കുടിവെള്ള ക്ഷാമത്തിൽ മാരാരിക്കുളം; കലക്‌ടർ ഇടപെട്ടിട്ടും ജല അതോറിറ്റിക്ക്​ അനക്കമില്ല

മാ​രാ​രി​ക്കു​ളം: ജ​ല​സം​ഭ​ര​ണി വൈ​ദ്യു​തീ​ക​ര​ണ​ത്തി​ന് പ​ഞ്ചാ​യ​ത്തി​ന് ക​ത്ത് ന​ൽ​കാ​ൻ ക​ല​ക്‌​ട​ർ ആ​വ​ശ്യ​പ്പെ​ട്ടി​ട്ട് ര​ണ്ടാ​ഴ്ച​യാ​യി​ട്ടും ജ​ല അ​തോ​റി​റ്റി ന​ൽ​കു​ന്നി​ല്ല. കോ​ടി​ക​ൾ ചെ​ല​വ​ഴി​ച്ച് നി​ർ​മി​ച്ച കാ​ട്ടൂ​രി​ലെ ടാ​ങ്ക് പ്ര​വ​ർ​ത്തി​പ്പി​ക്കാ​നാ​വു​ന്നി​ല്ല.

മാ​രാ​രി​ക്കു​ളം തെ​ക്ക് പ​ഞ്ചാ​യ​ത്തി​ലെ ശു​ദ്ധ​ജ​ല ക്ഷാ​മ​ത്തി​ന് പ​രി​ഹാ​ര​മാ​യി കാ​ട്ടൂ​രി​ലെ ടാ​ങ്ക് പ്ര​വ​ർ​ത്തി​പ്പി​ക്കാ​നാ​ണ് കി​ഫ്ബി ഫ​ണ്ട് ല​ഭി​ക്കാ​ൻ കാ​ല​താ​മ​സം ഉ​ണ്ടാ​കു​ന്ന​ത് ക​ണ​ക്കി​ലെ​ടു​ത്ത് ക​ല​ക്ട​റു​ടെ സാ​ന്നി​ധ്യ​ത്തി​ൽ ചേ​ർ​ന്ന യോ​ഗ​ത്തി​ൽ വൈ​ദ്യു​തീ​ക​ര​ണ​ത്തി​ന്‍റെ ചെ​ല​വ് താ​ൽ​ക്കാ​ലി​ക​മാ​യി പ​ഞ്ചാ​യ​ത്ത് വ​ഹി​ക്കാ​ൻ ധാ​ര​ണ​യാ​യ​ത്.

കോ​ടി​ക​ൾ ചെ​ല​വ​ഴി​ച്ച് ടാ​ങ്ക് നി​ർ​മി​ച്ചെ​ങ്കി​ലും വൈ​ദ്യു​തീ​ക​ര​ണം ന​ട​ത്തി​യി​രു​ന്നി​ല്ല. ഇ​തി​ന് പ്ര​ത്യേ​ക പ​ദ്ധ​തി ത​യാ​റാ​ക്കി​യെ​ങ്കി​ലും അ​നു​മ​തി വൈ​കി.

ഇ​തേ തു​ട​ർ​ന്നാ​ണ് മാ​രാ​രി​ക്കു​ളം തെ​ക്ക് പ​ഞ്ചാ​യ​ത്ത് ത​ന​ത് ഫ​ണ്ടി​ൽ​നി​ന്നു വൈ​ദ്യു​തീ​ക​ര​ണം പൂ​ർ​ത്തി​യാ​ക്കാ​നും പി​ന്നീ​ട് ജ​ല അ​തോ​റി​റ്റി ഫ​ണ്ട് ല​ഭ്യ​മാ​കു​മ്പോ​ൾ പ​ഞ്ചാ​യ​ത്തി​ന് ന​ൽ​ക​ണ​മെ​ന്നു​മാ​യി​രു​ന്നു ധാ​ര​ണ. ഇ​തി​നാ​യി ജ​ല അ​തോ​റി​റ്റി പ​ഞ്ചാ​യ​ത്തി​ന് രേ​ഖാ​മൂ​ലം ക​ത്ത് ന​ൽ​കാ​നും നി​ർ​ദേ​ശി​ച്ചി​രു​ന്നു. എ​ന്നാ​ൽ, ര​ണ്ടാ​ഴ്ച​യാ​യി​ട്ടും ഇ​തു​വ​രെ ക​ത്ത് ല​ഭി​ച്ചി​ട്ടി​ല്ലെ​ന്ന് പ​ഞ്ചാ​യ​ത്ത് പ്ര​സി​ഡ​ന്റ് പി.​പി. സം​ഗീ​ത പ​റ​ഞ്ഞു. ക​ത്ത് ല​ഭി​ച്ചാ​ൽ മാ​ത്ര​മേ ഫ​ണ്ട് അ​നു​വ​ദി​ക്കാ​ൻ ക​ഴി​യൂ​വെ​ന്നും അ​വ​ർ പ​റ​ഞ്ഞു.