‘പരിഭവമില്ല; ജനഹൃദയങ്ങളിലെ ഫ്ലക്‌സ് പ്രധാനം’; ഉദ്​ഘാടന ചടങ്ങിൽനിന്ന്​ ഒഴിവാക്കിയത്​ ചൂണ്ടിക്കാട്ടി ഫേസ്​ബുക്ക്​ കുറിപ്പുമായി ജി. സുധാകരൻ

അ​മ്പ​ല​പ്പു​ഴ: ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി സൂ​പ്പ​ർ സ്‌​പെ​ഷാ​ലി​റ്റി ബ്ലോ​ക്കി​ന്‍റെ ഉ​ദ്​​ഘാ​ട​ന ച​ട​ങ്ങി​ൽ​നി​ന്ന്​ ഒ​ഴി​വാ​ക്കി​യ​ത്​ ചൂ​ണ്ടി​ക്കാ​ട്ടി മു​ൻ മ​ന്ത്രി​യും സി.​പി.​എം നേ​താ​വു​മാ​യ ജി. ​സു​ധാ​ക​ര​ന്‍റെ ഫേ​സ്​​ബു​ക്ക്​ പോ​സ്റ്റ്. ച​ട​ങ്ങി​ൽ​നി​ന്ന് ത​ന്നെ ഒ​ഴി​വാ​ക്കി​യ​തി​ൽ പ​രി​ഭ​വ​മി​ല്ലെ​ന്ന മു​ഖ​വു​ര​യോ​ടെ​യാ​ണ് സു​ധാ​ക​ര​ന്‍റെ ഫേ​സ്ബു​ക്കി​ലൂ​ടെ​യു​ള്ള വി​മ​ർ​ശനം. വ​ഴി​യ​രി​കി​ൽ വെ​ക്കു​ന്ന ഫ്ല​ക്‌​സു​ക​ളി​ല​ല്ല ജ​ന​ഹൃ​ദ​യ​ങ്ങ​ളി​ൽ രൂ​പ​പ്പെ​ടു​ന്ന ഫ്ല​ക്‌​സു​ക​ളാ​ണ് പ്ര​ധാ​നം. സൂ​പ്പ​ർ സ്‌​പെ​ഷാ​ലി​റ്റി ബ്ലോ​ക്കി​നാ​യി പ്ര​വ​ർ​ത്തി​ച്ച ചി​ല​രെ പ​രി​പാ​ടി​യി​ൽ​നി​ന്ന് ഒ​ഴി​വാ​ക്കി (മു​ൻ കേ​ന്ദ്ര​മ​ന്ത്രി​യും കോ​ൺ​ഗ്ര​സ് നേ​താ​വു​മാ​യ കെ.​സി. വേ​ണു​ഗോ​പാ​ൽ) എ​ന്ന് മാ​ധ്യ​മ​ങ്ങ​ൾ പ​രാ​തി​പ്പെ​ടു​ന്നു. ഒ​ഴി​വാ​ക്കേ​ണ്ട കാ​ര്യ​മി​ല്ലാ​യി​രു​ന്നു. ശൈ​ല​ജ​യെ​യും ഉ​ൾ​പ്പെ​ടു​ത്താ​മാ​യി​രു​ന്നു. ആ​ദ്യ​വ​സാ​നം മു​ന്നി​ൽ നി​ന്ന എ​ന്നെ ഓ​ർ​ക്കാ​തി​രു​ന്ന​തി​ൽ പ​രി​ഭ​വ​മി​ല്ല. ആ​ശു​പ​ത്രി​യു​ടെ പ്ര​വൃ​ത്തി ആ​രം​ഭി​ച്ച കാ​ല​ത്ത് താ​ൻ പൊ​തു​മ​രാ​മ​ത്ത് മ​ന്ത്രി​യു​മാ​യി​രു​ന്നു. ആ​ദ്യ​ഘ​ട്ട​ങ്ങ​ളി​ൽ കെ.​സി. വേ​ണു​ഗോ​പാ​ൽ എം.​എ​ൽ.​എ​യും പി​ന്നെ എം.​പി​യും ആ​യി​രു​ന്നു.

ആ​രോ​ഗ്യ​മ​ന്ത്രി ശൈ​ല​ജ​യോ​ടൊ​പ്പം ഞാ​ൻ മു​ന്നി​ൽ ഉ​ണ്ടാ​യി​രു​ന്നെ​ന്ന കാ​ര്യം പ്ര​ത്യേ​കം പ​റ​യേ​ണ്ട​തി​ല്ല​ല്ലോ. നി​ല​വി​ലെ ഇ​പ്പോ​ൾ തു​റ​ക്കു​ന്ന സ​മു​ച്ച​യ​ത്തി​ന്റെ നി​ർ​മാ​ണ വി​ക​സ​ന പ്ര​വ​ർ​ത്ത​ന​ങ്ങ​ളി​ൽ മ​ന്ത്രി ശൈ​ല​ജ ന​ല്ല​താ​ൽ​പ​ര്യം കാ​ണി​ച്ച​തു​പോ​ലെ ത​ന്നെ പ​റ​യേ​ണ്ട​താ​ണ്​ ആ​ല​പ്പു​ഴ ടൗ​ണി​ൽ ശ്വാ​സം മു​ട്ടി​ക്കി​ട​ന്ന ആ​ല​പ്പു​ഴ മെ​ഡി​ക്ക​ൽ കോ​ള​ജി​നെ 2007ലാ​ണ്​ വ​ണ്ടാ​ന​ത്തേ​ക്ക് മാ​റ്റി സ്ഥാ​പി​ച്ച​ത്. അ​ന്ന​ത്തെ ആ​രോ​ഗ്യ​മ​ന്ത്രി ശ്രീ​മ​തി​യും മു​ഖ്യ​മ​ന്ത്രി വി.​എ​സും മ​ന്ത്രി​യും എം.​എ​ൽ.​എ​യു​മാ​യ എ​ന്നോ​ടൊ​പ്പം ഈ ​ഉ​ദ്യ​മ​ത്തി​ൽ പാ​റ​പോ​ലെ ഉ​റ​ച്ചു​നി​ന്നു, എ​ന്ന ച​രി​ത്ര​സ​ത്യം ഇ​വി​ടെ രേ​ഖ​പ്പെ​ടു​ത്താ​തെ വ​യ്യ. അ​തി​ന് മു​മ്പ് എ​ത്ര​യോ സ​മ​ര​ങ്ങ​ൾ മെ​ഡി​ക്ക​ൽ കോ​ള​ജ് വ​ണ്ടാ​ന​ത്തേ​ക്ക് മാ​റ്റാ​നാ​യി ന​ട​ന്നു​വെ​ന്ന​തും ഓ​ർ​ത്തു​പോ​കു​ന്നു. പാ​ർ​ട്ടി ഭാ​ര​വാ​ഹി എ​ന്ന നി​ല​യി​ൽ അ​തി​ലെ​ല്ലാം ഞാ​നു​മു​ണ്ടാ​യി​രു​ന്നു. ജ​നോ​പ​കാ​ര​മാ​യ സ​മൂ​ഹ​ത്തി​നു വേ​ണ്ടി​യു​ള്ള വി​ക​സ​ന​ങ്ങ​ളി​ൽ ഭാ​ഗ​മാ​കാ​ൻ ക​ഴി​ഞ്ഞ​തി​ൽ ചാ​രി​താ​ർ​ഥ്യ​മു​ണ്ട്. ച​രി​ത്ര​നി​രാ​സം ചി​ല ഭാ​ര​വാ​ഹി​ക​ൾ​ക്ക് ഏ​റെ ഇ​ഷ്ട​പ്പെ​ട്ട മാ​ന​സി​ക വ്യാ​പാ​ര​മാ​ണ്. അ​തു​കൊ​ണ്ട് ച​രി​ത്രം ഇ​ല്ലാ​താ​കി​ല്ല. അ​ത് തു​ട​ർ​ച്ച​യാ​ണ്, പു​രോ​ഗ​മ​ന​മാ​ണ്.