കേരള ബാങ്ക്​ ശാഖകളിലെ പണയ സ്വർണം തിരിമറി പൊലീസ് അന്വേഷണം തുടങ്ങി

ചേ​ര്‍ത്ത​ല: കേ​ര​ള ബാ​ങ്കി​ന്റെ വി​വി​ധ ശാ​ഖ​ക​ളി​ൽ​നി​ന്ന്​ പ​ണ​യ​സ്വ​ർ​ണം തി​രി​മ​റി ന​ട​ത്തി​യ​തി​ൽ പൊ​ലീ​സ് അ​ന്വേ​ഷ​ണം തു​ട​ങ്ങി. ത​ട്ടി​പ്പു​ന​ട​ത്തി​യ ഉ​ദ്യോ​ഗ​സ്ഥ ഒ​ളി​വി​ലാ​ണെ​ന്ന്​ പൊ​ലീ​സ്​ പ​റ​ഞ്ഞു. തി​ങ്ക​ളാ​ഴ്ച രാ​ത്രി മു​ത​ല്‍ ഏ​രി​യ മാ​നേ​ജ​ര്‍ മീ​രാ​മാ​ത്യു​വി​നെ തേ​ടി വീ​ടു​ക​ളി​ലും മ​റ്റ് ഇ​ട​ങ്ങ​ളി​ലും പൊ​ലീ​സ്​ തി​ര​ച്ചി​ല്‍ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ട്ടി​ല്ല. ചേ​ര്‍ത്ത​ല, പ​ട്ട​ണ​ക്കാ​ട്, അ​ര്‍ത്തു​ങ്ക​ല്‍ സ്റ്റേ​ഷ​ന്‍ ഓ​ഫി​സ​ര്‍മാ​രു​ടെ നേ​തൃ​ത്വ​ത്തി​ലു​ള്ള സം​ഘ​ങ്ങ​ളാ​ണ് അ​ന്വേ​ഷ​ണം ന​ട​ത്തു​ന്ന​ത്. തി​ങ്ക​ളാ​ഴ്ച ഓ​രോ സം​ഘ​വും അ​ത​തു പ​രി​ധി​യി​ലെ കേ​ര​ള ബാ​ങ്ക് ശാ​ഖ മാ​നേ​ജ​ര്‍മാ​രു​ടെ മൊ​ഴി​യെ​ടു​ത്തു. നി​ല​വി​ൽ നാ​ലു​ശാ​ഖ​ക​ളി​ലെ മാ​നേ​ജ​ര്‍മാ​രാ​ണ് സ്വ​ര്‍ണം ന​ഷ്ട​പ്പെ​ട്ട​താ​യി പൊ​ലീ​സി​ല്‍ പ​രാ​തി ന​ല്‍കി​യ​ത്.

നേ​ര​ത്തേ ബാ​ങ്കു​ത​ല​ത്തി​ല്‍ ന​ട​ത്തി​യ അ​ന്വേ​ഷ​ണ​ത്തെ തു​ട​ര്‍ന്ന് മീ​രാ​മാ​ത്യു​വി​നെ സ​സ്‌​പെ​ന്‍ഡ്​ ചെ​യ്തി​രു​ന്നു. ഇ​വ​രെ പ്ര​തി​യാ​ക്കി​യാ​ണ് പൊ​ലീ​സ് മൂ​ന്നു സ്റ്റേ​ഷ​നി​ലാ​യി നാ​ലു​കേ​സെ​ടു​ത്ത​ത്. ചേ​ര്‍ത്ത​ല​യി​ലെ ന​ട​ക്കാ​വ് ശാ​ഖ, കെ.​എ​സ്.​ആ​ർ.​ടി.​സി ബ​സ്​​സ്റ്റാ​ൻ​ഡി​ന് സ​മീ​പ​ത്തെ പ്ര​ധാ​ന ശാ​ഖ, പ​ട്ട​ണ​ക്കാ​ട്, അ​ര്‍ത്തു​ങ്ക​ല്‍ എ​ന്നി​വി​ട​ങ്ങ​ളി​ല്‍നി​ന്നാ​ണ് സ്വ​ര്‍ണം മോ​ഷ​ണം പോ​യ​ത്. ബാ​ങ്കി​ല്‍ സ്വ​ര്‍ണ​പ്പ​ണ​യ ഉ​രു​പ്പ​ടി​ക​ള്‍ പ​രി​ശോ​ധി​ക്കു​ന്ന​തി​ന്റെ ചു​മ​ത​ല ഏ​രി​യ മാ​നേ​ജ​ര്‍ക്കാ​യി​രു​ന്നു. ഇ​ത്ത​ര​ത്തി​ല്‍ പ​രി​ശോ​ധ​ന​ക്കി​ടെ സ്വ​ര്‍ണം ന​ഷ്ട​പ്പെ​ട്ട​താ​യാ​ണ് ശാ​ഖ മാ​നേ​ജ​ര്‍മാ​രു​ടെ പ​രാ​തി. ബാ​ങ്ക്​ അ​ന്വേ​ഷ​ണ​ത്തി​ല്‍ ഇ​ത്​ ക​ണ്ടെ​ത്തി​യാ​ണ​ത്രേ ന​ട​പ​ടി​യെ​ടു​ത്ത​ത്.

മീ​രാ​മാ​ത്യു തി​ങ്ക​ളാ​ഴ്ച ഹൈ​കോ​ട​തി​യി​ല്‍ മു​ന്‍കൂ​ര്‍ ജാ​മ്യ​ഹ​ര​ജി ന​ല്‍കി. നാ​ലു കേ​സി​ലും വ്യ​ത്യ​സ്ത​മാ​യാ​ണ് ചേ​ര്‍ത്ത​ല​യി​ലെ അ​ഭി​ഭാ​ഷ​ക​നാ​യ എം.​എം. നി​യാ​സ് വ​ഴി ഹ​ര​ജി ന​ല്‍കി​യ​ത്. ബു​ധ​നാ​ഴ്ച കോ​ട​തി ഹ​ര​ജി പ​രി​ഗ​ണി​ക്കും.