എസ്.എഫ്.ഐ ലോക്കൽ സമ്മേളനത്തിൽ സംഘർഷം

കാ​യം​കു​ളം: വി​ഭാ​ഗീ​യ​ത രൂ​ക്ഷ​മാ​യ എ​സ്.​എ​ഫ്.​ഐ ക​രീ​ല​ക്കു​ള​ങ്ങ​ര ലോ​ക്ക​ൽ സ​മ്മേ​ള​നം സം​ഘ​ർ​ഷ​ത്തി​ൽ ക​ലാ​ശി​ച്ചു. ജി​ല്ല ക​മ്മി​റ്റി അം​ഗ​ങ്ങ​ളു​ടെ സാ​ന്നി​ധ്യ​ത്തി​ൽ ഏ​രി​യ സെ​ക്ര​ട്ട​റി​യെ മ​ർ​ദി​ച്ചു.

ക​മ്മി​റ്റി​യി​ൽ​നി​ന്ന്​ ഒ​ഴി​വാ​ക്ക​പ്പെ​ട്ട​വ​ർ സി.​പി.​എം ഏ​രി​യ ക​മ്മി​റ്റി ഓ​ഫി​സി​ന് മു​ന്നി​ൽ സ​മ​രം ചെ​യ്ത​ത് പാ​ർ​ട്ടി​ക്ക് നാ​ണ​ക്കേ​ടാ​യി.

ഏ​രി​യ സെ​ക്ര​ട്ട​റി നി​ഖി​ൽ തോ​മ​സി​നാ​ണ് മ​ർ​ദ​ന​മേ​റ്റ​ത്. വെ​ള്ളി​യാ​ഴ്ച വൈ​കു​ന്നേ​ര​മാ​ണ് സം​ഭ​വം. സി.​പി.​എം ലോ​ക്ക​ൽ ക​മ്മി​റ്റി​യു​ടെ ശി​പാ​ർ​ശ​പ്ര​കാ​ര​മാ​ണ് സ​മ്മേ​ള​ന​ത്തി​ൽ ഭാ​ര​വാ​ഹി​ക​ളെ നി​ശ്ച​യി​ക്കാ​റു​ള്ള​ത്. പാ​ന​ൽ അ​വ​ത​രി​പ്പി​ച്ച​പ്പോ​ൾ സ​ജീ​വ​പ്ര​വ​ർ​ത്ത​ക​രി​ൽ ചി​ല​രെ ഒ​ഴി​വാ​ക്കി.

ഗു​ണ്ടാ ബ​ന്ധ​മു​ള്ള​വ​രെ​യാ​ണ് ഒ​ഴി​വാ​ക്കി​യ​തെ​ന്നാ​ണ് ഔ​ദ്യോ​ഗി​ക ഭാ​ഷ്യം. ഇ​തേ​തു​ട​ർ​ന്നു​ള്ള വാ​ക്കേ​റ്റം സം​ഘ​ർ​ഷ​ത്തി​ൽ ക​ലാ​ശി​ക്കു​ക​യാ​യി​രു​ന്നു. സി.​പി.​എം ലോ​ക്ക​ൽ സെ​ക്ര​ട്ട​റി പ്ര​ശാ​ന്തു​മാ​യി ഇ​തു​സം​ബ​ന്ധി​ച്ച് ആ​ലോ​ച​ന ന​ട​ത്തു​ന്ന​തി​നി​ടെ​യാ​ണ് നി​ഖി​ൽ തോ​മ​സി​നെ മ​ർ​ദി​ക്കു​ന്ന​ത​ത്രെ. ജി​ല്ല ക​മ്മി​റ്റി അം​ഗ​ങ്ങ​ളാ​യ ശ്രീ​കാ​ന്ത്, ഗീ​താ​ഞ്ജ​ലി എ​ന്നി​വ​രു​ടെ സാ​ന്നി​ധ്യ​ത്തി​ലാ​യി​രു​ന്നു സം​ഭ​വം.

സം​സ്ഥാ​ന സെ​ക്ര​േ​ട്ട​റി​യ​റ്റ് അം​ഗം സ​ജി ചെ​റി​യാ​ൻ അ​നു​കൂ​ലി​ക്കാ​ണ് മ​ർ​ദ​ന​മേ​റ്റ​ത്. ജി​ല്ല സെ​ക്ര​ട്ട​റി ആ​ർ. നാ​സ​റി​നെ അ​നു​കൂ​ലി​ക്കു​ന്ന​വ​രാ​ണ് പ്ര​ശ്ന​മു​ണ്ടാ​ക്കി​യ​ത​ത്രെ.

പ്രാ​ദേ​ശി​ക വി​ഭാ​ഗീ​യ​ത​യും ഘ​ട​ക​മാ​യി. ഇ​തി​നി​ടെ, ഭാ​ര​വാ​ഹി​ത്വ​ത്തി​ൽ​നി​ന്ന് പു​റ​ത്താ​യ പ്ര​വ​ർ​ത്ത​ക​ർ ഏ​രി​യ ക​മ്മി​റ്റി ഓ​ഫി​സി​ന് മു​ന്നി​ൽ എ​ത്തി ബ​ഹ​ളം വെ​ച്ച​തോ​ടെ വി​ഷ​യ​ത്തി​ൽ നേ​താ​ക്ക​ൾ ഇ​ട​പെ​ട്ട് താ​ൽ​ക്കാ​ലി​ക പ​രി​ഹാ​രം കാ​ണു​ക​യാ​യി​രു​ന്നു.

എ​സ്.​എ​ഫ്.​ഐ ഏ​രി​യ സെ​ക്ര​ട്ട​റി​ക്കെ​തി​രെ മു​ദ്രാ​വാ​ക്യം മു​ഴ​ക്കി​യാ​ണ് പ്ര​വ​ർ​ത്ത​ക​ർ സി.​പി.​എം ഏ​രി​യ ക​മ്മി​റ്റി ഓ​ഫി​സി​ന് മു​ന്നി​ൽ പ്ര​തി​ഷേ​ധി​ച്ച​ത്. എ​സ്.​എ​ഫ്.​ഐ ഏ​രി​യ പ്ര​സി​ഡ​ന്‍റാ​യി​രു​ന്ന ആ​ഷി​ഖ് അ​ജ​യ​നെ അ​ടു​ത്തി​ടെ പാ​ർ​ട്ടി​യി​ൽ​നി​ന്ന്​ പു​റ​ത്താ​ക്കി​യ​തും പ്ര​കോ​പ​ന കാ​ര​ണ​മാ​ണ്. രാ​മ​പു​രം ക്ഷേ​ത്രോ​ത്സ​വം അ​ല​ങ്കോ​ല​മാ​ക്കി​യ​താ​ണ് ന​ട​പ​ടി​ക്ക് കാ​ര​ണ​മാ​യ​ത്.

ഇ​തി​ൽ ആ​ഷി​ഖി​ന് ഒ​പ്പ​മു​ണ്ടാ​യി​രു​ന്ന​വ​രാ​ണ് ഇ​പ്പോ​ൾ പ്ര​ശ്നം ഉ​ണ്ടാ​ക്കി​യ​തെ​ന്നും പ​റ​യു​ന്നു.