കി​ൽ നി​ന്ന്​ 27 ല​ക്ഷം രൂ​പ ക​ട​മെ​ടു​ത്ത് ബ​റോ​ഡ ബാ​ങ്കി​ലെ പ​ണം പ​ലി​ശ​സ​ഹി​തം അ​ട​ച്ചു. ജ​പ്തി ന​ട​പ​ടി​ക​ളി​ൽ നി​ന്ന്​ താ​ത്കാ​ലി​ക​മാ​യി ര​ക്ഷ​പ്പെ​ട്ടെ​ങ്കി​ലും മൂ​ന്നാ​ഴ്ച മു​മ്പ് എ​റ​ണാ​കു​ള​ത്തെ ബാ​ങ്കി​ൽ നി​ന്ന്​ ജ​പ്തി നോ​ട്ടീ​സ് വ​ന്നി​രി​ക്കു​ക​യാ​ണ്.

ഗു​രു​ത​രാ​വ​സ്ഥ​യി​ൽ ക​ഴി​യു​ന്ന യാ​ഗേ​ഷി​നെ​യും കൊ​ണ്ട് തെ​രു​വി​ലി​റ​ങ്ങേ​ണ്ട അ​വ​സ്ഥ​യാ​ണ്. ചി​കി​ത്സ​ക്കും കി​ട​പ്പാ​ടം നി​ല​നി​ർ​ത്താ​നു​മാ​യി കു​ടും​ബം ക​നി​വു​ള്ള​വ​രു​ടെ സ​ഹാ​യം തേ​ടു​ക​യാ​ണ്. ഗു​രു പി​ള്ള കെ.​യു എ​ന്ന പേ​രി​ൽ ചേ​ർ​ത്ത​ല ബാ​ങ്ക്​ ഓ​ഫ്​ ബ​റോ​ഡ​യി​ൽ അ​കൗ​ണ്ട്​ തു​റ​ന്നി​ട്ടു​ണ്ട്. അ​കൗ​ണ്ട്​ ന​മ്പ​ർ: 36990100009813.