തീരദേശ പരിപാലന നിയമം; ഇളവ് രണ്ട്​ ഗ്രാമപഞ്ചായത്തിൽ മാത്രം

ആ​ല​പ്പു​ഴ: തീ​ര​ദേ​ശ പ​രി​പാ​ല​ന നി​യ​ന്ത്ര​ണ നി​യ​മ​ത്തി​ലെ ഇ​ള​വ് അ​നു​വ​ദി​ച്ച​ത്​ ജി​ല്ല​യി​ൽ ര​ണ്ട്​ ഗ്രാ​മ പ​ഞ്ചാ​യ​ത്തു​ക​ളി​ൽ മാ​ത്രം. അ​മ്പ​ല​പ്പു​ഴ തെ​ക്ക്, അ​മ്പ​ല​പ്പു​ഴ വ​ട​ക്ക്​ പ​ഞ്ചാ​യ​ത്തു​ക​ൾ​ക്ക്​ മാ​ത്ര​മാ​ണ്​ ഇ​ള​വ്​ ല​ഭി​ച്ച​ത്. ജി​ല്ല​യി​ൽ തീ​ര​ദേ​ശ നി​യ​ന്ത്ര​ണ മേ​ഖ​ല (സി.​ആ​ർ.​ഇ​സ​ഡ്)​യി​ൽ പെ​ടു​ന്ന 32 ഗ്രാ​മ പ​ഞ്ചാ​യ​ത്തു​ക​ളും നാ​ല്​ ന​ഗ​ര​സ​ഭ​ക​ളു​മാ​ണ്​​ ഉ​ണ്ടാ​യി​രു​ന്ന​ത്.

ഇ​വി​ട​ങ്ങ​ളി​ൽ 4536 അ​ന​ധി​കൃ​ത നി​ർ​മാ​ണ​ങ്ങ​ൾ ഉ​ള്ള​താ​യാ​ണ്​ ക​ണ​ക്കാ​ക്കി​യി​രി​ക്കു​ന്ന​ത്. ഇ​തി​ൽ 4300ലേ​റെ​യും വീ​ടു​ക​ളാ​ണ്. ഇ​ള​വി​നാ​യി ഇ​ത്ര​ത്തോ​ളം കു​ടും​ബ​ങ്ങ​ളാ​ണ്​ കാ​ത്തി​രു​ന്ന​ത്. ഇ​വ​രു​ടെ പ്ര​തീ​ക്ഷ​ക​ളാ​ണ്​ പു​തി​യ പ്ര​ഖ്യാ​പ​ന​ത്തോ​ടെ അ​സ്ത​മി​ച്ച​ത്. ഇ​വ​ർ ശ​ക്​​ത​മാ​യ പ്ര​തി​ഷേ​ധ​വു​മാ​യി രം​ഗ​ത്ത്​ വ​ന്നു​ക​ഴി​ഞ്ഞു.

സി.​ആ​ർ.​ഇ​സ​ഡ് മൂ​ന്നി​ലെ പ​ട്ടി​ക​യി​ൽ നി​ന്ന്​ സി.​ആ​ർ.​ഇ​സ​ഡ് ര​ണ്ടി​ലെ ന​ഗ​ര പ​ഞ്ചാ​യ​ത്തു​ക​ൾ എ​ന്ന ഗ​ണ​ത്തി​ലേ​ക്ക്​ മാ​റ്റി​യ​തി​നാ​ലാ​ണ്​ അ​മ്പ​ല​പ്പു​ഴ തെ​ക്ക്, വ​ട​ക്ക്​ പ​ഞ്ചാ​യ​ത്തു​ക​ൾ​ക്ക്​ ഇ​ള​വ്​ ല​ഭി​ച്ച​ത്. എ​ന്നി​രു​ന്നാ​ലും ഈ ​ര​ണ്ട്​ പ​ഞ്ചാ​യ​ത്തു​ക​ളി​ലും ധാ​തു​മ​ണ​ൽ നി​ക്ഷേ​പ​മു​ള്ള ഇ​ട​ങ്ങ​ളി​ൽ ഇ​ള​വ്​ ബാ​ധ​ക​മ​ല്ല.

അ​തി​നാ​ൽ ഇ​ഴ​വ്​ അ​നു​വ​ദി​ച്ചു​വെ​ങ്കി​ലും ര​ണ്ട്​ പ​ഞ്ചാ​യ​ത്തി​ലും അ​തി​ന്‍റെ ഗു​ണം ല​ഭി​ക്കു​ക നാ​മ​മാ​ത്രം പേ​ർ​ക്കാ​യി​രി​ക്കും. ദേ​ശീ​യ പാ​ത​ക്കും ക​ട​ലി​നു​മി​ട​യി​ൽ 1.5 കി​ലോ​മീ​റ്റ​റോ​ളം മാ​ത്രം വീ​തി​യാ​ണ്​ ഇ​ള​വ്​ ല​ഭി​ച്ച ര​ണ്ട്​ പ​ഞ്ചാ​യ​ത്തു​ക​ൾ​ക്കു​മു​ള്ള​ത്.

ജി​ല്ല​യി​ൽ നി​യ​ന്ത്ര​ണ മേ​ഖ​ല​യി​ൽ തു​ട​രു​ന്ന മ​റ്റ്​ 30 ഗ്രാ​മ പ​ഞ്ചാ​യ​ത്തു​ക​ളി​ലെ​യും നാ​ല്​ ന​ഗ​ര​സ​ഭ​ക​ളി​ലെ​യും തീ​ര​ദേ​ശ വാ​ർ​ഡു​ക​ളി​ൽ ഭ​വ​ന നി​ർ​മാ​ണ​ത്തി​ന്​ അ​നു​മ​തി ന​ൽ​കു​ന്നി​ല്ല. ലൈ​ഫ്​ പ​ദ്ധ​തി​യി​ൽ വീ​ട്​ നി​ർ​മി​ക്കു​ന്ന​തി​നു പോ​ലും അ​നു​മ​തി ന​ൽ​കാ​ത്ത​താ​ണ്​ പ്ര​തി​ഷേ​ധ​ത്തി​ന്​ കാ​ര​ണ​മാ​കു​ന്ന​ത്. സി.​ആ​ർ.​ഇ​സ​ഡ് നി​യ​മ​പ്ര​കാ​രം നാ​ഷ​ണ​ൽ സെ​ന്റ​ർ ഫോ​ർ എ​ർ​ത്ത് സ​യ​ൻ​സ് സ്റ്റ​ഡീ​സ് (എ​ൻ.​സി.​ഇ.​എ​സ്.​എ​സ്) ത​യ്യാ​റാ​ക്കി​യ തീ​ര​ദേ​ശ പ​രി​പാ​ല​ന പ്ലാ​ൻ 2019ന്റെ ​ക​ര​ടി​ന്മേ​ൽ നി​ർ​ദേ​ശ​ങ്ങ​ളും പ​രാ​തി​ക​ളും തീ​ര പ​രി​പാ​ല​ന അ​തോ​റി​റ്റി അം​ഗ​ങ്ങ​ൾ ക​ഴി​ഞ്ഞ​വ​ർ​ഷം ജൂ​ണി​ൽ നേ​രി​ട്ട് ജ​ന​ങ്ങ​ളി​ൽ നി​ന്നും സ്വീ​ക​രി​ച്ചി​രു​ന്നു.

ജി​ല്ല​യി​ലെ നാ​ല് ന​ഗ​ര​സ​ഭ​ക​ളും 32 പ​ഞ്ചാ​യ​ത്തു​ക​ളു​മാ​ണ് തീ​ര​ദേ​ശ പ​രി​പാ​ല​ന പ്ലാ​നി​ൽ ഉ​ൾ​പ്പെ​ടു​ന്ന​ത്. രേ​ഖാ​മൂ​ലം 5000 പ​രാ​തി​ക​ൾ അ​ന്ന് ല​ഭി​ച്ചു. ഹി​യ​റി​ങി​ൽ 1555 പേ​ർ പ​ങ്കെ​ടു​ത്തി​രു​ന്നു. ഹി​യ​റി​ങ്ങി​ൽ പ​ങ്കെ​ടു​ത്ത​വ​രു​ടെ ആ​വ​ശ്യ​ങ്ങ​ളും അ​വ​ർ ചൂ​ണ്ടി​ക്കാ​ട്ടി​യ പ്ര​ശ്ന​ങ്ങ​ളും ബ​ന്ധ​പ്പെ​ട്ട​വ​ർ തെ​ല്ലും പ​രി​ഗ​ണി​ച്ചി​ല്ല എ​ന്ന് വ്യ​ക്ത​മാ​ക്കു​ന്ന​താ​ണ് ഇ​ള​വ് പ്ര​ഖ്യാ​പ​ന​മെ​ന്നാ​ണ് ആ​ക്ഷേ​പം. നി​യ​ന്ത്ര​ണ മേ​ഖ​ല​യി​ൽ പെ​ടു​ത്തി​യ കു​ട്ട​നാ​ട്ടി​ലെ പ​ഞ്ചാ​യ​ത്തു​ക​ൾ​ക്കു പോ​ലും ഇ​ള​വ്​ ല​ഭി​ച്ചി​ട്ടി​ല്ല.

ചൊ​രി​മ​ണ​ല്‍ പ്ര​ദേ​ശ​ങ്ങ​ള്‍ ക​ട​ലെ​ടു​ക്കു​മെ​ന്ന ഭീ​തി ഇ​ള​വി​ന്​ ത​ട​സ്സ​മാ​യി

തീ​ര​മേ​ഖ​ല​യി​ലെ ചൊ​രി​മ​ണ​ല്‍ പ്ര​ദേ​ശ​ങ്ങ​ള്‍ അ​ടു​ത്ത 15-20 വ​ര്‍ഷ​ത്തി​നു​ള്ളി​ല്‍ ക​ട​ലെ​ടു​ക്കു​മെ​ന്ന റി​പ്പോ​ർ​ട്ടു​ക​ൾ ജി​ല്ല​യി​ലെ തീ​ര​ദേ​ശ മേ​ഖ​ല​യി​ൽ നി​ർ​മാ​ണ​ങ്ങ​ൾ​ക്ക്​ ഇ​ള​വ്​ അ​നു​വ​ദി​ക്കു​ന്ന​തി​ന്​ ത​ട​സ്സ​മാ​യ​താ​യി സൂ​ച​ന. ആ​ല​പ്പു​ഴ, എ​റ​ണാ​കു​ളം, തൃ​ശൂ​ര്‍ ജി​ല്ല​ക​ളി​ലെ തീ​ര​ദേ​ശം കൂ​ടു​ത​ല്‍ ദു​ര്‍ബ്ബ​ല​മാ​യ​തി​നാ​ല്‍ ജ​ന​ങ്ങ​ളെ മാ​റ്റി​പ്പാ​ര്‍പ്പി​ക്കാ​ന്‍ ന​ട​പ​ടി​ക​ള്‍ തു​ട​ങ്ങ​ണ​മെ​ന്ന ആ​വ​ശ്യം ഉ​യ​ർ​ന്നി​രു​ന്നു.

കേ​ര​ള​ത്തി​ന് 590 കി.​മീ ദൂ​ര​മു​ള്ള ക​ട​ല്‍ത്തീ​ര​മു​ണ്ട്. 15-20 വ​ര്‍ഷ​ത്തി​ന​കം ചൊ​രി​മ​ണ​ല്‍ പ്ര​ദേ​ശ​ങ്ങ​ള്‍ ക​ട​ലെ​ടു​ക്കാ​നു​ള്ള സാ​ധ്യ​ത മു​ന്‍കൂ​ട്ടി​ക്ക​ണ്ട് ജ​ന​ങ്ങ​ളെ ക​ട​ല്‍നി​ര​പ്പി​ല്‍ നി​ന്ന് 50 മീ​റ്റ​റെ​ങ്കി​ലും ഉ​യ​ര​മു​ള്ള പ്ര​ദേ​ശ​ങ്ങ​ളി​ലേ​ക്ക് മാ​റ്റി പാ​ര്‍പ്പി​ക്ക​ണ​മെ​ന്നാ​ണ്​ ആ​വ​ശ്യം.

സർക്കാറുകൾ തീരവാസികളെ വഞ്ചിച്ചെന്ന് ആക്ഷേപം

ആ​റാ​ട്ടു​പു​ഴ: തീ​ര​ദേ​ശ പ​രി​പാ​ല​ന നി​യ​മ​ത്തി​ലെ ഇ​ള​വി​ൽ ഉ​ൾ​പ്പെ​ടു​മെ​ന്ന് പ്ര​തീ​ക്ഷി​ച്ച പ​ഞ്ചാ​യ​ത്തു​ക​ൾ നി​രാ​ശ​യി​ൽ. തീ​ര​വാ​സി​ക​ളെ കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ൾ വ​ഞ്ചി​ക്കു​ക​യാ​യി​രു​ന്നു എ​ന്ന ആ​ക്ഷേ​പം ഉ​യ​ർ​ന്നു. തീ​ര​വാ​സി​ക​ളെ അ​വ​രു​ടെ മ​ണ്ണി​ൽ നി​ന്നും ആ​ട്ടി​യോ​ടി​ക്കാ​നു​ള്ള ഗൂ​ഢ​നീ​ക്ക​മാ​ണ് ഇ​തി​ന് പി​ന്നി​ൽ എ​ന്ന് മ​ത്സ്യ​ത്തൊ​ഴി​ലാ​ളി സം​ഘ​ട​ന​ക​ൾ ആ​രോ​പി​ക്കു​ന്നു.

ജി​ല്ല​യി​ൽ അ​ർ​ത്തു​ങ്ക​ൽ മു​ത​ൽ ആ​റാ​ട്ടു​പു​ഴ വ​രെ​യു​ള്ള തീ​ര​ദേ​ശ പ​ഞ്ചാ​യ​ത്തു​ക​ളി​ൽ മ​ത്സ്യ​ത്തൊ​ഴി​ലാ​ളി​ക​ൾ തി​ങ്ങി​പ്പാ​ർ​ക്കു​ന്ന തീ​ര​ദേ​ശ പ​ഞ്ചാ​യ​ത്തു​ക​ളെ ആ​നു​കൂ​ല്യ​ങ്ങ​ൾ പ്ര​ഖ്യാ​പി​ച്ച പ​ട്ടി​ക​യി​ൽ നി​ന്നു ഒ​ഴി​വാ​ക്കി​യ​തി​ൽ പ്ര​തി​ഷേ​ധം ശ​ക്ത​മാ​ണ്. ക​ട​ലി​നും കാ​യ​ലി​നും ഇ​ട​യി​ൽ നാ​ട പോ​ലെ കി​ട​ക്കു​ന്ന ആ​റാ​ട്ടു​പു​ഴ പ​ഞ്ചാ​യ​ത്തി​ലെ ജ​ന​ങ്ങ​ൾ നി​യ​മം മൂ​ലം ക​ടു​ത്ത പ്ര​യാ​സ​മാ​ണ് അ​നു​ഭ​വി​ക്കു​ന്ന​ത്. അ​മ്പ​ല​പ്പു​ഴ തെ​ക്ക് വ​ട​ക്ക് പ​ഞ്ചാ​യ​ത്തു​ക​ളി​ൽ ഏ​ഴു വാ​ർ​ഡു​ക​ൾ​ക്ക് മാ​ത്ര​മാ​ണ് ഇ​ള​വ് പ്ര​ഖ്യാ​പി​ച്ച​ത്. കേ​ര​ള​ത്തി​ൽ നി​ന്നു​ള്ള ഭ​ര​ണ, പ്ര​തി​പ​ക്ഷ, ബി.​ജെ.​പി എം.​പി​മാ​രും തീ​ര​വാ​സി​ക​ളു​ടെ പ്ര​ശ്ന​ങ്ങ​ൾ ബോ​ധ്യ​പ്പെ​ടു​ത്താ​ൻ വേ​ണ്ട രീ​തി​യി​ൽ ഇ​ട​പെ​ട​ൽ ന​ട​ത്തി​യി​ട്ടി​ല്ല എ​ന്ന് ബോ​ധ്യ​പ്പെ​ടു​ത്തു​ന്ന​താ​ണ് പു​തി​യ ഇ​ള​വ് പ്ര​ഖ്യാ​പ​നം. മ​ല​യോ​ര മേ​ഖ​ല​യി​ലെ വി​ഷ​യ​ങ്ങ​ൾ ഉ​ണ്ടാ​കു​മ്പോ​ൾ സം​സ്ഥാ​ന നി​യ​മ​സ​ഭ ഒ​ന്ന​ട​ങ്കം പ്ര​മേ​യം പാ​സാ​ക്കി​യ​ത് പോ​ലെ ഒ​രു ഇ​ട​പെ​ട​ൽ ഈ ​കാ​ര്യ​ത്തി​ൽ ക​ണ്ടി​ല്ലെ​ന്നും തീ​ര​വാ​സി​ക​ൾ​ക്ക് പ​രാ​തി​യു​ണ്ട്.