വേഗപ്പോരിന്​... വണ്ണം കുറച്ച്​, നീളം കൂട്ടി ചുണ്ടൻവള്ളങ്ങൾ

കു​ട്ട​നാ​ട്: 1952 മു​ത​ലു​ള്ള നെ​ഹ്‌​റു​ട്രോ​ഫി ജ​ല​മേ​ള​യെ​ന്ന​ല്ല, വ​ള്ളം​ക​ളി എ​വി​ടെ​യു​ണ്ടോ അ​വി​ടെ​യെ​ല്ലാം ത​ല​യെ​ടു​പ്പു​ള്ള ചു​ണ്ട​ൻ​വ​ള്ളം ത​ന്നെ​യാ​ണ് താ​രം. ചു​ണ്ട​ൻ വ​ള്ള​ത്തി​ന്റെ പ്രൗ​ഢി ലോ​ക​ത്തെ അ​റി​യി​ച്ച​ത് നെ​ഹ്റു​ട്രോ​ഫി ജ​ല​മേ​ള​യി​ലെ തീ​പാ​റും പ്ര​ക​ട​ന​മാ​ണ്. ആ​ദ്യ​കാ​ല​ങ്ങ​ളി​ൽ ചു​ണ്ട​ൻ വ​ള്ള​ങ്ങ​ൾ​ക്ക് ഇ​പ്പോ​ഴു​ള്ള​ത്ര നീ​ള​മു​ണ്ടാ​യി​രു​ന്നി​ല്ല. വ​ണ്ണം കൂ​ടു​ത​ലാ​യി​രു​ന്നു. ആ​ദ്യ​കാ​ല​ത്ത് വേ​ഗം അ​ത്ര​കാ​ര്യ​മാ​യി പ​രി​ഗ​ണി​ച്ചി​രു​ന്നി​ല്ല. പി​ന്നീ​ട് മ​ത്സ​ര​ത്തി​ന്​ പ്രാ​ധാ​ന്യ​മേ​റി​യ​തോ​ടെ ചു​ണ്ട​ൻ വ​ള്ള​ത്തി​ന്റെ നീ​ളം കൂ​ട്ടു​ക​യും വ​ണ്ണം കു​റ​ക്കു​ക​യും ചെ​യ്തു.

ചു​ണ്ട​ൻ വ​ള്ള​ങ്ങ​ൾ​ക്ക് ആ​ദ്യ​കാ​ല​ത്ത് 41 കോ​ൽ നീ​ള​വും 70 അം​ഗു​ലം വ​ണ്ണ​വു​മാ​യി​രു​ന്നു ഉ​ണ്ടാ​യി​രു​ന്ന​ത്. 1962ൽ ​നി​ർ​മി​ച്ച പ​ച്ച​ചു​ണ്ട​ൻ 44 1/4 കോ​ൽ നീ​ള​വും 54 അം​ഗു​ലം വ​ണ്ണ​വു​മാ​യാ​ണ് നീ​റ്റി​ലി​റ​ക്കി​യ​ത്. അ​ന്ന​ത്തെ ഏ​റ്റ​വും നീ​ളം കൂ​ടി​യ ചു​ണ്ട​നാ​യി​രു​ന്നു ഇ​ന്ന​ത്തെ ക​രു​വാ​റ്റ​യാ​യ ആ ​പ​ച്ച​ചു​ണ്ട​ൻ. ഇ​പ്പോ​ൾ ഈ​ചു​ണ്ട​ന് 53 കോ​ൽ നീ​ള​വും 49 അം​ഗു​ലം വ​ണ്ണ​വു​മാ​യ തോ​തി​ലാ​ക്കി. അ​ക്കാ​ല​ത്ത് ചു​ണ്ട​ൻ വ​ള്ള​ങ്ങ​ൾ ഫി​നി​ഷ് ചെ​യ്തി​രു​ന്ന​ത് എ​ട്ട്​ മു​ത​ൽ 10 മി​നി​റ്റു​ക​ൾ കൊ​ണ്ടാ​യി​രു​ന്നു. ഇ​ന്ന​ത് 4.46 എ​ന്ന നി​ല​ക്കാ​ക്കി. അ​ണി​യ​ത്തി​നും അ​മ​ര​ത്തി​നും പൊ​ക്കം കു​റ​ച്ച​തും ആ​കാ​ല​ത്താ​ണ്. നാ​ല്​ പ​ങ്കാ​യ​മെ​ന്ന​ത് അ​ഞ്ചാ​ക്കി.

കൂ​മ്പ്, പ​റ, പൊ​തി​വി​ല്ല്, മ​ണി​ക്കാ​ലു​ക​ൾ, ചു​രു​ട്ടി​ക്കു​ത്തി, വെ​ടി​ത്ത​ട്ടി, വി​ല്ല്, ഇ​ളം പാ​ലം, പ​ടി​ക​ൾ, കു​മി​ള​ക​ൾ, ആ​ട, നെ​റ്റി, നെ​റ്റി​പ്പൊ​ട്ട്, അ​മ​രം, താ​ണ​ത​ട്ട്, മു​ൻ​ത​ട്ട് എ​ന്നി​ങ്ങ​നെ​യു​ള്ള ചു​ണ്ട​ൻ വ​ള്ള​ത്തി​ന്റെ 16ല​ധി​കം ഭാ​ഗ​ങ്ങ​ളും മാ​റ്റ​ങ്ങ​ൾ​ക്ക് വി​ധേ​യ​മാ​യി.

കൂ​ടു​ത​ൽ പ​ഴ​ക്കം കി​ട്ടു​മെ​ന്ന​തി​നാ​ൽ ആ​ഞ്ഞി​ലി​ത്ത​ടി​യാ​ണ് ചു​ണ്ട​ൻ വ​ള്ള നി​ർ​മാ​ണ​ത്തി​ന് ഏ​റ്റ​വും ഉ​ത്ത​മം. 600-750 ഘ​ന​അ​ടി ത​ടി, മൂ​ന്ന്​ ക്വി​ന്‍റ​ൽ ഇ​രു​മ്പ്, 30 കി​ലോ പി​ത്ത​ള, ഇ​രു​മ്പ് പ​ണി ഉ​ൾ​പ്പെ​ടെ 1300 ത​ച്ച് കൊ​ണ്ടാ​ണ് ഒ​രു​ചു​ണ്ട​ൻ വ​ള്ളം നി​ർ​മി​ക്കു​ന്ന​ത്. ഏ​ക​ദേ​ശം 30 ല​ക്ഷ​ത്തി​ന് മു​ക​ളി​ലാ​ണ് ഒ​രു ചു​ണ്ട​ൻ വ​ള്ളം നി​ർ​മാ​ണ​ച്ചെ​ല​വ്. വാ​ശി​യും ക​രു​ത്തും പ്ര​കൃ​തി​പോ​ലും ഏ​റ്റു​വാ​ങ്ങു​മ്പോ​ൾ ശ​ര​വേ​ഗം കു​തി​ക്കു​ന്ന ചു​ണ്ട​ൻ വ​ള്ള​ത്തി​ന്റെ നി​ർ​ണാ​യ​ക​മാ​യ ര​ണ്ട് സ്ഥ​ല​ങ്ങ​ളാ​ണ് കൂ​മ്പും അ​മ​ര​വും മ​റ്റെ​ല്ലാ ഭാ​ഗ​ങ്ങ​ൾ​ക്കും അ​തി​ന്റേ​താ​യ പ്രാ​ധാ​ന്യ​വു​മു​ണ്ട്.