തീരസംരക്ഷണം: നടപടി പ്രഖ്യാപനത്തിൽ ഒതുങ്ങി

ആ​റാ​ട്ടു​പു​ഴ: തീ​ര​വും കി​ട​പ്പാ​ട​വും സം​ര​ക്ഷി​ക്കു​മെ​ന്ന അ​ധി​കാ​രി​ക​ളു​ടെ പ്ര​ഖ്യാ​പ​നം വെ​റും വാ​ക്കാ​യ​തോ​ടെ നി​രാ​ശ​യി​ൽ തൃ​ക്കു​ന്ന​പ്പു​ഴ പ​ഞ്ചാ​യ​ത്തി​ലെ പാ​നൂ​ർ നി​വാ​സി​ക​ൾ. അ​ധി​കാ​രി​ക​ളു​ടെ വ​ഞ്ച​ന​യി​ലെ പ്ര​തി​ഷേ​ധ​വും ഇ​വ​ർ മ​റ​ച്ചു​വെ​ക്കു​ന്നി​ല്ല. തൃ​ക്കു​ന്ന​പ്പു​ഴ പ​ഞ്ചാ​യ​ത്ത് 13ാം വാ​ർ​ഡി​ൽ പാ​നൂ​ർ കി​ഴ​ക്ക​ത്തു​ശ്ശേ​രി ഭാ​ഗം മു​ത​ൽ തെ​ക്കോ​ട്ട് ചേ​ല​ക്കാ​ട് വ​രെ​യു​ള്ള ഒ​രു കി​ലോ​മീ​റ്റ​ർ ഭാ​ഗ​ത്ത് താ​മ​സി​ക്കു​ന്ന​വ​രാ​ണ്​ ക​ട​ലാ​ക്ര​മ​ണ ഭീ​തി​യി​ൽ ക​ഴി​യു​ന്ന​ത്.

പ്ര​തി​രോ​ധ സം​വി​ധാ​ന​ങ്ങ​ൾ ദു​ർ​ബ​ല​മാ​യ​തോ​ടെ​യാ​ണ്​ ക​ട​ലാ​ക്ര​മ​ണം ഇ​വി​ടെ രൂ​ക്ഷ​മാ​യ​ത്. വ​ർ​ഷ​ങ്ങ​ൾ​ക്ക്​ മു​മ്പു​ണ്ടാ​യ ക​ട​ലാ​ക്ര​മ​ണ​ത്തി​ൽ മ​തു​ക്ക​ൽ -പ​ല്ല​ന തീ​ര​റോ​ഡ് ഇ​വി​ടെ പൂ​ർ​ണ​മാ​യി ത​ക​ർ​ന്നി​രു​ന്നു. റോ​ഡ് നി​ന്ന ഭാ​ഗം ഇ​ന്ന് വ​ലി​യ ഗ​ർ​ത്ത​ങ്ങ​ളാ​ണ്. അ​ന്ന് നി​ലം​പ​തി​ച്ച വൈ​ദ്യു​തി തൂ​ണു​ക​ളും പൊ​ട്ടി​വീ​ണ ക​മ്പി​ക​ളും ഇ​നി​യും മാ​റ്റി​യി​ട്ടി​ല്ല. മൂ​ന്ന​ര പ​തി​റ്റാ​ണ്ട് മു​മ്പ് നി​ർ​മി​ച്ച ക​ട​ൽ​ഭി​ത്തി പൂ​ർ​ണ​മാ​യി മ​ണ്ണി​ന​ടി​യി​ലാ​ണ്.

2018ൽ ​മ​ണ​ൽ നി​റ​ച്ച ജി​യോ ബാ​ഗു​ക​ൾ അ​ടു​ക്കി തീ​രം സം​ര​ക്ഷി​ക്കാ​നു​ള്ള താ​ൽ​ക്കാ​ലി​ക സം​വി​ധാ​ന​മൊ​രു​ക്കി​യെ​ങ്കി​ലും ഫ​ല​പ്ര​ദ​മാ​യി​ല്ല. തീ​ര​ദേ​ശ റോ​ഡ് പു​ന​ർ​നി​ർ​മി​ക്കാ​ത്ത​ത് പ്ര​ദേ​ശ​വാ​സി​ക​ൾ​ക്ക് വ​ലി​യ ദു​രി​ത​മാ​ണു​ണ്ടാ​ക്കു​ന്ന​ത്. അ​ടി​ക്ക​ടി​യു​ണ്ടാ​കു​ന്ന ക​ട​ലാ​ക്ര​മ​ണം തീ​രാ​ദു​രി​തം തീ​ർ​ക്കു​മ്പോ​ഴും അ​ധി​കാ​രി​ക​ൾ കു​റ്റ​ക​ര​മാ​യ മൗ​ന​ത്തി​ലാ​ണ്. കൂ​ടു​ത​ൽ അ​പ​ക​ടാ​വ​സ്ഥ നി​ല​നി​ൽ​ക്കു​ന്ന പ്ര​ദേ​ശം എ​ന്ന പ​രി​ഗ​ണ​ന​യി​ൽ ഇ​വി​ടെ പു​ലി​മു​ട്ട് നി​ർ​മി​ക്കാ​ൻ ജ​ല​സേ​ച​ന വ​കു​പ്പ് അ​ധി​കാ​രി​ക​ൾ വ​ർ​ഷ​ങ്ങ​ൾ​ക്ക്​ മു​മ്പേ എ​സ്റ്റി​മേ​റ്റ് ത​യാ​റാ​ക്കി​യെ​ങ്കി​ലും ഒ​ന്നും ന​ട​ന്നി​ല്ല.

ടെ​ട്രാ​പോ​ഡ് ഉ​പ​യോ​ഗി​ച്ചു​ള്ള ആ​ധു​നി​ക പു​ലി​മു​ട്ട് നി​ർ​മി​ച്ചാ​ൽ പ്ര​ദേ​ശം സം​ര​ക്ഷി​ക്കാ​നാ​കും. ഗു​രു​ത​ര സാ​ഹ​ച​ര്യം പ​രി​ഗ​ണി​ച്ച് പാ​നൂ​രി​ന്​ അ​ടി​യ​ന്ത​ര പ​രി​ഗ​ണ​ന ന​ൽ​ക​ണ​മെ​ന്ന്​ ആ​വ​ശ്യ​പ്പെ​ട്ട് 13 ാം വാ​ർ​ഡ് മെം​ബ​ർ മു​ഹ​മ്മ​ദ് കു​ഞ്ഞ് പ​ട​ന്ന​യി​ലും ആ​ക്​​ഷ​ൻ ക​മ്മി​റ്റി ചെ​യ​ർ​മാ​ൻ ബ​ഷീ​ർ മേ​ത്ത​റും ജ​ല​സേ​ച​ന മ​ന്ത്രി, പൊ​തു​മ​രാ​മ​ത്ത് മ​ന്ത്രി, ക​ല​ക്ട​ർ, ഹ​രി​പ്പാ​ട് എം.​എ​ൽ.​എ എ​ന്നി​വ​ർ​ക്ക് നി​വേ​ദ​നം ന​ൽ​കി​യി​രു​ന്നു. എ​ന്നാ​ൽ, ന​ട​പ​ടി ഒ​ന്നു​മു​ണ്ടാ​യി​ട്ടി​ല്ല. പ്ര​ശ്നം അ​ധി​കാ​രി​ക​ളു​ടെ ശ്ര​ദ്ധ​യി​ൽ കൊ​ണ്ടു​വ​രാ​ൻ ശ​ക്ത​മാ​യ പ്ര​ക്ഷോ​ഭ​ത്തി​ന് ഒ​രു​ങ്ങു​ക​യാ​ണ് നാ​ട്ടു​കാ​ർ.