വേനൽ കനത്തതോടെ മ​ത്സ്യ​ക്ഷാ​മം രൂ​ക്ഷം അരൂരിലെ തീരമേഖല വറുതിയിൽ

തു​റ​വൂ​ർ: മ​ത്സ്യ​ക്ഷാ​മം രൂ​ക്ഷ​മാ​യ​തോ​ടെ അ​രൂ​രി​ലെ തീ​ര​മേ​ഖ​ല വ​റു​തി​യു​ടെ പി​ടി​യി​ൽ. ര​ണ്ടു​മാ​സ​മാ​യി മ​ത്സ്യ​ല​ഭ്യ​ത തീ​രെ കു​റ​വാ​ണ്. വ​ള്ള​മി​റ​ക്കു​ന്ന​തി​ന്റെ ചെ​ല​വ് തു​ക പോ​ലും ല​ഭി​ക്കു​ന്നി​ല്ലെ​ന്ന് മ​ത്സ്യ​ത്തൊ​ഴി​ലാ​ളി​ക​ള്‍ പ​റ​യു​ന്നു. വ​ന്‍തോ​തി​ല്‍ ചെ​മ്മീ​നും ചാ​ള​യും അ​യ​ല​യും ല​ഭി​ക്കേ​ണ്ട സ​മ​യ​ത്താ​ണ് ഒ​രു മീ​നും ല​ഭി​ക്കാ​തി​രി​ക്കു​ന്ന​ത്. തീ​ര​ത്തു​നി​ന്ന് മ​ത്സ്യ​ബ​ന്ധ​ന​ത്തി​നു പോ​കു​ന്ന തൊ​ഴി​ലാ​ളി​ക​ള്‍ നി​രാ​ശ​യോ​ടെ​യാ​ണ് തി​രി​ച്ചെ​ത്തു​ന്ന​ത്.

ക​ഴി​ഞ്ഞ​ദി​വ​സം മ​ത്സ്യ​ബ​ന്ധ​നം ക​ഴി​ഞ്ഞ് മ​ട​ങ്ങി​യ​വ​ർ ചെ​ല​വു​കാ​ശു​പോ​ലും കി​ട്ടി​യി​ല്ലെ​ന്ന് പ​രാ​തി​പ്പെ​ട്ടു. കാ​ലാ​വ​സ്ഥാ വ്യ​തി​യാ​നം മൂ​ലം മ​ത്തി ഉ​ള്‍പ്പെ​ടെ​യു​ള്ള മ​ത്സ്യ​ങ്ങ​ള്‍ ഉ​ള്‍ക്ക​ട​ലി​ലേ​ക്ക് പോ​കു​ന്ന​താ​ണ് മ​ത്സ്യ​ല​ഭ്യ​ത കു​റ​യാ​ന്‍ കാ​ര​ണ​മെ​ന്ന് വി​ദ​ഗ്ധ​ര്‍ ചൂ​ണ്ടി​ക്കാ​ണി​ക്കു​ന്നു. അ​ടി​യ​ന്ത​ര​മാ​യി സൗ​ജ​ന്യ റേ​ഷ​നെ​ങ്കി​ലും ല​ഭ്യ​മാ​ക്കാ​ൻ ന​ട​പ​ടി​യു​ണ്ടാ​വ​ണ​മെ​ന്നാ​ണ്​ ആ​വ​ശ്യം.

വ​ള്ള​ത്തി​ന് ഇ​ന്ധ​നം, ആ​ഹാ​രം, വെ​ള്ളം എ​ന്നി​വ​യെ​ല്ലാം വാ​ങ്ങാ​നു​ള്ള തു​ക ഉ​ള്‍പ്പെ​ടെ ആ​യി​ര​ക്ക​ണ​ക്കി​ന്​ രൂ​പ ചെ​ല​വ് വ​രു​ന്നു. കു​റ​ഞ്ഞ​ത് നാ​ലു​മു​ത​ല്‍ ആ​റു പേ​ര്‍ വ​രെ ഒ​രു​വ​ള്ള​ത്തി​ൽ പോ​കാ​റു​ണ്ട്. ഒ​രു​ത​വ​ണ വ​ള്ളം ക​ട​ലി​ല്‍ പോ​കു​മ്പോ​ള്‍ ചെ​ല​വാ​കു​ന്ന തു​ക​യു​ടെ പ​കു​തി പോ​ലും വി​ല​യു​ടെ മ​ത്സ്യം കി​ട്ടു​ന്നി​ല്ല. തീ​ര​ത്ത് മ​ത്സ്യം കു​റ​ഞ്ഞ​തോ​ടെ അ​നു​ബ​ന്ധ തൊ​ഴി​ല്‍ മേ​ഖ​ല​യും നി​ശ്ച​ല​മാ​ണ്. ഡീ​സ​ൽ-​മ​ണ്ണെ​ണ്ണ വി​ല വ​ർ​ധ​ന പ്ര​തി​സ​ന്ധി​യു​ടെ ആ​ഴം കൂ​ട്ടി​യി​ട്ടു​ണ്ട്. മ​ത്സ്യ അ​നു​ബ​ന്ധ​മേ​ഖ​ല​യി​ൽ പ്ര​വ​ർ​ത്തി​ക്കു​ന്ന​വ​ർ ഉ​ൾ​പ്പെ​ടെ പ​തി​നാ​യി​ര​ങ്ങ​ൾ ന​ര​ക​യാ​ത​ന അ​നു​ഭ​വി​ക്കു​ക​യാ​ണ്.

സ​ർ​ക്കാ​ർ രേ​ഖ​ക​ൾ പ്ര​കാ​രം അ​രൂ​ർ തീ​ര​മേ​ഖ​ല​യി​ൽ മാ​ത്രം 10,000ത്തോ​ളം തൊ​ഴി​ലാ​ളി കു​ടും​ബ​ങ്ങ​ളു​ണ്ട്. എ​ന്നാ​ൽ, പ്ര​ത്യ​ക്ഷ​മാ​യും പ​രോ​ക്ഷ​മാ​യും 25,000 ലേ​റെ തൊ​ഴി​ലാ​ളി കു​ടും​ബ​ങ്ങ​ൾ ഈ ​മേ​ഖ​ല​യെ ആ​ശ്ര​യി​ച്ച് ക​ഴി​യു​ന്നു​ണ്ട്. മ​ത്സ്യ​ക്ഷാ​മം​മൂ​ലം തൊ​ഴി​ലാ​ളി​ക​ൾ വ​റു​തി​യി​ലാ​കു​ന്ന സാ​ഹ​ച​ര്യ​ത്തി​ൽ ചെ​റു​മ​ത്സ്യ​ങ്ങ​ളെ തൂ​ത്തു​വാ​രി കൊ​ണ്ടു​പോ​കു​ന്നു . ഇ​ത് അ​രൂ​ർ തീ​ര​മേ​ഖ​ല​യി​ലെ മ​ത്സ്യ​ത്തൊ​ഴി​ലാ​ളി​ക​ളെ പ്ര​തി​സ​ന്ധി​യി​ലാ​ക്കു​ന്നു. നി​രോ​ധ​നം ഉ​ണ്ടെ​ങ്കി​ലും പു​തി​യ​ത​രം വ​ല ഉ​പ​യോ​ഗി​ച്ച് രാ​ത്രി​കാ​ല​ങ്ങ​ളി​ൽ ബോ​ട്ടു​ക​ൾ വ്യാ​പ​ക​മാ​യി ചെ​റു ചാ​ള​ക​ളെ​യും പൊ​ടി മ​ത്സ്യ​ങ്ങ​ളെ​യും തൂ​ത്തു​വാ​രു​ന്ന​ത്​ പ്ര​തി​ഷേ​ധാ​ർ​ഹ​മാ​ണെ​ന്ന്​ പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി സം​ഘ​ട​ന നേ​താ​വ് പി.​ജെ. ആ​ൻ​റ​ണി പ​റ​യു​ന്നു.

ചൂ​ട് അ​ധി​ക​മാ​കു​മ്പോ​ൾ ക​ട​ൽ വ​റു​തി​യി​ലാ​കും. വേ​ന​ൽ ക​ടു​ക്കു​മ്പോ​ൾ മ​ത്സ്യ​ങ്ങ​ൾ ഉ​ൾ​ക്ക​ട​ലി​ലേ​ക്ക് വ​ലി​യു​ന്ന പ്ര​തി​ഭാ​സം ഈ ​സ​മ​യ​ത്ത് ആ​വ​ർ​ത്തി​ക്കു​ന്ന​താ​ണ്.​എ​ന്നാ​ൽ ചെ​റി​യ മ​ത്തി​യാ​ണ് ഈ ​സ​മ​യ​ത്ത് കൂ​ടു​ത​ൽ ല​ഭി​ക്കു​ന്ന​ത്. ഫി​ഷി​ങ്​ ബോ​ട്ടു​കാ​ർ അ​ന​ധി​കൃ​ത​മാ​യി മ​ത്സ്യ​ബ​ന്ധ​നം ന​ട​ത്തു​ന്ന​ത് ത​മി​ഴ്നാ​ട്ടി​ലേ​ക്കും മ​ഹാ​രാ​ഷ്ട്ര​യി​ലേ​ക്കും ആ​ന്ധ്ര​യി​ലേ​ക്കും മ​റ്റും ചെ​റു മ​ത്തി​ക​ളെ​യും ചെ​റു മ​ത്സ്യ​ങ്ങ​ളെ​യും വ​ള​ത്തി​നു​വേ​ണ്ടി ക​ട​ത്തു​ന്ന​തി​നാ​ണ്. കു​ള​ച്ച​ൽ , ആ​ന്ധ്ര ബോ​ട്ടു​ക​ളാ​ണ് അ​ന​ധി​കൃ​ത മ​ത്സ്യ​ബ​ന്ധ​ന​ത്തി​ന് വ്യാ​പ​ക​മാ​യി ഉ​പ​യോ​ഗി​ക്കു​ന്ന​ത്.

ക​ട​പ്പു​റ​ത്ത് 20രൂ​പ മു​ത​ൽ 25രൂ​പ വ​രെ മാ​ത്ര​മേ ചെ​റി​യ മ​ത്തി​ക്ക് മ​ത്സ്യ​ത്തൊ​ഴി​ലാ​ളി​ക​ൾ​ക്ക് വി​ല ല​ഭി​ക്കു​ക​യു​ള്ളൂ. ഇ​ട​ത്ത​ട്ടു​കാ​രു​ടെ ഇ​ട​പെ​ട​ലും ഇ​തി​നി​ട​യി​ൽ അ​നു​ഭ​വി​ക്കേ​ണ്ടി വ​രും. മ​ത്സ്യ​ക്ഷാ​മം മൂ​ലം പ​ട്ടി​ണി​യി​ലാ​കു​ന്ന മ​ത്സ്യ​ത്തൊ​ഴി​ലാ​ളി​ക​ളെ സ​ഹാ​യി​ക്കാ​ൻ സ​ർ​ക്കാ​ർ ഇ​ട​പെ​ട​ൽ അ​ത്യാ​വ​ശ്യ​മാ​ണ്. ഇ​തി​നി​ടെ ര​ജി​സ്ട്രേ​ഷ​ൻ ഫീ​സും ലൈ​സ​ൻ​സ് ഫീ​സും ക്ഷേ​മ​നി​ധി​വി​ഹി​ത​വും വ​ർ​ധി​പ്പി​ച്ച​തും തൊ​ഴി​ലാ​ളി​ക​ളെ ക​ഷ്ട​ത്തി​ലാ​ക്കു​ന്നു. ഇ​ന്ധ​ന​ത്തി​ന് വി​ല​കു​റ​ച്ചും തൊ​ഴി​ലാ​ളി​ക​ളു​ടെ ദു​രി​ത​ത്തി​ന് പ​രി​ഹാ​ര​മാ​യി ക്ഷേ​മ പ​ദ്ധ​തി​ക​ൾ ആ​വി​ഷ്ക​രി​ച്ചും ദു​രി​ത​ത്തി​ൽ നി​ന്ന് ക​ര​ക​യ​റ്റു​ന്ന​തി​ന് പ​ക​രം കൂ​ടു​ത​ൽ പ്ര​തി​സ​ന്ധി​യി​ലേ​ക്ക് തൊ​ഴി​ലാ​ളി​ക​ളെ ത​ള്ളി​വി​ട​രു​തെ​ന്നാ​ണ്​ ആ​വ​ശ്യം.