ഉദ്ഘാടനച്ചടങ്ങിനിടെ ചങ്ങാടം മറിഞ്ഞു; പഞ്ചായത്ത് പ്രസിഡന്‍റും വൈസ് പ്രസിഡൻറും നീന്തിക്കയറി

ഹ​രി​പ്പാ​ട്: ഉ​ദ്ഘാ​ട​ന ച​ട​ങ്ങി​നി​ടെ ച​ങ്ങാ​ടം മ​റി​ഞ്ഞു വെ​ള്ള​ത്തി​ൽ വീ​ണ പ​ഞ്ചാ​യ​ത്ത് പ്ര​സി​ഡ​ൻ​റും വൈ​സ് പ്ര​സി​ഡ​ൻ​റും നീ​ന്തി​ക്ക​യ​റി. ക​രു​വാ​റ്റ ഗ്രാ​മ​പ​ഞ്ചാ​യ​ത്തി​ൽ ന​ട​ന്ന ച​ങ്ങാ​ട​ത്തി​ന്‍റെ ഉ​ദ്ഘാ​ട​ന ച​ട​ങ്ങി​നി​ടെ​യാ​ണ് കീ​ഴ്മേ​ൽ മ​റി​ഞ്ഞ​ത്. ക​രു​വാ​റ്റ പ​ഞ്ചാ​യ​ത്തി​ന്‍റെ 13, 14 വാ​ർ​ഡു​ക​ളു​ടെ അ​തി​ർ​ത്തി പ​ങ്കി​ടു​ന്ന ക​ന്നു​കാ​ലി പാ​ല​ത്തി​ന് തെ​ക്ക് ചെ​മ്പ് തോ​ട്ടി​ലാ​ണ് സം​ഭ​വം. വീ​തി കു​റ​ഞ്ഞ തോ​ടി​ന്‍റെ മ​റു​ക​ര ക​ട​ക്കാ​ൻ നാ​ട്ടു​കാ​ർ നി​ർ​മി​ച്ച ച​ങ്ങാ​ട​ത്തി‍െൻറ ഉ​ദ്ഘാ​ട​ന ച​ട​ങ്ങി​ലാ​ണ് അ​പ​ക​ടം.

താ​ഴെ പ്ലാ​സ്റ്റി​ക് വീ​പ്പ അ​ടു​ക്കി മു​ക​ളി​ൽ കൈ​വ​രി​യു​ള്ള പ്ലാ​റ്റ്ഫോം നി​ർ​മി​ച്ചാ​ണ് ച​ങ്ങാ​ട​ത്തി​ന്​ സ​മാ​ന​മാ​യ ക​ട​ത്ത് ഒ​രു​ക്കി​യ​ത്. ച​ങ്ങാ​ട​ത്തി​ൽ ക​യ​റി ക​ര​യി​ൽ ബ​ന്ധി​പ്പി​ച്ച ക​യ​റി​ൽ വ​ലി​ച്ചു മ​റു​ക​ര​യെ​ത്താ​വു​ന്ന ത​ര​ത്തി​ലാ​യി​രു​ന്നു ക​ട​ത്ത്. തോ​ടി​ന്‍റെ ഒ​രു വ​ശം പ​ഞ്ചാ​യ​ത്ത് പ്ര​സി​ഡ​ന്റി​ന്റെ വാ​ർ​ഡും മ​റു​ക​ര വൈ​സ് പ്ര​സി​ഡ​ന്‍റി‍െൻറ വാ​ർ​ഡും ആ​യ​തി​നാ​ൽ ഉ​ദ്ഘാ​ട​ന​ത്തി​ന്​ ര​ണ്ടു​പേ​രെ​യും ക്ഷ​ണി​ച്ചു.

പ​ഞ്ചാ​യ​ത്ത് പ്ര​സി​ഡ​ൻ​റ് എ​സ്. സു​രേ​ഷും വൈ​സ് പ്ര​സി​ഡ​ൻ​റ് ടി. ​പൊ​ന്ന​മ്മ​യും നാ​ട​മു​റി​ച്ച ശേ​ഷം ജ​ങ്കാ​റി​ൽ ക​യ​റി മ​റു​ക​ര എ​ത്തി തി​രി​കെ നി​റ​യെ ആ​ളു​മാ​യാ​ണ് യാ​ത്ര​ക്കൊ​രു​ങ്ങി​യ​ത്. അ​മി​ത​ഭാ​രം മൂ​ലം ച​ങ്ങാ​ടം ഒ​രു വ​ശ​ത്തേ​ക്ക് ച​രി​ഞ്ഞു. ആ ​അ​വ​സ്ഥ​യി​ൽ മ​റു​ക​ര​യി​ലേ​ക്ക് പോ​കാ​ൻ ശ്ര​മി​ക്കു​ന്ന​തി​നി​ടെ ത​ല​കീ​ഴാ​യി മ​റി​യു​ക​യാ​യി​രു​ന്നു.

പ​ല​രും ച​ങ്ങാ​ട​ത്തി​ന് അ​ടി​യി​ൽ പെ​ട്ടെ​ങ്കി​ലും പെ​ട്ടെ​ന്ന് ത​ന്നെ നീ​ന്തി ക​ര​പ​റ്റി. ക​ര​യി​ലു​ണ്ടാ​യി​രു​ന്ന​വ​ർ വെ​ള്ള​ത്തി​ലേ​ക്കി​റ​ങ്ങി​യും ര​ക്ഷാ​പ്ര​വ​ർ​ത്ത​നം ന​ട​ത്തി. പ​ല​രു​ടെ​യും ഫോ​ൺ ന​ഷ്ട​പ്പെ​ടു​ക​യും ത​ക​രാ​റി​ലാ​വു​ക​യും ചെ​യ്തു.