സ്വത്തു തർക്കം: കരുവാറ്റയിൽ പട്ടാപ്പകൽ ഗുണ്ട ആക്രമണം

ഹ​രി​പ്പാ​ട്: പ​ട്ടാ​പ്പ​ക​ൽ ഗു​ണ്ടാ​സം​ഘം വീ​ടു​ക​യ​റി ന​ട​ത്തി​യ ആ​ക്ര​മ​ണ​ത്തി​ൽ വ​യോ​ധി​ക അ​ട​ക്കം മൂ​ന്നു​പേ​ർ​ക്ക് പ​രി​ക്ക്. ബ​ന്ധു​ക്ക​ൾ ത​മ്മി​ലു​ള്ള സ്വ​ത്തു​ത​ർ​ക്ക​മാ​ണ് കാ​ര​ണം. സംഭവത്തിൽ മൂ​ന്നു​പേ​ർ അറസ്റ്റിലായി. ക​രു​വാ​റ്റ 13ാം വാ​ർ​ഡ് വേ​ല​ഞ്ചി​റ തോ​പ്പി​ൽ ര​മാ​ദേ​വി (79), മ​ക​ൻ ഹ​രി​പ്പാ​ട് കെ.​എ​സ്.​ആ​ർ.​ടി.​സി ഡി​പ്പോ​യി​ലെ ഡ്രൈ​വ​ർ ഗി​രി ഗോ​പി​നാ​ഥ് (49), ഭാ​ര്യ ഇ​തേ ഡി​പ്പോ​യി​ലെ ക​ണ്ട​ക്ട​ർ താ​ര (46) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ക​ണ്ട​ല്ലൂ​ർ പു​തി​യ​വി​ള സ്നേ​ഹാ​ല​യം വീ​ട്ടി​ൽ ഭാ​സ്ക​ര​ൻ (വേ​ല​ഞ്ചി​റ ഭാ​സ്ക​ര​ൻ), ക​ണ്ട​ല്ലൂ​ർ തെ​ക്ക് മു​ല്ല​ശ്ശേ​രി​ൽ സു​നി​ൽ​കു​മാ​ർ, മു​തു​കു​ളം തെ​ക്ക് അ​രു​ണാ​ല​യം വീ​ട്ടി​ൽ അ​രു​ൺ​കു​മാ​ർ എ​ന്നി​വ​രെ പൊ​ലീ​സ് അ​റ​സ്റ്റ് ചെ​യ്തു. തി​ങ്ക​ളാ​ഴ്ച രാ​വി​ലെ ഒ​മ്പ​തോ​ടെ​യാ​ണ്​ സം​ഭ​വം.

ഗി​രി ഗോ​പി​നാ​ഥ​ന്റെ പി​താ​വ്​ പ​രേ​ത​നാ​യ ഗോ​പി​നാ​ഥ​ന്റെ പേ​രി​ലു​ള്ള മൂ​ന്ന​ര ഏ​ക്ക​ർ വ​സ്തു ഒ​ന്നാം പ്ര​തി​യും ബ​ന്ധു​വു​മാ​യ ഭാ​സ്ക​ര​ന് കൊ​ടു​ക്കാ​ത്ത​തി​ലു​ള്ള വി​രോ​ധ​മാ​ണ് ആ​ക്ര​മ​ണ​ത്തി​ന്​ കാ​ര​ണം. ഭാ​സ്ക​ര​ൻ ഒ​രു​സം​ഘ​വു​മാ​യെ​ത്തി രാ​ത്രി ഗി​രി ഗോ​പി​നാ​ഥ​ന്റെ മു​റി​യി​ൽ അ​തി​ക്ര​മി​ച്ചു ക​യ​റി ക്രൂ​ര​മാ​യി മ​ർ​ദി​ക്കു​ക​യാ​യി​രു​ന്നു. വ​ലി​ച്ചി​ഴ​ച്ച് വീ​ടി​നു പു​റ​ത്തു​കൊ​ണ്ടു​വ​ന്ന് മ​ർ​ദ​നം തു​ട​ർ​ന്നു. മു​ദ്ര​പ്പ​ത്ര​ത്തി​ൽ ബ​ലം​പ്ര​യോ​ഗി​ച്ച് കൈ​വി​ര​ൽ പ​തി​പ്പി​ക്കു​ക​യും സ്വ​ർ​ണ​ക്ക​മ്മ​ൽ പ​റി​ച്ചെ​ടു​ക്കു​ക​യും ചെ​യ്തു.

ഗി​രി ഗോ​പി​നാ​ഥ​ന്റെ പ​ല്ലു​ക​ൾ ന​ഷ്ട​പ്പെ​ടു​ക​യും താ​ടി​യെ​ല്ലി​ന് പൊ​ട്ട​ൽ ഉ​ണ്ടാ​വു​ക​യും ചെ​യ്തു. ത​ട​യാ​നെ​ത്തി​യ മാ​താ​വ് ര​മാ​ദേ​വി​യും ഭാ​ര്യ താ​ര​യും ആ​ക്ര​മ​ണ​ത്തി​നി​ര​യാ​യി. ഇ​രു​മ്പു​വ​ടി കൊ​ണ്ടു​ള്ള അ​ടി​യേ​റ്റ് ര​മാ​ദേ​വി​യു​ടെ ത​ല​ക്ക്​ ഗു​രു​ത​ര പ​രി​ക്കേ​റ്റു. പ​രി​ക്കേ​റ്റ​വ​രെ നാ​ട്ടു​കാ​ർ ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. അ​യ​ൽ​വാ​സി​ക​ളെ​യും ഗു​ണ്ട സം​ഘം അ​ക്ര​മി​ച്ചു.

ദേ​ശീ​യ​പാ​ത​ക്ക് സ​മീ​പം ക​രു​വാ​റ്റ ക​ൽ​പ​ക​വാ​ടി ഹോ​ട്ട​ലി​ന് സ​മീ​പ​മാ​ണ് ഗി​രി​യും കു​ടും​ബ​വും താ​മ​സി​ക്കു​ന്ന​ത്. ഇ​വ​രു​ടെ വ​സ്തു​വി​ന് തൊ​ട്ടു​പി​ന്നി​ലു​ള്ള ഭാ​സ്ക​ര​ന്‍റെ 52 ഏ​ക്ക​ർ വ​സ്തു വി​ൽ​ക്കാ​ൻ ശ്ര​മി​ച്ചെ​ങ്കി​ലും ന​ട​ന്നി​ല്ല. ഗി​രി ഗോ​പി​നാ​ഥ​ന്റെ പി​താ​വി​ന്‍റെ പേ​രി​ലു​ള്ള വ​സ്തു​കൂ​ടി ല​ഭി​ച്ചാ​ൽ മാ​ത്ര​മേ ക​ച്ച​വ​ടം ന​ട​ക്കു​ക​യു​ള്ളൂ. വ​സ്തു ല​ഭി​ക്കാ​ത്ത​താ​ണ് ആ​ക്ര​മ​ണ​ത്തി​ന്​ കാ​ര​ണം. ഇ​തു​മാ​യി ബ​ന്ധ​പ്പെ​ട്ട്​ നേ​ര​ത്തേ​യും ത​ർ​ക്കം ഉ​ണ്ടാ​വു​ക​യും ഹ​രി​പ്പാ​ട് പൊ​ലീ​സി​ൽ പ​രാ​തി ന​ൽ​കി​യി​രു​ന്ന​തു​മാ​ണ്.

സം​ഭ​വ​ത്തി​ൽ കൂ​ടു​ത​ൽ പ്ര​തി​ക​ൾ ഉ​ൾ​പ്പെ​ട്ടി​ട്ടു​ണ്ടോ എ​ന്ന് അ​ന്വേ​ഷി​ച്ചു​വ​രു​ക​യാ​ണെ​ന്നും മ​റ്റു പ്ര​തി​ക​ൾ ഉ​ട​ൻ പി​ടി​യി​ലാ​കു​മെ​ന്നും പൊ​ലീ​സ് അ​റി​യി​ച്ചു. ഒ​ന്നാം​പ്ര​തി ഭാ​സ്ക​ര​ന് ദേ​ഹാ​സ്വാ​സ്ഥ്യം ഉ​ണ്ടാ​യ​തി​നെ തു​ട​ർ​ന്ന് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഒ​ളി​വി​ലാ​യി​രു​ന്ന പ്ര​തി​ക​ളെ എ​സ്.​എ​ച്ച്.​ഒ അ​ഭി​ലാ​ഷ് കു​മാ​ർ, എ​സ്.​ഐ​മാ​രാ​യ ശ്രീ​കു​മാ​ർ, ശ്രീ​കു​മാ​ര​ക്കു​റു​പ്പ്, രാ​ജേ​ഷ് ഖ​ന്ന, സി.​പി.​ഒ​മാ​രാ​യ അ​രു​ൺ, എ. ​നി​ഷാ​ദ്, പ്ര​മോ​ദ്, അ​ഭി​ജി​ത് എ​ന്നി​വ​ർ അ​ട​ങ്ങു​ന്ന സം​ഘ​മാ​ണ് ​്പ്രതികളെ പി​ടി​കൂ​ടി​യ​ത്.