ലഹരിക്കടത്ത്: റിപ്പോർട്ട് ചോർച്ചയിൽ സ്പെഷൽ ബ്രാഞ്ച് എസ്.ഐക്ക് സസ്പെൻഷൻ
text_fieldsആലപ്പുഴ: ലഹരിക്കടത്ത് കേസിൽ പൊലീസിന്റെ രഹസ്യാന്വേഷണ റിപ്പോർട്ട് ചോർന്ന സംഭവത്തിൽ സ്പെഷൽ ബ്രാഞ്ച് എസ്.ഐ ജേക്കബ് ജോസിന് സസ്പെൻഷൻ. കരുനാഗപ്പള്ളിയിൽ ഒരുകോടിയുടെ ലഹരിക്കടത്തുമായി ബന്ധപ്പെട്ട് ആരോപണവിധേയനായ ആലപ്പുഴ നഗരസഭ സി.പി.എം കൗൺസിലർ എ. ഷാനവാസിനെതിരെ സംസ്ഥാനതലത്തിലാണ് ആദ്യം അന്വേഷണം നടന്നത്. ഈ അന്വേഷണം നടത്തി എ.ഡി.ജി.പിക്ക് റിപ്പോർട്ട് സമർപ്പിക്കുന്നതിന് മുമ്പേ റിപ്പോർട്ട് ചോർന്നിരുന്നു.
ഇതാണ് മാധ്യമങ്ങളിൽ വാർത്തയായത്. തുടർന്ന് പ്രതിപക്ഷനേതാവ് നിയമസഭയിൽ ഈ വാർത്ത വായിച്ചു. ഇത് സർക്കാറിനും പൊലീസിനും വലിയ ക്ഷീണമായതോടെ വിജിലൻസ് എ.ഡി.ജി.പി അന്വേഷണം നടത്തിയാണ് ജേക്കബ് ജോസിനെതിരെ നടപടിയെടുത്തത്. ഷാനവാസിന് ലഹരിക്കടത്ത് കേസിൽ ബന്ധമുണ്ടെന്നും കൃത്യമായ ഇടപെടൽ നടത്തിയെന്നുമുള്ള റിപ്പോർട്ട് മാധ്യമങ്ങൾക്ക് ചോർത്തിനൽകിയെന്നാണ് കണ്ടെത്തൽ.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.