സ്‌കൂട്ടർ യാത്രികയെ ഇടിച്ചുവീഴ്ത്തി ആഭരണങ്ങള്‍ കവര്‍ന്ന ദമ്പതികള്‍ പിടിയില്‍

ഹ​രി​പ്പാ​ട്: സ്‌​കൂ​ട്ട​ര്‍ യാ​ത്രി​ക​യെ ഇ​ടി​ച്ചു​വീ​ഴ്ത്തി ആ​ഭ​ര​ണ​ങ്ങ​ള്‍ ക​വ​ര്‍ന്ന സം​ഭ​വ​ത്തി​ലെ പ്ര​തി​ക​ളാ​യ ദ​മ്പ​തി​ക​ൾ അ​റ​സ്റ്റി​ൽ. നാ​ലു​കെ​ട്ടും ക​വ​ല ക​ട​വി​ല്‍ ര​വി​യു​ടെ മ​ക​ള്‍ ആ​ര്യ​യെ​യാ​ണ് (21) സ്‌​കൂ​ട്ട​ര്‍കൊ​ണ്ട് ഇ​ടി​ച്ചു​വീ​ഴ്ത്തി​യ ശേ​ഷം ആ​ഭ​ര​ണ​ങ്ങ​ള്‍ ക​വ​ര്‍ന്ന​ത്. സം​ഭ​വ​ത്തി​ല്‍ ക​രു​വാ​റ്റ കൊ​ച്ചു​ക​ട​ത്ത​ശ്ശേ​രി വീ​ട്ടി​ല്‍ പ്ര​ജി​ത്ത് (37), ഭാ​ര്യ രാ​ജി (28) എ​ന്നി​വ​രാ​ണ് പി​ടി​യി​ലാ​യ​ത്. മേ​യ്​ 25നാ​യി​രു​ന്നു സം​ഭ​വം.

രാ​മ​പു​ര​ത്തെ സ്വ​കാ​ര്യ ധ​ന​കാ​ര്യ സ്ഥാ​പ​ന​ത്തി​ലെ ജീ​വ​ന​ക്കാ​രി​യാ​യ ആ​ര്യ ജോ​ലി ക​ഴി​ഞ്ഞ് ഹ​രി​പ്പാ​ട്ടെ വ​സ്ത്ര​വ്യാ​പാ​ര ശാ​ല​യി​ല്‍ ക​യ​റി​യ​ശേ​ഷം ന​ങ്ങ്യാ​ർ​കു​ള​ങ്ങ​ര ജ​ങ്ഷ​നി​ൽ കൂ​ടി ക​ട​ന്നു​പോ​കു​ന്ന​തി​നി​ട​യി​ൽ യു​വ​തി​യു​ടെ സ്വ​ർ​ണാ​ഭ​ര​ണ​ങ്ങ​ൾ ദ​മ്പ​തി​ക​ളു​ടെ ശ്ര​ദ്ധ​യി​ൽ​പെ​ട്ടു.

തു​ട​ർ​ന്ന് യു​വ​തി​യെ പി​ന്തു​ട​ർ​ന്ന ഇ​വ​ർ രാ​ത്രി എ​ട്ടോ​ടെ എ​ൻ.​ടി.​പി.​സി റോ​ഡി​ലെ ആ​ളൊ​ഴി​ഞ്ഞ സ്ഥ​ല​ത്ത് എ​ത്തി​യ​പ്പോ​ൾ സ്കൂ​ട്ട​ർ​ ഇ​ടി​പ്പി​ച്ച് അ​പ​ക​ടം ഉ​ണ്ടാ​ക്കു​ക​യാ​യി​രു​ന്നു. പി​ന്നീ​ട് ര​ക്ഷി​ക്കാ​നെ​ന്ന വ്യാ​ജേ​ന എ​ത്തി ഇ​വ​ർ ആ​ഭ​ര​ണ​ങ്ങ​ൾ ക​വ​ർ​ന്ന ശേ​ഷം ക​ട​ന്നു​ക​ള​ഞ്ഞു.

യു​വ​തി മ​റ്റാ​രോ​ടും പ​റ​യാ​തി​രി​ക്കാ​ൻ മൊ​ബൈ​ല്‍ ച​ളി​യി​ല്‍ വ​ലി​ച്ചെ​റി​യു​ക​യും ചെ​യ്തു. ഹെ​ല്‍മെ​റ്റ് ധ​രി​ച്ച ര​ണ്ട് പു​രു​ഷ​ന്മാ​ര്‍ എ​ന്നാ​യി​രു​ന്നു ആ​ര്യ പൊ​ലീ​സി​ന് കൊ​ടു​ത്ത മൊ​ഴി. അ​ന്വേ​ഷ​ണം ഊ​ര്‍ജി​ത​മാ​ക്കി​യ ക​രി​യി​ല​ക്കു​ള​ങ്ങ​ര പൊ​ലീ​സ് സി.​സി. ടി.​വി കാ​മ​റ​ക​ളും ഇ​ത്ത​രം കേ​സു​ക​ളി​ല്‍ സം​ശ​യി​ക്കു​ന്ന ആ​ളു​ക​ളെ​യും സൂ​ക്ഷ്മ നി​രീ​ക്ഷ​ണം ന​ട​ത്തി. ഒ​ടു​വി​ല്‍ അ​ന്വേ​ഷ​ണം പ്ര​തി​ക​ളി​ലേ​ക്ക് എ​ത്തു​ക​യാ​യി​രു​ന്നു.

ആ​ഭ​ര​ണ​ങ്ങ​ള്‍ ഡാ​ണാ​പ്പ​ടി​യി​ലെ സ്വ​ർ​ണ​ക്ക​ട​യി​ല്‍ വി​റ്റ​ശേ​ഷം ത​മി​ഴ്നാ​ട്ടി​ലേ​ക്ക് മു​ങ്ങി​യ പ്ര​തി​ക​ള്‍ പി​ന്നീ​ട്​ നാ​ട്ടി​ലേ​ക്ക് വ​രു​ക​യാ​യി​രു​ന്നു.

ആ​ല​പ്പു​ഴ ജി​ല്ല പൊ​ലീ​സ് മേ​ധാ​വി ചൈ​ത്ര തെ​രേ​സ ജോ​ണി​ന്റെ നി​ർ​ദേ​ശ അ​നു​സ​ര​ണം കാ​യം​കു​ളം ഡി​വൈ.​എ​സ്.​പി അ​ജ​യ് നാ​ഥി​ന്റെ മേ​ല്‍നോ​ട്ട​ത്തി​ല്‍ ക​രി​യി​ല​ക്കു​ള​ങ്ങ​ര സി.​ഐ എ​ൻ. സു​നീ​ഷ്, എ​സ്.​ഐ ബ​ജി​ത്ത് ലാ​ല്‍, എ.​എ​സ്.​ഐ പ്ര​ദീ​പ്, ഉ​ദ്യോ​ഗ​സ്ഥ​രാ​യ ദി​വ്യ, സു​ഹൈ​ല്‍, ഷ​മീ​ര്‍, ഷാ​ഫി, മ​ണി​ക്കു​ട്ട​ന്‍, ഇ​യാ​സ്, ദീ​പ​ക്, ഷാ​ജ​ഹാ​ന്‍, അ​ഖി​ല്‍ മു​ര​ളി എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു.