ക​ന​ത്ത മ​ഴ​യും വേ​ലി​യേ​റ്റ​വും പ്ര​തി​സ​ന്ധി കുട്ടനാട്​ ജലനിരപ്പ്​ ഉയരുന്നു; കർഷകർ ആശങ്കയിൽ

ആ​ല​പ്പു​ഴ: ക​ന​ത്ത മ​ഴ​ക്കൊ​പ്പം കി​ഴ​ക്ക​ൻ വെ​ള്ള​ത്തി​ന്‍റെ വ​ര​വി​ൽ കു​ട്ട​നാ​ട്​-​അ​പ്പ​ർ​കു​ട്ട​നാ​ട്​ മേ​ഖ​ല​യി​ൽ ജ​ല​നി​ര​പ്പ്​ ഉ​യ​ർ​ന്നു. ക​ർ​ഷ​ക​ർ ദു​രി​ത​ത്തി​ൽ. മി​ക്ക പ​ഞ്ചാ​യ​ത്തി​ലും ജ​ല​നി​ര​പ്പ്​ അ​പ​ക​ട​നി​ല​ക്ക്​ മു​ക​ളി​ലെ​ത്തി. ഇ​തി​നൊ​പ്പം അ​തി​ശ​ക്ത​മാ​യ വേ​ലി​യേ​റ്റ​വും പ്ര​തി​സ​ന്ധി സൃ​ഷ്ടി​ക്കു​ന്നു. പു​റം​ബ​ണ്ടു​ക​ളി​ല്ലാ​ത്ത പാ​ട​ശേ​ഖ​ര​ങ്ങ​ൾ മ​ട​വീ​ഴ്​​ച ഭീ​ഷ​ണി​യി​ലാ​ണ്. ച​മ്പ​ക്കു​ളം കൃ​ഷി​ഭ​വ​ന്‍റെ പ​രി​ധി​യി​ൽ 340 ഏ​ക്ക​റു​ള്ള ചെ​മ്പ​ടി ച​ക്കം​ക​രി പാ​ട​ശേ​ഖ​ര​ത്തി​ലെ പു​റം​ബ​ണ്ടി​ൽ വി​ള്ള​ൽ​വീ​ണ്​ (അ​ള്ള ഇ​ടി​ഞ്ഞ്) ബ​ണ്ട്​ ത​ക​ർ​ന്നു.

ക​ർ​ഷ​ക​രു​ടെ ഒ​രു​ദി​വ​സം നീ​ണ്ട പ​രി​ശ്ര​മ​ത്തി​നൊ​ടു​വി​ലാ​ണ്​ മ​ട​വീ​ഴാ​തെ സം​ര​ക്ഷ​ണ​മു​ണ്ടാ​യ​ത്. ര​ണ്ടാം കൃ​ഷി​ക്കാ​യി നി​ല​മൊ​ഴു​ക്കാ​ൻ ജോ​ലി​ക​ൾ ന​ട​ന്നു​വ​രു​ന്ന​തി​നി​ടെ​യാ​ണ്​ ദു​ര​വ​സ്ഥ.ക​ഴി​ഞ്ഞ​ദി​വ​സം രാ​ത്രി​യാ​ണ്​ പു​റം​ബ​ണ്ടി​ൽ വി​ള്ള​ൽ രൂ​പ​പ്പെ​ട്ട​ത്. ശ​ക്ത​മാ​യ വെ​ള്ളം ത​ള്ള​ലി​ൽ അ​ഞ്ച്​ മീ​റ്റ​റോ​ളം വീ​തി​യി​ൽ പു​റം​ബ​ണ്ട് ഇ​ടി​ഞ്ഞു. ബ​ണ്ട് കു​ത്തി​യെ​ടു​ക്കാ​ൻ 50,000 രൂ​പ​ക്ക്​ മു​ക​ളി​ൽ ചെ​ല​വാ​യി. മ​ട​വീ​ഴ്ച ത​ട​യാ​ൻ സാ​ധി​ച്ച​തോ​ടെ ഒ​ട്ടേ​റെ വീ​ടു​ക​ളും ര​ണ്ട് ​പ്ര​ധാ​ന റോ​ഡു​ക​ളും വെ​ള്ളം ക​യ​റാ​തെ സം​ര​ക്ഷി​ക്കാ​നാ​യി.

ശ​ക്ത​മാ​യ വേ​ലി​യേ​റ്റം നി​ല​നി​ൽ​ക്കു​ന്ന​തി​നാ​ൽ കൂ​ടു​ത​ൽ ഷ​ട്ട​റു​ക​ൾ റെ​ഗു​ലേ​റ്റ് ചെ​യ്ത്​ വെ​ള്ള​ത്തി​ന്റെ ല​വ​ൽ ക്ര​മീ​ക​രി​ക്ക​ണ​മെ​ന്നും ബ​ണ്ടു​കു​ത്തി പാ​ട​ശേ​ഖ​രം സം​ര​ക്ഷി​ച്ച​തി​ന്​ പാ​ട​ശേ​ഖ​ര​ത്തി​ന്​ ചെ​ല​വാ​യ​തു​ക സ​ർ​ക്കാ​ർ ന​ൽ​ക​ണ​മെ​ന്നു​മാ​ണ്​ ക​ർ​ഷ​ക​രു​ടെ ആ​വ​ശ്യം.ചെ​റു​ത​ന കൃ​ഷി​ഭ​വ​ന്‍റെ കീ​ഴി​ല​ള്ള പാ​ണ്ടി ചെ​റു​തു​രു​ത്ത് പാ​ട​ത്താ​ണ്​ മ​ട വീ​ണ​ത്. ബ​ണ്ട് ത​ക​ർ​ന്ന് ര​ണ്ടു മ​ണി​ക്കൂ​റി​ന​കം​ത​ന്നെ പാ​ട​ത്ത് പ​കു​തി​യോ​ളം വെ​ള്ളം നി​റ​ഞ്ഞു. ഉ​ട​ൻ ക​ർ​ഷ​ക​രും തൊ​ഴി​ലാ​ളി​ക​ളും ചേ​ർ​ന്ന് മു​ളം​കു​റ്റി അ​ടി​ച്ച് ചാ​ക്കി​ൽ മ​ണ്ണ് നി​റ​ച്ചും പാ​ട​ത്തു​നി​ന്ന് ച​ളി വാ​രി​യി​ട്ടും ബ​ണ്ട് പു​ന​ർ​നി​ർ​മി​ക്കു​ക​യാ​യി​രു​ന്നു. വി​ത ക​ഴി​ഞ്ഞ് 35 ദി​വ​സം പി​ന്നി​ട്ട പാ​ട​ത്താ​ണ് മ​ട​വീ​ഴ്ച ഉ​ണ്ടാ​യ​ത്. കാ​വാ​ലം, മ​ങ്കൊ​മ്പ്, നെ​ടു​മു​ടി മേ​ഖ​ല​യി​ൽ ജ​ല​നി​ര​പ്പാ​ണ്​ അ​പ​ക​ട​നി​ല​ക്ക്​ മു​ക​ളി​ലെ​ത്തി​യ​ത്.

​വേ​ലി​യേ​റ്റം പു​ഞ്ച​കൃ​ഷി​ക്ക്​ ഭീ​ഷ​ണി

ശ​ക്ത​മാ​യ ​വേ​ലി​യേ​റ്റം പു​ഞ്ച​കൃ​ഷി​ക്ക്​ ഭീ​ഷ​ണി​യാ​യി. പ​ല​യി​ട​ങ്ങ​ളി​ലും ഒ​ന്നാം വ​ള​പ്ര​യോ​ഗം വ​രെ ന​ട​ത്തി​യി​രു​ന്നു. തു​ട​ർ​ച്ച​യാ​യ മ​ഴ​യും കി​ഴ​ക്ക​ൻ വെ​ള്ള​ത്തി​ന്റെ വ​ര​വു​മാ​ണ്​ കു​ട്ട​നാ​ട്-​അ​പ്പ​ർ കു​ട്ട​നാ​ട​ൻ പ്ര​ദേ​ശ​ത്ത് ജ​ല​നി​ര​പ്പ് ഉ​യ​രാ​ൻ കാ​ര​ണം. ര​ണ്ടാ​ഴ്ച മു​മ്പ്​ വെ​ള്ളം ഉ​യ​ർ​ന്ന് പ​ല പാ​ട​ശേ​ഖ​ര​ങ്ങ​ളി​ൽ മ​ട​വീ​ഴ്ച ഉ​ണ്ടാ​യി​രു​ന്നു. വീ​ണ്ടും അ​പ്ര​തീ​ക്ഷി​ത​മാ​യി ജ​ല​നി​ര​പ്പ്​ അ​പ​ക​ട​നി​ല​ക്ക്​ മു​ക​ളി​ലെ​ത്തി. ഇ​തോ​ടെ, നെ​ൽ​കൃ​ഷി​യി​റ​ക്കു​ന്ന പാ​ട​ശേ​ഖ​ര​ങ്ങ​ളി​ലെ ക​ർ​ഷ​ക​രാ​ണ്​ ദു​രി​ത​ത്തി​ലാ​യ​ത്. ഒ​രു പാ​ട​ശേ​ഖ​ര​ത്തി​ൽ മ​ട വീ​ഴു​ക​യും ദു​ർ​ബ​ല​മാ​യ പു​റം​ബ​ണ്ടു​ക​ളു​ള്ള മ​റ്റ്​ പാ​ട​ശേ​ഖ​ര​ങ്ങ​ൾ മ​ട വീ​ഴ്ച ഭീ​ഷ​ണി​യി​ലു​മാ​ണ്.

പു​റം​ബ​ണ്ടു​ക​ൾ ക​വി​ഞ്ഞും മ​റ്റും വെ​ള്ളം പാ​ട​ശേ​ഖ​ര​ത്തി​ലേ​ക്ക്​ ക​യ​റു​ന്ന​തി​നാ​ൽ വി​ത പൂ​ർ​ത്തി​യാ​ക്കി​യ പാ​ട​ശേ​ഖ​ര​ങ്ങ​ളി​ലെ വി​ത​ച്ച നെ​ല്ല് നാ​ശ​ത്തി​ന്റെ വ​ക്കി​ലാ​ണ്. പു​റം ജ​ലാ​ശ​യ​ത്തി​ൽ ജ​ല​നി​ര​പ്പ് ഉ​യ​ർ​ന്ന​തി​നാ​ൽ പെ​ട്ടി​മ​ട ത​ള്ളി​പ്പോ​യി മ​ട​വീ​ഴാ​നു​ള്ള സാ​ധ്യ​ത ഏ​റെ​യാ​ണ്. സു​ഗ​മ​മാ​യി പ​മ്പി​ങ് ന​ട​ത്താ​ൻ സാ​ധി​ക്കു​ന്നി​ല്ല. ശ​ക്ത​മാ​യ വേ​ലി​യേ​റ്റം തു​ട​രു​ന്ന​തി​നാ​ൽ ത​ണ്ണീ​ർ​മു​ക്കം ബ​ണ്ടി​ന്‍റെ ഷ​ട്ട​റു​ക​ൾ പൂ​ർ​ണ​മാ​യി തു​റ​ക്കാ​നും അ​ട​ക്കാ​നു​മു​ള്ള സം​വി​ധാ​നം ഒ​രു​ക്കി​യാ​ൽ മാ​ത്ര​മേ കു​ട്ട​നാ​ട്ടി​ലെ വെ​ള്ള​പ്പൊ​ക്ക ദു​രി​ത​ത്തി​ന്​ ശ​മ​ന​മാ​കൂ.