താൽക്കാലികാശ്വാസം; പാനൂരിൽ ജിയോ ബാഗ് കടൽഭിത്തി നിർമാണം തകൃതി

തൃ​ക്കു​ന്ന​പ്പു​ഴ: ഒ​ന്ന​ര​പ​തി​റ്റാ​ണ്ടാ​യി പാ​നൂ​ർ നി​വാ​സി​ക​ൾ അ​നു​ഭ​വി​ക്കു​ന്ന ക​ട​ലാ​ക്ര​മ​ണ ദു​രി​ത​ത്തി​ന് താ​ൽ​ക്കാ​ലി​ക പ​രി​ഹാ​ര​മാ​കു​ന്ന​തി​ന്‍റെ ആ​ശ്വാ​സ​ത്തി​ലാ​ണ് പ്ര​ദേ​ശ​വാ​സി​ക​ൾ.

ഗു​രു​ത​ര ഭീ​ഷ​ണി നേ​രി​ടു​ന്ന പു​ത്ത​ൻ​പു​ര ജ​ങ്ഷ​ന് പ​ടി​ഞ്ഞാ​റ് ഭാ​ഗ​ത്താ​ണ് 32 ല​ക്ഷം രൂ​പ ചെ​ല​വ​ഴി​ച്ച് ജി​യോ ബാ​ഗ് അ​ടു​ക്കി​യു​ള്ള ക​ട​ൽ​ഭി​ത്തി നി​ർ​മാ​ണം ന​ട​ക്കു​ന്ന​ത്. പാ​നൂ​ർ വ​ട​ക്ക് പു​ത്ത​ൻ​പു​ര​ക്ക​ൽ ജ​ങ്ഷ​ന് പ​ടി​ഞ്ഞാ​റു മു​ത​ൽ വ​ട​ക്കോ​ട്ടു തോ​പ്പി​ൽ ജ​ങ്ഷ​ൻ ഭാ​ഗ​ത്ത് ക​ട​ൽ ഭി​ത്തി​യും അ​തി​ന്​ സാ​മാ​ന്ത​ര​മാ​യി​ട്ടു​ള്ള തീ​ര​ദേ​ശ​റോ​ഡും ത​ക​ർ​ന്നി​ട്ട് 15 വ​ർ​ഷ​ത്തോ​ള​മാ​യി. പി​ന്നീ​ട് ക​ട​ലാ​ക്ര​മ​ണ​ത്തി​ന്‍റെ നി​ത്യ ദു​രി​തം പേ​റു​ന്ന പ്ര​ദേ​ശ​മാ​യി ഇ​ത് മാ​റി.

വാ​ഗ്ദാ​ന​ങ്ങ​ൾ പ​ല​തു ന​ൽ​കി​യെ​ങ്കി​ലും ഒ​ന്നും പാ​ലി​ച്ചി​ല്ല. 2021ലു​ണ്ടാ​യ ക​ട​ലാ​ക്ര​മ​ണ​ത്തി​ൽ ഇ​വി​ടെ നാ​മ​മാ​ത്ര​മാ​യി അ​വ​ശേ​ഷി​ച്ച റോ​ഡും നി​ര​വ​ധി വീ​ടു​ക​ളും ക​ട​ലെ​ടു​ത്ത​തോ​ടെ പ്ര​ദേ​ശം ഒ​റ്റ​പ്പെ​ട്ടു.

15ാം വാ​ർ​ഡ് മെംബ​റും ഗ്രാ​മ പ​ഞ്ചാ​യ​ത്ത് വൈ​സ് പ്ര​സി​ഡ​ൻ​റു​മാ​യ റെ​ജി​ല​യു​ടെ നേ​തൃ​ത്വ​ത്തി​ലു​ള്ള സം​ഘം പ്ര​ദേ​ശ​ത്തി​ന്‍റെ ദു​രി​താ​വ​സ്ഥ ബോ​ധ്യ​പ്പെ​ടു​ത്തു​ന്ന​തി​ന് നി​ര​വ​ധി ത​വ​ണ​യാ​ണ് സെ​ക്ര​ട്ട​റി​യേ​റ്റും ഓ​ഫി​സു​ക​ളു​ം ക​യ​റി​യി​റ​ങ്ങി​യ​ത്. എ​ന്നാ​ൽ നി​രാ​ശ​യാ​യി​രു​ന്നു ഫ​ലം.

2023 ൽ ​ലോ​ക​ബാ​ങ്ക് സ​ഹാ​യ​ത്തോ​ടെ​യു​ള്ള ടെ​ട്രോ​പോ​ഡ് ഉ​പ​യോ​ഗി​ച്ചു​ള്ള പു​ലി​മു​ട്ട് ക​ട​ൽ ഭി​ത്തി​യോ​ട് കൂ​ടി നി​ർ​മി​ക്കു​ന്ന​തി​ന് 20 കോ​ടി​യു​ടെ പ​ദ്ധ​തി ത​യാ​റാ​ക്കി​യ​ത് പ്ര​തീ​ക്ഷ ന​ൽ​കി. എ​ന്നാ​ൽ തു​ട​ർ​ന​ട​പ​ടി​ക​ൾ ഉ​ണ്ടാ​യി​ല്ല.

പ്ര​ദേ​ശ​ത്തി​ന്‍റെ അ​പ​ക​ടാ​വ​സ്ഥ​ക്ക് ഉ​ട​ന​ടി പ​രി​ഹാ​രം കാ​ണ​ണ​മെ​ന്ന ആ​വ​ശ്യം ശ​ക്ത​മാ​യ​തോ​ടെ​യാ​ണ് ജി​യോ ബാ​ഗി​ൽ മ​ണ​ൽ നി​റ​ച്ച് തീ​രം സം​ര​ക്ഷി​ക്കു​ന്ന​തി​ന് ഇ​റി​ഗേ​ഷ​ൻ വ​കു​പ്പ് 32 ല​ക്ഷം അ​നു​വ​ദി​ച്ച​ത്.

ഇ​തി​ന്‍റെ നി​ർ​മാ​ണം പു​ത്ത​ൻ​പു​ര​ക്ക​ൽ ജ​ങ്ഷ​ന് പ​ടി​ഞ്ഞാ​റ് ഭാ​ഗ​ത്ത് പു​രോ​ഗ​മി​ക്കു​ക​യാ​ണ്. 50 മീ​റ്റ​ർ പൂ​ർ​ത്തീ​ക​രി​ച്ചു. ശേ​ഷി​ക്കു​ന്ന 150 മീ​റ്റ​ർ ര​ണ്ടാ​ഴ്ച​ക്കു​ള്ളി​ൽ പൂ​ർ​ത്തി​യാ​കു​മെ​ന്നാ​ണ് പ്ര​തീ​ക്ഷ.